অথ সাধনপাদঃ ।

তপঃ স্বাধ্য়ায়েশ্বরপ্রণিধানানি ক্রিয়ায়োগঃ ॥1॥

সমাধিভাবনার্থঃ ক্লেশতনূকরণার্থশ্চ ॥2॥

অবিদ্য়াস্মিতারাগদ্বেষাভিনিবেশাঃ ক্লেশাঃ ॥3॥

অবিদ্য়া ক্ষেত্রমুত্তরেষাং প্রসুপ্ততনুবিচ্ছিন্নোদারাণাম্ ॥4॥

অনিত্য়াশুচিদুঃখানাত্মসু নিত্যশুচিসুখাত্মখ্য়াতিরবিদ্য়া ॥5॥

দৃগ্দর্শনশক্ত্য়োরেকাত্মতেবাস্মিতা ॥6॥

সুখানুশয়ী রাগঃ ॥7॥

দুঃখানুশয়ী দ্বেষঃ ॥8॥

স্বরসবাহী বিদুষোঽপি তথারূঢোঽভিনিবেশঃ ॥9॥

তে প্রতিপ্রসবহেয়াঃ সূক্ষ্মাঃ ॥10॥

ধ্য়ানহেয়াস্তদ্বৃত্তয়ঃ ॥11॥

ক্লেশমূলঃ কর্মাশয়ো দৃষ্টাদৃষ্টজন্মবেদনীয়ঃ ॥12॥

সতি মূলে তদ্ বিপাকো জাত্য়ায়ুর্ভোগাঃ ॥13॥

তে হ্লাদপরিতাপফলাঃ পুণ্য়াপুণ্যহেতুত্বাত্ ॥14॥

পরিণামতাপসংস্কারদুঃখৈর্গুণবৃত্তিবিরোধাচ্চ দুঃখমেব সর্বং বিবেকিনঃ ॥15॥

হেয়ং দুঃখমনাগতম্ ॥16॥

দ্রষ্টৃদৃশ্যয়োঃ সংয়োগো হেযহেতুঃ॥17॥

প্রকাশক্রিয়াস্থিতিশীলং ভূতেংদ্রিয়াত্মকং ভোগাপবর্গার্থং দৃশ্যম্ ॥18॥

বিশেষাবিশেষলিংগমাত্রালিংগানি গুণপর্বাণি ॥19॥

দ্রষ্টা দৃশিমাত্রঃ শুদ্ধোঽপি প্রত্যয়ানুপশ্য়ঃ ॥20॥

তদর্থ এব দৃশ্যস্য়াত্মা ॥21॥

কৃতার্থং প্রতি নষ্টমপ্যনষ্টং তদন্যসাধারণত্বাত্ ॥22॥

স্বস্বামিশক্ত্য়োঃ স্বরূপোপলব্ধিহেতুঃ সংয়োগঃ ॥23॥

তস্য় হেতুরবিদ্য়া ॥24॥

তদভাবাত্সংয়োগাভাবো হানং তদ্ দৃশেঃ কৈবল্যম্ ॥25॥

বিবেকখ্য়াতিরবিপ্লবা হানোপায়ঃ ॥26॥

তস্য় সপ্তধা প্রাংতভূমিঃ প্রজ্ঞা ॥27॥

যোগাংগানুষ্ঠানাদশুদ্ধিক্ষয়ে জ্ঞানদীপ্তিরাবিবেকখ্য়াতেঃ ॥28॥

যমনিযমাসনপ্রাণায়ামপ্রত্য়াহারধারণাধ্য়ানসমাধয়োষ্টাবংগানি ॥29॥

অহিংসাসত্য়াস্তেযব্রহ্মচর্য়াপরিগ্রহা যমাঃ ॥30॥

জাতিদেশকালসময়ানবচ্ছিন্নাঃ সার্বভৌমা মহাব্রতম্ ॥31॥

শৌচসংতোষতপঃ স্বাধ্য়ায়েশ্বরপ্রণিধানানি নিযমাঃ ॥32॥

বিতর্কবাধনে প্রতিপক্ষভাবনম্ ॥33॥

বিতর্কাহিংসাদয়ঃ কৃতকারিতানুমোদিতা লোভক্রোধমোহপূর্বকা মৃদুমধ্য়াধিমাত্রা দুঃখাজ্ঞানানংতফলা ইতি প্রতিপক্ষভাবনম্ ॥34॥

অহিংসাপ্রতিষ্ঠায়াং তত্সন্নিধৌ বৈরত্য়াগঃ ॥35॥

সত্যপ্রতিষ্ঠায়াং ক্রিয়াফলাশ্রযত্বম্ ॥36॥

অস্তেযপ্রতিষ্ঠায়াং সর্বরত্নোপস্থানম্ ॥37॥

ব্রহ্মচর্যপ্রতিষ্ঠায়াং বীর্যলাভঃ ॥38॥

অপরিগ্রহস্থৈর্য়ে জন্মকথংতাসংবোধঃ ॥39॥

শৌচাত্স্বাংগজুগুপ্সা পরৈরসংসর্গঃ ॥40॥

সত্ত্বশুদ্ধি-সৌমনস্য়ৈকাগ্য়্রেংদ্রিযজয়াত্মদর্শন-য়োগ্যত্বানি চ ॥41॥

সংতোষাত্ অনুত্তমঃসুখলাভঃ ॥42॥

কায়েংদ্রিযসিদ্ধিরশুদ্ধিক্ষয়াত্ তপসঃ ॥43॥

স্বাধ্য়ায়াদিষ্টদেবতাসংপ্রয়োগঃ ॥44॥

সমাধিসিদ্ধিরীশ্বরপ্রণিধানাত্ ॥45॥

স্থিরসুখমাসনম্ ॥46॥

প্রযত্নশৈথিল্য়ানংতসমাপত্তিভ্য়াম্ ॥47॥

ততো দ্বংদ্বানভিঘাতঃ ॥48॥

তস্মিন্ সতি শ্বাসপ্রশ্বাসয়োর্গতিবিচ্ছেদঃ প্রাণায়ামঃ ॥49॥

(স তু) বাহ্য়াভ্য়ংতরস্তংভবৃত্তির্দেশকালসংখ্য়াভিঃ পরিদৃষ্টো দীর্ঘসূক্ষ্মঃ ॥50॥

বাহ্য়াভ্য়ংতরবিষয়াক্ষেপী চতুর্থঃ ॥51॥

ততঃ ক্ষীযতে প্রকাশাবরণম্ ॥52॥

ধারণাসু চ যোগ্যতা মনসঃ ॥53॥

স্ববিষয়াসংপ্রয়োগে চিত্তস্বরূপানুকার ইবেংদ্রিয়াণাং প্রত্য়াহারঃ ॥54॥

ততঃ পরমাবশ্যতেংদ্রিয়াণাম্ ॥55॥

ইতি পাতংজলয়োগদর্শনে সাধনপাদো নাম দ্বিতীয়ঃ পাদঃ ।