॥ ইতি শ্রীমহাভারতে উদ্য়োগপর্বণি প্রজাগরপর্বণি
বিদুরনীতিবাক্য়ে চতুস্ত্রিংশোঽধ্য়ায়ঃ ॥
ধৃতরাষ্ট্র উবাচ ।
জাগ্রতো দহ্যমানস্য় যত্কার্যমনুপশ্যসি ।
তদ্ব্রূহি ত্বং হি নস্তাত ধর্মার্থকুশলঃ শুচিঃ ॥ 1॥
ত্বং মাং যথাবদ্বিদুর প্রশাধি
প্রজ্ঞা পূর্বং সর্বমজাতশত্রোঃ ।
যন্মন্যসে পথ্যমদীনসত্ত্ব
শ্রেয়ঃ করং ব্রূহি তদ্বৈ কুরূণাম্ ॥ 2॥
পাপাশংগী পাপমেব নৌপশ্যন্
পৃচ্ছামি ত্বাং ব্য়াকুলেনাত্মনাহম্ ।
কবে তন্মে ব্রূহি সর্বং যথাবন্
মনীষিতং সর্বমজাতশত্রোঃ ॥ 3॥
বিদুর উবাচ ।
শুভং বা যদি বা পাপং দ্বেষ্য়ং বা যদি বা প্রিযম্ ।
অপৃষ্টস্তস্য় তদ্ব্রূয়াদ্যস্য় নেচ্ছেত্পরাভবম্ ॥ 4॥
তস্মাদ্বক্ষ্য়ামি তে রাজন্ভবমিচ্ছন্কুরূন্প্রতি ।
বচঃ শ্রেয়ঃ করং ধর্ম্য়ং ব্রুবতস্তন্নিবোধ মে ॥ 5॥
About Projects
মিথ্য়োপেতানি কর্মাণি সিধ্য়েয়ুর্য়ানি ভারত ।
অনুপায় প্রয়ুক্তানি মা স্ম তেষু মনঃ কৃথাঃ ॥ 6॥
তথৈব যোগবিহিতং ন সিধ্য়েত্কর্ম যন্নৃপ ।
উপাযয়ুক্তং মেধাবী ন তত্র গ্লপয়েন্মনঃ ॥ 7॥
Do not ever set your mind upon means of success that are unjust and improper. An intelligent person should not grieve if any project does not succeed inspite of the application of fair and proper means.
অনুবংধানবেক্ষেত সানুবংধেষু কর্মসু ।
সংপ্রধার্য় চ কুর্বীত ন বেগেন সমাচরেত্ ॥ 8॥
Before one engages in an act, one should consider the competence of the agent, the nature of the act itself, and its purpose, for all acts are dependent on these. Prior consideration is required and impulsive action is to be avoided.
অনুবংধং চ সংপ্রেক্ষ্য় বিপাকাংশ্চৈব কর্মণাম্ ।
উত্থানমাত্মনশ্চৈব ধীরঃ কুর্বীত বা ন বা ॥ 9॥
A wise person should reflect well before embarking on a new project, considering one's own ability, the nature of the work, and the all the consequence also of success [and failure] — thereafter one should either proceed or not.
যঃ প্রমাণং ন জানাতি স্থানে বৃদ্ধৌ তথা ক্ষয়ে ।
কোশে জনপদে দংডে ন স রাজ্য়াবতিষ্ঠতে ॥ 10॥
The executive who doesn't know the proportion or measure as regards territory, gain and loss, financial and human resources, and the skilful application of sanctions, cannot retain the business empire for very long.
যস্ত্বেতানি প্রমাণানি যথোক্তান্যনুপশ্যতি ।
যুক্তো ধর্মার্থয়োর্জ্ঞানে স রাজ্যমধিগচ্ছতি ॥ 11॥
One on the other hand, who is fully informed and acquainted with the measures of these as prescribed in treatises [on economics], being well educated in the knowledge of Dharma and wealth-creation, can retain the business empire.
