ഭവായ ചംദ്രചൂഡായ നിര്ഗുണായ ഗുണാത്മനേ ।
കാലകാലായ രുദ്രായ നീലഗ്രീവായ മംഗളമ് ॥ 1 ॥
വൃഷാരൂഢായ ഭീമായ വ്യാഘ്രചര്മാംബരായ ച ।
പശൂനാംപതയേ തുഭ്യം ഗൌരീകാംതായ മംഗളമ് ॥ 2 ॥
ഭസ്മോദ്ധൂളിതദേഹായ നാഗയജ്ഞോപവീതിനേ ।
രുദ്രാക്ഷമാലാഭൂഷായ വ്യോമകേശായ മംഗളമ് ॥ 3 ॥
സൂര്യചംദ്രാഗ്നിനേത്രായ നമഃ കൈലാസവാസിനേ ।
സച്ചിദാനംദരൂപായ പ്രമഥേശായ മംഗളമ് ॥ 4 ॥
മൃത്യുംജയായ സാംബായ സൃഷ്ടിസ്ഥിത്യംതകാരിണേ ।
ത്രയംബകായ ശാംതായ ത്രിലോകേശായ മംഗളമ് ॥ 5 ॥
ഗംഗാധരായ സോമായ നമോ ഹരിഹരാത്മനേ ।
ഉഗ്രായ ത്രിപുരഘ്നായ വാമദേവായ മംഗളമ് ॥ 6 ॥
സദ്യോജാതായ ശർവായ ഭവ്യ ജ്ഞാനപ്രദായിനേ ।
ഈശാനായ നമസ്തുഭ്യം പംചവക്രായ മംഗളമ് ॥ 7 ॥
സദാശിവ സ്വരൂപായ നമസ്തത്പുരുഷായ ച ।
അഘോരായ ച ഘോരായ മഹാദേവായ മംഗളമ് ॥ 8 ॥
ശ്രീചാമുംഡാപ്രേരിതേന രചിതം മംഗളാസ്പദമ് ।
തസ്യാഭീഷ്ടപ്രദം ശംഭോഃ യഃ പഠേന്മംഗളാഷ്ടകമ് ॥ 9 ॥
മഹാദേവസ്യ ദേവസ്യ യഃ പഠേന്മംഗളാഷ്ടകമ് ।
സർവാര്ഥ സിദ്ധി മാപ്നോതി സ സായുജ്യം തതഃ പരമ് ॥ 10 ॥
