মাণিক্য়ং –
ততো রাবণনীতায়াঃ সীতায়াঃ শত্রুকর্শনঃ ।
ইয়েষ পদমন্বেষ্টুং চারণাচরিতে পথি ॥ 1 ॥

মুত্য়ং –
যস্য় ত্বেতানি চত্বারি বানরেংদ্র যথা তব ।
স্মৃতির্মতির্ধৃতির্দাক্ষ্য়ং স কর্মসু ন সীদতি ॥ 2 ॥

প্রবালং –
অনির্বেদঃ শ্রিয়ো মূলং অনির্বেদঃ পরং সুখম্ ।
অনির্বেদো হি সততং সর্বার্থেষু প্রবর্তকঃ ॥ 3 ॥

মরকতং –
নমোঽস্তু রামায় সলক্ষ্মণায়
দেব্য়ৈ চ তস্য়ৈ জনকাত্মজায়ৈ ।
নমোঽস্তু রুদ্রেংদ্রযমানিলেভ্য়ঃ
নমোঽস্তু চংদ্রার্কমরুদ্গণেভ্য়ঃ ॥ 4 ॥

পুষ্যরাগং –
প্রিয়ান্ন সংভবেদ্দুঃখং অপ্রিয়াদধিকং ভযম্ ।
তাভ্য়াং হি যে বিয়ুজ্য়ংতে নমস্তেষাং মহাত্মনাম্ ॥ 5 ॥

হীরকং –
রামঃ কমলপত্রাক্ষঃ সর্বসত্ত্বমনোহরঃ ।
রূপদাক্ষিণ্যসংপন্নঃ প্রসূতো জনকাত্মজে ॥ 6 ॥

ইংদ্রনীলং –
জযত্যতিবলো রামো লক্ষ্মণশ্চ মহাবলঃ ।
রাজা জযতি সুগ্রীবো রাঘবেণাভিপালিতঃ ।
দাসোঽহং কোসলেংদ্রস্য় রামস্য়াক্লিষ্টকর্মণঃ ।
হনুমান্ শত্রুসৈন্য়ানাং নিহংতা মারুতাত্মজঃ ॥ 7 ॥

গোমেধিকং –
যদ্যস্তি পতিশুশ্রূষা যদ্যস্তি চরিতং তপঃ ।
যদি বাস্ত্য়েকপত্নীত্বং শীতো ভব হনূমতঃ ॥ 8 ॥

বৈডূর্য়ং –
নিবৃত্তবনবাসং তং ত্বয়া সার্ধমরিংদমম্ ।
অভিষিক্তময়োধ্য়ায়াং ক্ষিপ্রং দ্রক্ষ্যসি রাঘবম্ ॥ 9 ॥

ইতি শ্রী আংজনেয় নবরত্নমালা স্তোত্রম্ ।