ശ്രീം സൌം ശരവണഭവഃ ശരച്ചംദ്രായുതപ്രഭഃ ।
ശശാംകശേഖരസുതഃ ശചീമാംഗള്യരക്ഷകഃ ॥ 1 ॥

ശതായുഷ്യപ്രദാതാ ച ശതകോടിരവിപ്രഭഃ ।
ശചീവല്ലഭസുപ്രീതഃ ശചീനായകപൂജിതഃ ॥ 2 ॥

ശചീനാഥചതുർവക്ത്രദേവദൈത്യാഭിവംദിതഃ ।
ശചീശാര്തിഹരശ്ചൈവ ശംഭുഃ ശംഭൂപദേശകഃ ॥ 3 ॥

ശംകരഃ ശംകരപ്രീതഃ ശമ്യാകകുസുമപ്രിയഃ ।
ശംകുകര്ണമഹാകര്ണപ്രമുഖാദ്യഭിവംദിതഃ ॥ 4 ॥

ശചീനാഥസുതാപ്രാണനായകഃ ശക്തിപാണിമാന് ।
ശംഖപാണിപ്രിയഃ ശംഖോപമഷഡ്ഗലസുപ്രഭഃ ॥ 5 ॥

ശംഖഘോഷപ്രിയഃ ശംഖചക്രശൂലാദികായുധഃ ।
ശംഖധാരാഭിഷേകാദിപ്രിയഃ ശംകരവല്ലഭഃ ॥ 6 ॥

ശബ്ദബ്രഹ്മമയശ്ചൈവ ശബ്ദമൂലാംതരാത്മകഃ ।
ശബ്ദപ്രിയഃ ശബ്ദരൂപഃ ശബ്ദാനംദഃ ശചീസ്തുതഃ ॥ 7 ॥

ശതകോടിപ്രവിസ്താരയോജനായതമംദിരഃ ।
ശതകോടിരവിപ്രഖ്യരത്നസിംഹാസനാന്വിതഃ ॥ 8 ॥

ശതകോടിമഹര്ഷീംദ്രസേവിതോഭയപാര്ശ്വഭൂഃ ।
ശതകോടിസുരസ്ത്രീണാം നൃത്തസംഗീതകൌതുകഃ ॥ 9 ॥

ശതകോടീംദ്രദിക്പാലഹസ്തചാമരസേവിതഃ ।
ശതകോട്യഖിലാംഡാദിമഹാബ്രഹ്മാംഡനായകഃ ॥ 10 ॥

ശംഖപാണിവിധിഭ്യാം ച പാര്ശ്വയോരുപസേവിതഃ ।
ശംഖപദ്മനിധീനാം ച കോടിഭിഃ പരിസേവിതഃ ॥ 11 ॥

ശശാംകാദിത്യകോടീഭിഃ സവ്യദക്ഷിണസേവിതഃ ।
ശംഖപാലാദ്യഷ്ടനാഗകോടീഭിഃ പരിസേവിതഃ ॥ 12 ॥

ശശാംകാരപതംഗാദിഗ്രഹനക്ഷത്രസേവിതഃ ।
ശശിഭാസ്കരഭൌമാദിഗ്രഹദോഷാര്തിഭംജനഃ ॥ 13 ॥

ശതപത്രദ്വയകരഃ ശതപത്രാര്ചനപ്രിയഃ ।
ശതപത്രസമാസീനഃ ശതപത്രാസനസ്തുതഃ ॥ 14 ॥

ശാരീരബ്രഹ്മമൂലാദിഷഡാധാരനിവാസകഃ ।
ശതപത്രസമുത്പന്നബ്രഹ്മഗർവവിഭേദനഃ ॥ 15 ॥

ശശാംകാര്ധജടാജൂടഃ ശരണാഗതവത്സലഃ ।
രകാരരൂപോ രമണോ രാജീവാക്ഷോ രഹോഗതഃ ॥ 16 ॥

രതീശകോടിസൌംദര്യോ രവികോട്യുദയപ്രഭഃ ।
രാഗസ്വരൂപോ രാഗഘ്നോ രക്താബ്ജപ്രിയ ഏവ ച ॥ 17 ॥

രാജരാജേശ്വരീപുത്രോ രാജേംദ്രവിഭവപ്രദഃ ।
രത്നപ്രഭാകിരീടാഗ്രോ രവിചംദ്രാഗ്നിലോചനഃ ॥ 18 ॥

