শ্রুতীনামুত্তরং ভাগং বেগবত্য়াশ্চ দক্ষিণম্ ।
কামাদধিবসন্ জীয়াত্ কশ্চিদদ্ভুত কেসরী ॥ 1 ॥

তপনেংদ্বগ্নিনযনঃ তাপানপচিনোতু নঃ ।
তাপনীযরহস্য়ানাং সারঃ কামাসিকা হরিঃ ॥ 2 ॥

আকংঠমাদিপুরুষং
কংঠীরবমুপরি কুংঠিতারাতিম্ ।
বেগোপকংঠসংগাত্
বিমুক্তবৈকুংঠবহুমতিমুপাসে ॥ 3 ॥

বংধুমখিলস্য় জংতোঃ
বংধুরপর্য়ংকবংধরমণীযম্ ।
বিষমবিলোচনমীডে
বেগবতীপুলিনকেলিনরসিংহম্ ॥ 4 ॥

স্বস্থানেষু মরুদ্গণান্ নিযমযন্ স্বাধীনসর্বেংদ্রিয়ঃ
পর্য়ংকস্থিরধারণা প্রকটিতপ্রত্যঙ্মুখাবস্থিতিঃ ।
প্রায়েণ প্রণিপেদুষঃ প্রভুরসৌ যোগং নিজং শিক্ষযন্
কামানাতনুতাদশেষজগতাং কামাসিকা কেসরী ॥ 5 ॥

বিকস্বরনখস্বরুক্ষতহিরণ্যবক্ষঃস্থলী-
-নিরর্গলবিনির্গলদ্রুধিরসিংধুসংধ্য়ায়িতাঃ ।
অবংতু মদনাসিকামনুজপংচবক্ত্রস্য় মাং
অহংপ্রথমিকামিথঃ প্রকটিতাহবা বাহবঃ ॥ 6 ॥

সটাপটলভীষণে সরভসাট্টহাসোদ্ভটে
স্ফুরত্ ক্রুধিপরিস্ফুট ভ্রুকুটিকেঽপি বক্ত্রে কৃতে ।
কৃপাকপটকেসরিন্ দনুজডিংভদত্তস্তনা
সরোজসদৃশা দৃশা ব্যতিবিষজ্য় তে ব্যজ্যতে ॥ 7 ॥

ত্বয়ি রক্ষতি রক্ষকৈঃ কিমন্য়ৈ-
-স্ত্বয়ি চারক্ষতি রক্ষকৈঃ কিমন্য়ৈঃ ।
ইতি নিশ্চিতধীঃ শ্রয়ামি নিত্য়ং
নৃহরে বেগবতীতটাশ্রয়ং ত্বাম্ ॥ 8 ॥

ইত্থং স্তুতঃ সকৃদিহাষ্টভিরেষ পদ্য়ৈঃ
শ্রীবেংকটেশরচিতৈস্ত্রিদশেংদ্রবংদ্য়ঃ ।
দুর্দাংতঘোরদুরিতদ্বিরদেংদ্রভেদী
কামাসিকানরহরির্বিতনোতু কামান্ ॥ 9 ॥

ইতি শ্রীবেদাংতদেশিককৃতং কামাসিকাষ্টকম্ ।