হে স্বামিনাথ করুণাকর দীনবংধো,
শ্রীপার্বতীশমুখপংকজ পদ্মবংধো ।
শ্রীশাদিদেবগণপূজিতপাদপদ্ম,
বল্লীসনাথ মম দেহি করাবলংবম্ ॥ 1 ॥

দেবাদিদেবনুত দেবগণাধিনাথ,
দেবেংদ্রবংদ্য় মৃদুপংকজমংজুপাদ ।
দেবর্ষিনারদমুনীংদ্রসুগীতকীর্তে,
বল্লীসনাথ মম দেহি করাবলংবম্ ॥ 2 ॥

নিত্য়ান্নদান নিরতাখিল রোগহারিন্,
তস্মাত্প্রদান পরিপূরিতভক্তকাম ।
শৃত্য়াগমপ্রণববাচ্যনিজস্বরূপ,
বল্লীসনাথ মম দেহি করাবলংবম্ ॥ 3 ॥

ক্রৌংচাসুরেংদ্র পরিখংডন শক্তিশূল,
পাশাদিশস্ত্রপরিমংডিতদিব্যপাণে ।
শ্রীকুংডলীশ ধৃততুংড শিখীংদ্রবাহ,
বল্লীসনাথ মম দেহি করাবলংবম্ ॥ 4 ॥

দেবাদিদেব রথমংডল মধ্য় বেদ্য়,
দেবেংদ্র পীঠনগরং দৃঢচাপহস্তম্ ।
শূরং নিহত্য় সুরকোটিভিরীড্যমান,
বল্লীসনাথ মম দেহি করাবলংবম্ ॥ 5 ॥

হারাদিরত্নমণিয়ুক্তকিরীটহার,
কেয়ূরকুংডললসত্কবচাভিরাম ।
হে বীর তারক জয়াঽমরবৃংদবংদ্য়,
বল্লীসনাথ মম দেহি করাবলংবম্ ॥ 6 ॥

পংচাক্ষরাদিমনুমংত্রিত গাংগতোয়ৈঃ,
পংচামৃতৈঃ প্রমুদিতেংদ্রমুখৈর্মুনীংদ্রৈঃ ।
পট্টাভিষিক্ত হরিয়ুক্ত পরাসনাথ,
বল্লীসনাথ মম দেহি করাবলংবম্ ॥ 7 ॥

শ্রীকার্তিকেয় করুণামৃতপূর্ণদৃষ্ট্য়া,
কামাদিরোগকলুষীকৃতদুষ্টচিত্তম্ ।
ভক্ত্বা তু মামবকলাধর কাংতিকাংত্য়া,
বল্লীসনাথ মম দেহি করাবলংবম্ ॥ 8 ॥

সুব্রহ্মণ্য় করাবলংবং পুণ্য়ং যে পঠংতি দ্বিজোত্তমাঃ ।
তে সর্বে মুক্তি মায়াংতি সুব্রহ্মণ্য় প্রসাদতঃ ।
সুব্রহ্মণ্য় করাবলংবমিদং প্রাতরুত্থায় যঃ পঠেত্ ।
কোটিজন্মকৃতং পাপং তত্​ক্ষণাদেব নশ্যতি ॥