രത്നാംഗദമഹാബാഹൂ രത്നതാടംകഭൂഷണഃ ।
രത്നകേയൂരഭൂഷാഢ്യോ രത്നഹാരവിരാജിതഃ ॥ 19 ॥

രത്നകിംകിണികാംച്യാദിബദ്ധസത്കടിശോഭിതഃ ।
രവസംയുക്തരത്നാഭനൂപുരാംഘ്രിസരോരുഹഃ ॥ 20 ॥

രത്നകംകണചൂല്യാദിസർവാഭരണഭൂഷിതഃ ।
രത്നസിംഹാസനാസീനോ രത്നശോഭിതമംദിരഃ ॥ 21 ॥

രാകേംദുമുഖഷട്കശ്ച രമാവാണ്യാദിപൂജിതഃ ।
രാക്ഷസാമരഗംധർവകോടികോട്യഭിവംദിതഃ ॥ 22 ॥

രണരംഗേ മഹാദൈത്യസംഗ്രാമജയകൌതുകഃ ।
രാക്ഷസാനീകസംഹാരകോപാവിഷ്ടായുധാന്വിതഃ ॥ 23 ॥

രാക്ഷസാംഗസമുത്പന്നരക്തപാനപ്രിയായുധഃ ।
രവയുക്തധനുര്ഹസ്തോ രത്നകുക്കുടധാരണഃ ॥ 24 ॥

രണരംഗജയോ രാമാസ്തോത്രശ്രവണകൌതുകഃ ।
രംഭാഘൃതാചീവിശ്വാചീമേനകാദ്യഭിവംദിതഃ ॥ 25 ॥

രക്തപീതാംബരധരോ രക്തഗംധാനുലേപനഃ ।
രക്തദ്വാദശപദ്മാക്ഷോ രക്തമാല്യവിഭൂഷിതഃ ॥ 26 ॥

രവിപ്രിയോ രാവണേശസ്തോത്രസാമമനോഹരഃ ।
രാജ്യപ്രദോ രംധ്രഗുഹ്യോ രതിവല്ലഭസുപ്രിയഃ ॥ 27 ॥

രണാനുബംധനിര്മുക്തോ രാക്ഷസാനീകനാശകഃ ।
രാജീവസംഭവദ്വേഷീ രാജീവാസനപൂജിതഃ ॥ 28 ॥

രമണീയമഹാചിത്രമയൂരാരൂഢസുംദരഃ ।
രമാനാഥസ്തുതോ രാമോ രകാരാകര്ഷണക്രിയഃ ॥ 29 ॥

വകാരരൂപോ വരദോ വജ്രശക്ത്യഭയാന്വിതഃ ।
വാമദേവാദിസംപൂജ്യോ വജ്രപാണിമനോഹരഃ ॥ 30 ॥

വാണീസ്തുതോ വാസവേശോ വല്ലീകല്യാണസുംദരഃ ।
വല്ലീവദനപദ്മാര്കോ വല്ലീനേത്രോത്പലോഡുപഃ ॥ 31 ॥

വല്ലീദ്വിനയനാനംദോ വല്ലീചിത്തതടാമൃതമ് ।
വല്ലീകല്പലതാവൃക്ഷോ വല്ലീപ്രിയമനോഹരഃ ॥ 32 ॥

വല്ലീകുമുദഹാസ്യേംദുഃ വല്ലീഭാഷിതസുപ്രിയഃ ।
വല്ലീമനോഹൃത്സൌംദര്യോ വല്ലീവിദ്യുല്ലതാഘനഃ ॥ 33 ॥

വല്ലീമംഗളവേഷാഢ്യോ വല്ലീമുഖവശംകരഃ ।
വല്ലീകുചഗിരിദ്വംദ്വകുംകുമാംകിതവക്ഷകഃ ॥ 34 ॥

വല്ലീശോ വല്ലഭോ വായുസാരഥിർവരുണസ്തുതഃ ।
വക്രതുംഡാനുജോ വത്സോ വത്സലോ വത്സരക്ഷകഃ ॥ 35 ॥

വത്സപ്രിയോ വത്സനാഥോ വത്സവീരഗണാവൃതഃ ।
വാരണാനനദൈത്യഘ്നോ വാതാപിഘ്നോപദേശകഃ ॥ 36 ॥

വര്ണഗാത്രമയൂരസ്ഥോ വര്ണരൂപോ വരപ്രഭുഃ ।
വര്ണസ്ഥോ വാരണാരൂഢോ വജ്രശക്ത്യായുധപ്രിയഃ ॥ 37 ॥

