পার্বত্য়ুবাচ ।
মংত্রাণাং পরমং মংত্রং গুহ্য়ানাং গুহ্যমেব চ ।
ব্রূহি মে নারসিংহস্য় তত্ত্বং মংত্রস্য় দুর্লভম্ ॥

শংকর উবাচ ।
বৃত্তোত্ফুল্লবিশালাক্ষং বিপক্ষক্ষযদীক্ষিতম্ ।
নিনাদত্রস্তবিশ্বাংডং বিষ্ণুমুগ্রং নমাম্যহম্ ॥ 1 ॥

সর্বৈরবধ্যতাং প্রাপ্তং সবলৌঘং দিতেঃ সুতম্ ।
নখাগ্রৈঃ শকলীচক্রে যস্তং বীরং নমাম্যহম্ ॥ 2 ॥

পদাবষ্টব্ধপাতালং মূর্ধাঽঽবিষ্টত্রিবিষ্টপম্ ।
ভুজপ্রবিষ্টাষ্টদিশং মহাবিষ্ণুং নমাম্যহম্ ॥ 3 ॥

জ্য়োতীংষ্যর্কেংদুনক্ষত্রজ্বলনাদীন্যনুক্রমাত্ ।
জ্বলংতি তেজসা যস্য় তং জ্বলংতং নমাম্যহম্ ॥ 4 ॥

সর্বেংদ্রিয়ৈরপি বিনা সর্বং সর্বত্র সর্বদা ।
যো জানাতি নমাম্য়াদ্য়ং তমহং সর্বতোমুখম্ ॥ 5 ॥

নরবত্ সিংহবচ্চৈব যস্য় রূপং মহাত্মনঃ ।
মহাসটং মহাদংষ্ট্রং তং নৃসিংহং নমাম্যহম্ ॥ 6 ॥

যন্নামস্মরণাদ্ভীতাঃ ভূতবেতালরাক্ষসাঃ ।
রোগাদ্য়াশ্চ প্রণশ্য়ংতি ভীষণং তং নমাম্যহম্ ॥ 7 ॥

সর্বেঽপি যং সমাশ্রিত্য় সকলং ভদ্রমশ্নুতে ।
শ্রিয়া চ ভদ্রয়া জুষ্টো যস্তং ভদ্রং নমাম্যহম্ ॥ 8 ॥

সাক্ষাত্ স্বকালে সংপ্রাপ্তং মৃত্য়ুং শত্রুগণান্বিতম্ ।
ভক্তানাং নাশয়েদ্যস্তু মৃত্য়ুমৃত্য়ুং নমাম্যহম্ ॥ 9 ॥

নমস্কারাত্মকং যস্মৈ বিধায়াত্মনিবেদনম্ ।
ত্যক্তদুঃখোঽখিলান্ কামানশ্নংতং তং নমাম্যহম্ ॥ 10 ॥

দাসভূতাঃ স্বতঃ সর্বে হ্য়াত্মানঃ পরমাত্মনঃ ।
অতোঽহমপি তে দাসঃ ইতি মত্বা নমাম্যহম্ ॥ 11 ॥

শংকরেণাদরাত্ প্রোক্তং পদানাং তত্ত্বমুত্তমম্ ।
ত্রিসংধ্য়ং যঃ পঠেত্তস্য় শ্রীবিদ্য়াঽঽয়ুশ্চ বর্ধতে ॥ 12 ॥

ইতি শ্রীশংকরকৃত শ্রী নৃসিংহ মংত্ররাজপদ স্তোত্রম্ ।