ন রাজ্য়ং প্রাপ্তমিত্য়েব বর্তিতব্যমসাংপ্রতম্ ।
শ্রিয়ং হ্যবিনয়ো হংতি জরা রূপমিবোত্তমম্ ॥ 12॥
ভক্ষ্য়োত্তম প্রতিচ্ছন্নং মত্স্য়ো বডিশমাযসম্ ।
রূপাভিপাতী গ্রসতে নানুবংধমবেক্ষতে ॥ 13॥
যচ্ছক্য়ং গ্রসিতুং গ্রস্য়ং গ্রস্তং পরিণমেচ্চ যত্ ।
হিতং চ পরিণামে যত্তদদ্য়ং ভূতিমিচ্ছতা ॥ 14॥
বনস্পতেরপক্বানি ফলানি প্রচিনোতি যঃ ।
স নাপ্নোতি রসং তেভ্য়ো বীজং চাস্য় বিনশ্যতি ॥ 15॥
যস্তু পক্বমুপাদত্তে কালে পরিণতং ফলম্ ।
ফলাদ্রসং স লভতে বীজাচ্চৈব ফলং পুনঃ ॥ 16॥
যথা মধু সমাদত্তে রক্ষন্পুষ্পাণি ষট্পদঃ ।
তদ্বদর্থান্মনুষ্য়েভ্য় আদদ্য়াদবিহিংসয়া ॥ 17॥
পুষ্পং পুষ্পং বিচিন্বীত মূলচ্ছেদং ন কারয়েত্ ।
মালাকার ইবারামে ন যথাংগারকারকঃ ॥ 18॥
কিং নু মে স্য়াদিদং কৃত্বা কিং নু মে স্য়াদকুর্বতঃ ।
ইতি কর্মাণি সংচিংত্য় কুর্য়াদ্বা পুরুষো ন বা ॥ 19॥
অনারভ্য়া ভবংত্যর্থাঃ কে চিন্নিত্য়ং তথাগতাঃ ।
কৃতঃ পুরুষকারোঽপি ভবেদ্য়েষু নিরর্থকঃ ॥ 20॥
কাংশ্চিদর্থান্নরঃ প্রাজ্ঞো লভু মূলান্মহাফলান্ ।
ক্ষিপ্রমারভতে কর্তুং ন বিঘ্নযতি তাদৃশান্ ॥ 21॥
ঋজু পশ্যতি যঃ সর্বং চক্ষুষানুপিবন্নিব ।
আসীনমপি তূষ্ণীকমনুরজ্য়ংতি তং প্রজাঃ ॥ 22॥
চক্ষুষা মনসা বাচা কর্মণা চ চতুর্বিধম্ ।
প্রসাদযতি লোকং যস্তং লোকোঽনুপ্রসীদতি ॥ 23॥
যস্মাত্ত্রস্য়ংতি ভূতানি মৃগব্য়াধান্মৃগা ইব ।
সাগরাংতামপি মহীং লব্ধ্বা স পরিহীযতে ॥ 24॥
পিতৃপৈতামহং রাজ্য়ং প্রাপ্তবান্স্বেন তেজসা ।
বায়ুরভ্রমিবাসাদ্য় ভ্রংশযত্যনয়ে স্থিতঃ ॥ 25॥
ধর্মমাচরতো রাজ্ঞঃ সদ্ভিশ্চরিতমাদিতঃ ।
বসুধা বসুসংপূর্ণা বর্ধতে ভূতিবর্ধনী ॥ 26॥
অথ সংত্যজতো ধর্মমধর্মং চানুতিষ্ঠতঃ ।
প্রতিসংবেষ্টতে ভূমিরগ্নৌ চর্মাহিতং যথা ॥ 27॥
য এব যত্নঃ ক্রিযতে প্রর রাষ্ট্রাবমর্দনে ।
স এব যত্নঃ কর্তব্য়ঃ স্বরাষ্ট্র পরিপালনে ॥ 28॥
ধর্মেণ রাজ্য়ং বিংদেত ধর্মেণ পরিপালয়েত্ ।
ধর্মমূলাং শ্রিয়ং প্রাপ্য় ন জহাতি ন হীযতে ॥ 29॥
অপ্য়ুন্মত্তাত্প্রলপতো বালাচ্চ পরিসর্পতঃ ।
