শ্রীমদকলংক পরিপূর্ণ শশিকোটি-
শ্রীধর মনোহর সটাপটল কাংত।
পালয় কৃপালয় ভবাংবুধি-নিমগ্নং
দৈত্যবরকাল নরসিংহ নরসিংহ ॥ 1 ॥

পাদকমলাবনত পাতকি-জনানাং
পাতকদবানল পতত্রিবর-কেতো।
ভাবন পরাযণ ভবার্তিহরয়া মাং
পাহি কৃপয়ৈব নরসিংহ নরসিংহ ॥ 2 ॥

তুংগনখ-পংক্তি-দলিতাসুর-বরাসৃক্
পংক-নবকুংকুম-বিপংকিল-মহোরঃ ।
পংডিতনিধান-কমলালয় নমস্তে
পংকজনিষণ্ণ নরসিংহ নরসিংহ ॥ 3 ॥

মৌলিষু বিভূষণমিবামর বরাণাং
যোগিহৃদয়েষু চ শিরস্সুনিগমানাম্ ।
রাজদরবিংদ-রুচিরং পদয়ুগং তে
দেহি মম মূর্ধ্নি নরসিংহ নরসিংহ ॥ 4 ॥

বারিজবিলোচন মদংতিম-দশায়াং
ক্লেশ-বিবশীকৃত-সমস্ত-করণায়াম্ ।
এহি রময়া সহ শরণ্য় বিহগানাং
নাথমধিরুহ্য় নরসিংহ নরসিংহ ॥ 5 ॥

হাটক-কিরীট-বরহার-বনমালা
ধাররশনা-মকরকুংডল-মণীংদ্রৈঃ ।
ভূষিতমশেষ-নিলয়ং তব বপুর্মে
চেতসি চকাস্তু নরসিংহ নরসিংহ ॥ 6 ॥

ইংদু রবি পাবক বিলোচন রমায়াঃ
মংদির মহাভুজ-লসদ্বর-রথাংগ।
সুংদর চিরায় রমতাং ত্বয়ি মনো মে
নংদিত সুরেশ নরসিংহ নরসিংহ ॥ 7 ॥

মাধব মুকুংদ মধুসূদন মুরারে
বামন নৃসিংহ শরণং ভব নতানাম্ ।
কামদ ঘৃণিন্ নিখিলকারণ নয়েয়ং
কালমমরেশ নরসিংহ নরসিংহ ॥ 8 ॥

অষ্টকমিদং সকল-পাতক-ভযঘ্নং
কামদং অশেষ-দুরিতাময়-রিপুঘ্নম্ ।
যঃ পঠতি সংততমশেষ-নিলয়ং তে
গচ্ছতি পদং স নরসিংহ নরসিংহ ॥ 9 ॥