অথ সমাধিপাদঃ ।

অথ যোগানুশাসনম্ ॥ 1 ॥

যোগশ্চিত্তবৃত্তি নিরোধঃ ॥ 2 ॥

তদা দ্রষ্টুঃ স্বরূপেঽবস্থানম্ ॥ 3 ॥

বৃত্তি সারূপ্যমিতরত্র ॥ 4 ॥

বৃত্তয়ঃ পংচতয়্য়ঃ ক্লিষ্টাঽক্লিষ্টাঃ ॥ 5 ॥

প্রমাণ বিপর্যয় বিকল্প নিদ্রা স্মৃতয়ঃ ॥ 6 ॥

প্রত্যক্ষানুমানাগমাঃ প্রমাণানি ॥ 7 ॥

বিপর্যয়ো মিথ্য়াজ্ঞানমতদ্রূপ প্রতিষ্ঠম্ ॥ 8 ॥

শব্দজ্ঞানানুপাতী বস্তুশূন্য়ো বিকল্পঃ ॥ 9 ॥

অভাব প্রত্যয়ালংবনা বৃত্তির্নিদ্রা ॥ 10 ॥

অনুভূত বিষয়াসংপ্রমোষঃ স্মৃতিঃ ॥ 11 ॥

অভ্য়াস বৈরাগ্য়াভ্য়াং তন্নিরোধঃ ॥ 12 ॥

তত্র স্থিতৌ যত্নোঽভ্য়াসঃ ॥ 13 ॥

স তু দীর্ঘকাল নৈরংতর্য় সত্কারাসেবিতো দৃঢভূমিঃ ॥ 14 ॥

দৃষ্টানুশ্রবিক বিষয় বিতৃষ্ণস্য় বশীকারসংজ্ঞা বৈরাগ্যম্ ॥ 15 ॥

তত্পরং পুরুষখ্য়াতে-র্গুণবৈতৃষ্ণ্যম্ ॥ 16 ॥

বিতর্ক বিচারানংদাস্মিতারূপানুগমাত্ সংপ্রজ্ঞাতঃ ॥ 17 ॥

বিরামপ্রত্যয়াভ্য়াসপূর্বঃ সংস্কারশেষোঽন্য়ঃ ॥ 18 ॥

ভবপ্রত্যয়ো বিদেহপ্রকৃতিলয়ানাম্ ॥ 19 ॥

শ্রদ্ধা বীর্য় স্মৃতি সমাধিপ্রজ্ঞা পূর্বক ইতরেষাম্ ॥ 20 ॥

তীব্রসংবেগানামাসন্নঃ ॥ 21 ॥

মৃদুমধ্য়াধিমাত্রত্বাত্ততোঽপি বিশেষঃ ॥ 22 ॥

ঈশ্বরপ্রণিধানাদ্বা ॥ 23 ॥

ক্লেশ কর্ম বিপাকাশয়ৈরপরামৃষ্টঃ পুরুষবিশেষ ঈশ্বরঃ ॥ 24 ॥

তত্র নিরতিশয়ং সর্বজ্ঞবীজম্ ॥ 25 ॥

স এষঃ পূর্বেষামপি গুরুঃ কালেনানবচ্ছেদাত্ ॥ 26 ॥

তস্য় বাচকঃ প্রণবঃ ॥ 27 ॥

তজ্জপস্তদর্থভাবনম্ ॥ 28 ॥

ততঃ প্রত্যক্চেতনাধিগমোঽপ্য়ংতরায়াভাবশ্চ ॥ 29 ॥

ব্য়াধি স্ত্য়ান সংশয় প্রমাদালস্য়াবিরতি ভ্রাংতি
দর্শনালব্ধভূমিকত্বানবস্থিতত্বানি চিত্তবিক্ষেপাস্তেংঽতরায়াঃ ॥ 30 ॥

দুঃখ দৌর্মনস্য়াংগমেজযত্ব শ্বাসপ্রশ্বাসা বিক্ষেপসহভুবঃ ॥ 31 ॥

তত্প্রতিষেধার্থমেকতত্ত্বাভ্য়াসঃ ॥ 32 ॥

মৈত্রী করুণা মুদিতোপেক্ষাণাং সুখ দুঃখ পুণ্য়াপুণ্য় বিষয়াণাম্-ভাবনাতশ্চিত্তপ্রসাদনম্ ॥ 33 ॥

প্রচ্ছর্দন বিধারণাভ্য়াং বা প্রাণস্য় ॥ 34 ॥

বিষযবতী বা প্রবৃত্তিরুত্পন্না মনসঃ স্থিতি নিবংধিনী ॥ 35 ॥

বিশোকা বা জ্য়োতিষ্মতী ॥ 36 ॥

বীতরাগ বিষয়ং বা চিত্তম্ ॥ 37 ॥

স্বপ্ন নিদ্রা জ্ঞানালংবনং বা ॥ 38 ॥

যথাভিমতধ্য়ানাদ্বা ॥ 39 ॥

পরমাণু পরম মহত্ত্বাংতোঽস্য় বশীকারঃ ॥ 40 ॥

ক্ষীণবৃত্তেরভিজাতস্য়েব মণের্গ্রহীতৃগ্রহণ গ্রাহ্য়েষু তত্স্থ তদংজনতা সমাপত্তিঃ ॥ 41 ॥

তত্র শব্দার্থ জ্ঞান বিকল্পৈঃ সংকীর্ণা সবিতর্কা সমাপত্তিঃ ॥ 42 ॥

স্মৃতি পরিশুদ্ধৌ স্বরূপ শূন্য়েবার্থ মাত্রনির্ভাসা নির্বিতর্কা ॥ 43 ॥

এতয়ৈব সবিচারা নির্বিচারা চ সূক্ষ্মবিষয়া ব্য়াখ্য়াতা ॥ 44 ॥

সূক্ষ্ম বিষযত্বং চালিংগপর্যবসানম্ ॥ 45 ॥

তা এব সবীজঃ সমাধিঃ ॥ 46 ॥

নির্বিচার বৈশারাদ্য়েঽধ্য়াত্মপ্রসাদঃ ॥ 47 ॥

ঋতংভরা তত্র প্রজ্ঞা ॥ 48 ॥

শ্রুতানুমান প্রজ্ঞাভ্য়ামন্যবিষয়া বিশেষার্থত্বাত্ ॥ 49 ॥

তজ্জঃ সংস্কারোঽন্যসংস্কার প্রতিবংধী ॥ 50 ॥

তস্য়াপি নিরোধে সর্বনিরোধান্নির্বীজস্সমাধিঃ ॥ 51 ॥

ইতি পাতংজলয়োগদর্শনে সমাধিপাদো নাম প্রথমঃ পাদঃ ।