সর্বতঃ সারমাদদ্য়াদশ্মভ্য় ইব কাংচনম্ ॥ 30॥
সুব্য়াহৃতানি সুধিয়াং সুকৃতানি ততস্ততঃ ।
সংচিন্বংধীর আসীত শিলা হারী শিলং যথা ॥ 31॥
গংধেন গাবঃ পশ্য়ংতি বেদৈঃ পশ্য়ংতি ব্রাহ্মণাঃ ।
চারৈঃ পশ্য়ংতি রাজানশ্চক্ষুর্ভ্য়ামিতরে জনাঃ ॥ 32॥
ভূয়াংসং লভতে ক্লেশং যা গৌর্ভবতি দুর্দুহা ।
অথ যা সুদুহা রাজন্নৈব তাং বিনয়ংত্যপি ॥ 33॥
যদতপ্তং প্রণমতি ন তত্সংতাপয়ংত্যপি ।
যচ্চ স্বয়ং নতং দারু ন তত্সন্নাময়ংত্যপি ॥ 34॥
এতয়োপময়া ধীরঃ সন্নমেত বলীযসে ।
ইংদ্রায় স প্রণমতে নমতে যো বলীযসে ॥ 35॥
পর্জন্যনাথাঃ পশবো রাজানো মিত্র বাংধবাঃ ।
পতয়ো বাংধবাঃ স্ত্রীণাং ব্রাহ্মণা বেদ বাংধবাঃ ॥ 36॥
সত্য়েন রক্ষ্যতে ধর্মো বিদ্য়া যোগেন রক্ষ্যতে ।
মৃজয়া রক্ষ্যতে রূপং কুলং বৃত্তেন রক্ষ্যতে ॥ 37॥
মানেন রক্ষ্যতে ধান্যমশ্বান্রক্ষ্যত্যনুক্রমঃ ।
অভীক্ষ্ণদর্শনাদ্গাবঃ স্ত্রিয়ো রক্ষ্য়াঃ কুচেলতঃ ॥ 38॥
ন কুলং বৃত্তি হীনস্য় প্রমাণমিতি মে মতিঃ ।
অংত্য়েষ্বপি হি জাতানাং বৃত্তমেব বিশিষ্যতে ॥ 39॥
য ঈর্ষ্য়ুঃ পরবিত্তেষু রূপে বীর্য়ে কুলান্বয়ে ।
সুখে সৌভাগ্যসত্কারে তস্য় ব্য়াধিরনংতকঃ ॥ 40॥
অকার্য় করণাদ্ভীতঃ কার্য়াণাং চ বিবর্জনাত্ ।
অকালে মংত্রভেদাচ্চ যেন মাদ্য়েন্ন তত্পিবেত্ ॥ 41॥
বিদ্য়ামদো ধনমদস্তৃতীয়োঽভিজনো মদঃ ।
এতে মদাবলিপ্তানামেত এব সতাং দমাঃ ॥ 42॥
অসংতোঽভ্যর্থিতাঃ সদ্ভিঃ কিং চিত্কার্য়ং কদা চন ।
মন্য়ংতে সংতমাত্মানমসংতমপি বিশ্রুতম্ ॥ 43॥
গতিরাত্মবতাং সংতঃ সংত এব সতাং গতিঃ ।
অসতাং চ গতিঃ সংতো ন ত্বসংতঃ সতাং গতিঃ ॥ 44॥
জিতা সভা বস্ত্রবতা সমাশা গোমতা জিতা ।
অধ্বা জিতো যানবতা সর্বং শীলবতা জিতম্ ॥ 45॥
শীলং প্রধানং পুরুষে তদ্যস্য়েহ প্রণশ্যতি ।
ন তস্য় জীবিতেনার্থো ন ধনেন ন বংধুভিঃ ॥ 46॥
আঢ্য়ানাং মাংসপরমং মধ্য়ানাং গোরসোত্তরম্ ।
লবণোত্তরং দরিদ্রাণাং ভোজনং ভরতর্ষভ ॥ 47॥
সংপন্নতরমেবান্নং দরিদ্রা ভুংজতে সদা ।
ক্ষুত্স্বাদুতাং জনযতি সা চাঢ্য়েষু সুদুর্লভা ॥ 48॥
প্রায়েণ শ্রীমতাং লোকে ভোক্তুং শক্তির্ন বিদ্যতে ।