വാമാംഗോ വാമനയനോ വചദ്ഭൂർവാമനപ്രിയഃ ।
വരവേഷധരോ വാമോ വാചസ്പതിസമര്ചിതഃ ॥ 38 ॥

വസിഷ്ഠാദിമുനിശ്രേഷ്ഠവംദിതോ വംദനപ്രിയഃ ।
വകാരനൃപദേവസ്ത്രീചോരഭൂതാരിമോഹനഃ ॥ 39 ॥

ണകാരരൂപോ നാദാംതോ നാരദാദിമുനിസ്തുതഃ ।
ണകാരപീഠമധ്യസ്ഥോ നഗഭേദീ നഗേശ്വരഃ ॥ 40 ॥

ണകാരനാദസംതുഷ്ടോ നാഗാശനരഥസ്ഥിതഃ ।
ണകാരജപസുപ്രീതോ നാനാവേഷോ നഗപ്രിയഃ ॥ 41 ॥

ണകാരബിംദുനിലയോ നവഗ്രഹസുരൂപകഃ ।
ണകാരപഠനാനംദോ നംദികേശ്വരവംദിതഃ ॥ 42 ॥

ണകാരഘംടാനിനദോ നാരായണമനോഹരഃ ।
ണകാരനാദശ്രവണോ നലിനോദ്ഭവശിക്ഷകഃ ॥ 43 ॥

ണകാരപംകജാദിത്യോ നവവീരാധിനായകഃ ।
ണകാരപുഷ്പഭ്രമരോ നവരത്നവിഭൂഷണഃ ॥ 44 ॥

ണകാരാനര്ഘശയനോ നവശക്തിസമാവൃതഃ ।
ണകാരവൃക്ഷകുസുമോ നാട്യസംഗീതസുപ്രിയഃ ॥ 45 ॥

ണകാരബിംദുനാദജ്ഞോ നയജ്ഞോ നയനോദ്ഭവഃ ।
ണകാരപർവതേംദ്രാഗ്രസമുത്പന്നസുധാരണിഃ ॥ 46 ॥

ണകാരപേടകമണിര്നാഗപർവതമംദിരഃ ।
ണകാരകരുണാനംദോ നാദാത്മാ നാഗഭൂഷണഃ ॥ 47 ॥

ണകാരകിംകിണീഭൂഷോ നയനാദൃശ്യദര്ശനഃ ।
ണകാരവൃഷഭാവാസോ നാമപാരായണപ്രിയഃ ॥ 48 ॥

ണകാരകമലാരൂഢോ നാമാനംതസമന്വിതഃ ।
ണകാരതുരഗാരൂഢോ നവരത്നാദിദായകഃ ॥ 49 ॥

ണകാരമകുടജ്വാലാമണിര്നവനിധിപ്രദഃ ।
ണകാരമൂലമംത്രാര്ഥോ നവസിദ്ധാദിപൂജിതഃ ॥ 50 ॥

ണകാരമൂലനാദാംതോ ണകാരസ്തംഭനക്രിയഃ ।
ഭകാരരൂപോ ഭക്താര്ഥോ ഭവോ ഭര്ഗോ ഭയാപഹഃ ॥ 51 ॥

ഭക്തപ്രിയോ ഭക്തവംദ്യോ ഭഗവാന്ഭക്തവത്സലഃ ।
ഭക്താര്തിഭംജനോ ഭദ്രോ ഭക്തസൌഭാഗ്യദായകഃ ॥ 52 ॥

ഭക്തമംഗളദാതാ ച ഭക്തകള്യാണദര്ശനഃ ।
ഭക്തദര്ശനസംതുഷ്ടോ ഭക്തസംഘസുപൂജിതഃ ॥ 53 ॥

ഭക്തസ്തോത്രപ്രിയാനംദോ ഭക്താഭീഷ്ടപ്രദായകഃ ।
ഭക്തസംപൂര്ണഫലദോ ഭക്തസാമ്രാജ്യഭോഗദഃ ॥ 54 ॥

ഭക്തസാലോക്യസാമീപ്യരൂപമോക്ഷവരപ്രദഃ ।
ഭവൌഷധിര്ഭവഘ്നശ്ച ഭവാരണ്യദവാനലഃ ॥ 55 ॥

ഭവാംധകാരമാര്താംഡോ ഭവവൈദ്യോ ഭവായുധമ് ।
ഭവശൈലമഹാവജ്രോ ഭവസാഗരനാവികഃ ॥ 56 ॥

ഭവമൃത്യുഭയധ്വംസീ ഭാവനാതീതവിഗ്രഹഃ ।
ഭവഭൂതപിശാചഘ്നോ ഭാസ്വരോ ഭാരതീപ്രിയഃ ॥ 57 ॥ [ഭയ]

ഭാഷിതധ്വനിമൂലാംതോ ഭാവാഭാവവിവര്ജിതഃ ।
ഭാനുകോപപിതൃധ്വംസീ ഭാരതീശോപദേശകഃ ॥ 58 ॥

ഭാര്ഗവീനായകശ്രീമദ്ഭാഗിനേയോ ഭവോദ്ഭവഃ ।
ഭാരക്രൌംചാസുരദ്വേഷോ ഭാര്ഗവീനാഥവല്ലഭഃ ॥ 59 ॥

ഭടവീരനമസ്കൃത്യോ ഭടവീരസമാവൃതഃ ।
ഭടതാരാഗണോഡ്വീശോ ഭടവീരഗണസ്തുതഃ ॥ 60 ॥

ഭാഗീരഥേയോ ഭാഷാര്ഥോ ഭാവനാശബരീപ്രിയഃ ।
ഭകാരേ കലിചോരാരിഭൂതാദ്യുച്ചാടനോദ്യതഃ ॥ 61 ॥

വകാരസുകലാസംസ്ഥോ വരിഷ്ഠോ വസുദായകഃ ।
വകാരകുമുദേംദുശ്ച വകാരാബ്ധിസുധാമയഃ ॥ 62 ॥

വകാരാമൃതമാധുര്യോ വകാരാമൃതദായകഃ ।
ദക്ഷേ വജ്രാഭീതിയുതോ വാമേ ശക്തിവരാന്വിതഃ ॥ 63 ॥

വകാരോദധിപൂര്ണേംദുഃ വകാരോദധിമൌക്തികമ് ।
വകാരമേഘസലിലോ വാസവാത്മജരക്ഷകഃ ॥ 64 ॥

വകാരഫലസാരജ്ഞോ വകാരകലശാമൃതമ് ।
വകാരപംകജരസോ വസുർവംശവിവര്ധനഃ ॥ 65 ॥

വകാരദിവ്യകമലഭ്രമരോ വായുവംദിതഃ ।
വകാരശശിസംകാശോ വജ്രപാണിസുതാപ്രിയഃ ॥ 66 ॥

വകാരപുഷ്പസദ്ഗംധോ വകാരതടപംകജമ് ।
വകാരഭ്രമരധ്വാനോ വയസ്തേജോബലപ്രദഃ ॥ 67 ॥

വകാരവനിതാനാഥോ വശ്യാദ്യഷ്ടപ്രിയാപ്രദഃ ।
വകാരഫലസത്കാരോ വകാരാജ്യഹുതാശനഃ ॥ 68 ॥

വര്ചസ്വീ വാങ്മനോഽതീതോ വാതാപ്യരികൃതപ്രിയഃ ।
വകാരവടമൂലസ്ഥോ വകാരജലധേസ്തടഃ ॥ 69 ॥

വകാരഗംഗാവേഗാബ്ധിഃ വജ്രമാണിക്യഭൂഷണഃ ।
വാതരോഗഹരോ വാണീഗീതശ്രവണകൌതുകഃ ॥ 70 ॥

വകാരമകരാരൂഢോ വകാരജലധേഃ പതിഃ ।
വകാരാമലമംത്രാര്ഥോ വകാരഗൃഹമംഗളമ് ॥ 71 ॥

വകാരസ്വര്ഗമാഹേംദ്രോ വകാരാരണ്യവാരണഃ ।
വകാരപംജരശുകോ വലാരിതനയാസ്തുതഃ ॥ 72 ॥

വകാരമംത്രമലയസാനുമന്മംദമാരുതഃ ।
വാദ്യംതഭാംത ഷട്ക്രമ്യ ജപാംതേ ശത്രുഭംജനഃ ॥ 73 ॥

വജ്രഹസ്തസുതാവല്ലീവാമദക്ഷിണസേവിതഃ ।
വകുലോത്പലകാദംബപുഷ്പദാമസ്വലംകൃതഃ ॥ 74 ॥

വജ്രശക്ത്യാദിസംപന്നദ്വിഷട്പാണിസരോരുഹഃ ।
വാസനാഗംധലിപ്താംഗോ വഷട്കാരോ വശീകരഃ ॥ 75 ॥

വാസനായുക്തതാംബൂലപൂരിതാനനസുംദരഃ ।
വല്ലഭാനാഥസുപ്രീതോ വരപൂര്ണാമൃതോദധിഃ ॥ 76 ॥

ഇതി ശ്രീ സുബ്രഹ്മണ്യ ത്രിശതീ സ്തോത്രമ് ।