দরিদ্রাণাং তু রাজেংদ্র অপি কাষ্ঠং হি জীর্যতে ॥ 49॥
অবৃত্তির্ভযমংত্য়ানাং মধ্য়ানাং মরণাদ্ভযম্ ।
উত্তমানাং তু মর্ত্য়ানামবমানাত্পরং ভযম্ ॥ 50॥
ঐশ্বর্যমদপাপিষ্ঠা মদাঃ পানমদাদয়ঃ ।
ঐশ্বর্যমদমত্তো হি নাপতিত্বা বিবুধ্যতে ॥ 51॥
ইংদ্রিয়ৌরিংদ্রিয়ার্থেষু বর্তমানৈরনিগ্রহৈঃ ।
তৈরয়ং তাপ্যতে লোকো নক্ষত্রাণি গ্রহৈরিব ॥ 52॥
যো জিতঃ পংচবর্গেণ সহজেনাত্ম কর্শিনা ।
আপদস্তস্য় বর্ধংতে শুক্লপক্ষ ইবোডুরাড্ ॥ 53॥
অবিজিত্য় য আত্মানমমাত্য়ান্বিজিগীষতে ।
অমিত্রান্বাজিতামাত্য়ঃ সোঽবশঃ পরিহীযতে ॥ 54॥
আত্মানমেব প্রথমং দেশরূপেণ যো জয়েত্ ।
ততোঽমাত্য়ানমিত্রাংশ্চ ন মোঘং বিজিগীষতে ॥ 55॥
বশ্য়েংদ্রিয়ং জিতামাত্য়ং ধৃতদংডং বিকারিষু ।
পরীক্ষ্য় কারিণং ধীরমত্য়ংতং শ্রীর্নিষেবতে ॥ 56॥
রথঃ শরীরং পুরুষস্য় রাজন্
নাত্মা নিয়ংতেংদ্রিয়াণ্যস্য় চাশ্বাঃ ।
তৈরপ্রমত্তঃ কুশলঃ সদশ্বৈর্
দাংতৈঃ সুখং যাতি রথীব ধীরঃ ॥ 57॥
এতান্যনিগৃহীতানি ব্য়াপাদয়িতুমপ্যলম্ ।
অবিধেয়া ইবাদাংতা হয়াঃ পথি কুসারথিম্ ॥ 58॥
অনর্থমর্থতঃ পশ্যন্নর্তং চৈবাপ্যনর্থতঃ ।
ইংদ্রিয়ৈঃ প্রসৃতো বালঃ সুদুঃখং মন্যতে সুখম্ ॥ 59॥
ধর্মার্থৌ যঃ পরিত্যজ্য় স্য়াদিংদ্রিযবশানুগঃ ।
শ্রীপ্রাণধনদারেভ্য় ক্ষিপ্রং স পরিহীযতে ॥ 60॥
অর্থানামীশ্বরো যঃ স্য়াদিংদ্রিয়াণামনীশ্বরঃ ।
ইংদ্রিয়াণামনৈশ্বর্য়াদৈশ্বর্য়াদ্ভ্রশ্যতে হি সঃ ॥ 61॥
আত্মনাত্মানমন্বিচ্ছেন্মনো বুদ্ধীংদ্রিয়ৈর্যতৈঃ ।
আত্মৈব হ্য়াত্মনো বংধুরাত্মৈব রিপুরাত্মনঃ ॥ 62॥
ক্ষুদ্রাক্ষেণেব জালেন ঝষাবপিহিতাবুভৌ ।
কামশ্চ রাজন্ক্রোধশ্চ তৌ প্রাজ্ঞানং বিলুংপতঃ ॥ 63॥
সমবেক্ষ্য়েহ ধর্মার্থৌ সংভারান্য়োঽধিগচ্ছতি ।
স বৈ সংভৃত সংভারঃ সততং সুখমেধতে ॥ 64॥
যঃ পংচাভ্য়ংতরাঞ্শত্রূনবিজিত্য় মতিক্ষয়ান্ ।
জিগীষতি রিপূনন্য়ান্রিপবোঽভিভবংতি তম্ ॥ 65॥
দৃশ্য়ংতে হি দুরাত্মানো বধ্যমানাঃ স্বকর্ম ভিঃ ।
ইংদ্রিয়াণামনীশত্বাদ্রাজানো রাজ্যবিভ্রমৈঃ ॥ 66॥
অসংত্য়াগাত্পাপকৃতামপাপাংস্
তুল্য়ো দংডঃ স্পৃশতে মিশ্রভাবাত্ ।
শুষ্কেণার্দ্রং দহ্যতে মিশ্রভাবাত্
তস্মাত্পাপৈঃ সহ সংধিং ন কুর্য়াত্ ॥ 67॥
নিজানুত্পততঃ শত্রূন্পংচ পংচ প্রয়োজনান্ ।
যো মোহান্ন নিঘৃহ্ণাতি তমাপদ্গ্রসতে নরম্ ॥ 68॥
অনসূয়ার্জবং শৌচং সংতোষঃ প্রিযবাদিতা ।
দমঃ সত্যমনায়াসো ন ভবংতি দুরাত্মনাম্ ॥ 69॥
আত্মজ্ঞানমনায়াসস্তিতিক্ষা ধর্মনিত্যতা ।
বাক্চৈব গুপ্তা দানং চ নৈতান্য়ংত্য়েষু ভারত ॥ 70॥
আক্রোশ পরিবাদাভ্য়াং বিহিংসংত্যবুধা বুধান্ ।
বক্তা পাপমুপাদত্তে ক্ষমমাণো বিমুচ্যতে ॥ 71॥
হিংসা বলমসাধূনাং রাজ্ঞাং দংডবিধির্বলম্ ।
শুশ্রূষা তু বলং স্ত্রীণাং ক্ষমাগুণবতাং বলম্ ॥ 72॥
বাক্সংযমো হি নৃপতে সুদুষ্করতমো মতঃ ।
অর্থবচ্চ বিচিত্রং চ ন শক্য়ং বহুভাষিতুম্ ॥ 73॥
অভ্য়াবহতি কল্য়াণং বিবিধা বাক্সুভাষিতা ।
সৈব দুর্ভাষিতা রাজন্ননর্থায়োপপদ্যতে ॥ 74॥
সংরোহতি শরৈর্বিদ্ধং বনং পরশুনা হতম্ ।
বাচা দুরুক্তং বীভত্সং ন সংরোহতি বাক্ক্ষতম্ ॥ 75॥
কর্ণিনালীকনারাচা নির্হরংতি শরীরতঃ ।
বাক্ষল্যস্তু ন নির্হর্তুং শক্য়ো হৃদি শয়ো হি সঃ ॥ 76॥
বাক্সাযকা বদনান্নিষ্পতংতি
যৈরাহতঃ শোচতি রত্র্যহানি ।
পরস্য় নামর্মসু তে পতংতি
তান্পংডিতো নাবসৃজেত্পরেষু ॥ 77॥
যস্মৈ দেবাঃ প্রযচ্ছংতি পুরুষায় পরাভবম্ ।
বুদ্ধিং তস্য়াপকর্ষংতি সোঽপাচীনানি পশ্যতি ॥ 78॥
বুদ্ধৌ কলুষ ভূতায়াং বিনাশে প্রত্য়ুপস্থিতে ।
অনয়ো নযসংকাশো হৃদয়ান্নাপসর্পতি ॥ 79॥
সেয়ং বুদ্ধিঃ পরীতা তে পুত্রাণাং তব ভারত ।
পাংডবানাং বিরোধেন ন চৈনাং অববুধ্যসে ॥ 80॥
রাজা লক্ষণসংপন্নস্ত্রৈলোক্যস্য়াপি যো ভবেত্ ।
শিষ্যস্তে শাসিতা সোঽস্তু ধৃতরাষ্ট্র যুধিষ্ঠিরঃ ॥ 81॥
অতীব সর্বান্পুত্রাংস্তে ভাগধেয় পুরস্কৃতঃ ।
তেজসা প্রজ্ঞয়া চৈব যুক্তো ধর্মার্থতত্ত্ববিত্ ॥ 82॥
আনৃশংস্য়াদনুক্রোশাদ্য়োঽসৌ ধর্মভৃতাং বরঃ ।
গৌরবাত্তব রাজেংদ্র বহূন্ক্লেশাংস্তিতিক্ষতি ॥ 83॥
॥ ইতি শ্রীমহাভারতে উদ্য়োগপর্বণি প্রজাগরপর্বণি
বিদুরনীতিবাক্য়ে চতুস্ত্রিংশোঽধ্য়ায়ঃ ॥ 34॥
Browse Related Categories:
