𑌹𑍇 𑌸𑍍𑌵𑌾𑌮𑌿𑌨𑌾𑌥 𑌕𑌰𑍁𑌣𑌾𑌕𑌰 𑌦𑍀𑌨𑌬𑌂𑌧𑍋,
𑌶𑍍𑌰𑍀𑌪𑌾𑌰𑍍𑌵𑌤𑍀𑌶𑌮𑍁𑌖𑌪𑌂𑌕𑌜 𑌪𑌦𑍍𑌮𑌬𑌂𑌧𑍋 ।
𑌶𑍍𑌰𑍀𑌶𑌾𑌦𑌿𑌦𑍇𑌵𑌗𑌣𑌪𑍂𑌜𑌿𑌤𑌪𑌾𑌦𑌪𑌦𑍍𑌮,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 1 ॥

𑌦𑍇𑌵𑌾𑌦𑌿𑌦𑍇𑌵𑌨𑍁𑌤 𑌦𑍇𑌵𑌗𑌣𑌾𑌧𑌿𑌨𑌾𑌥,
𑌦𑍇𑌵𑍇𑌂𑌦𑍍𑌰𑌵𑌂𑌦𑍍𑌯 𑌮𑍃𑌦𑍁𑌪𑌂𑌕𑌜𑌮𑌂𑌜𑍁𑌪𑌾𑌦 ।
𑌦𑍇𑌵𑌰𑍍𑌷𑌿𑌨𑌾𑌰𑌦𑌮𑍁𑌨𑍀𑌂𑌦𑍍𑌰𑌸𑍁𑌗𑍀𑌤𑌕𑍀𑌰𑍍𑌤𑍇,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 2 ॥

𑌨𑌿𑌤𑍍𑌯𑌾𑌨𑍍𑌨𑌦𑌾𑌨 𑌨𑌿𑌰𑌤𑌾𑌖𑌿𑌲 𑌰𑍋𑌗𑌹𑌾𑌰𑌿𑌨𑍍,
𑌤𑌸𑍍𑌮𑌾𑌤𑍍𑌪𑍍𑌰𑌦𑌾𑌨 𑌪𑌰𑌿𑌪𑍂𑌰𑌿𑌤𑌭𑌕𑍍𑌤𑌕𑌾𑌮 ।
𑌶𑍃𑌤𑍍𑌯𑌾𑌗𑌮𑌪𑍍𑌰𑌣𑌵𑌵𑌾𑌚𑍍𑌯𑌨𑌿𑌜𑌸𑍍𑌵𑌰𑍂𑌪,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 3 ॥

𑌕𑍍𑌰𑍌𑌂𑌚𑌾𑌸𑍁𑌰𑍇𑌂𑌦𑍍𑌰 𑌪𑌰𑌿𑌖𑌂𑌡𑌨 𑌶𑌕𑍍𑌤𑌿𑌶𑍂𑌲,
𑌪𑌾𑌶𑌾𑌦𑌿𑌶𑌸𑍍𑌤𑍍𑌰𑌪𑌰𑌿𑌮𑌂𑌡𑌿𑌤𑌦𑌿𑌵𑍍𑌯𑌪𑌾𑌣𑍇 ।
𑌶𑍍𑌰𑍀𑌕𑍁𑌂𑌡𑌲𑍀𑌶 𑌧𑍃𑌤𑌤𑍁𑌂𑌡 𑌶𑌿𑌖𑍀𑌂𑌦𑍍𑌰𑌵𑌾𑌹,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 4 ॥

𑌦𑍇𑌵𑌾𑌦𑌿𑌦𑍇𑌵 𑌰𑌥𑌮𑌂𑌡𑌲 𑌮𑌧𑍍𑌯 𑌵𑍇𑌦𑍍𑌯,
𑌦𑍇𑌵𑍇𑌂𑌦𑍍𑌰 𑌪𑍀𑌠𑌨𑌗𑌰𑌂 𑌦𑍃𑌢𑌚𑌾𑌪𑌹𑌸𑍍𑌤𑌮𑍍 ।
𑌶𑍂𑌰𑌂 𑌨𑌿𑌹𑌤𑍍𑌯 𑌸𑍁𑌰𑌕𑍋𑌟𑌿𑌭𑌿𑌰𑍀𑌡𑍍𑌯𑌮𑌾𑌨,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 5 ॥

𑌹𑌾𑌰𑌾𑌦𑌿𑌰𑌤𑍍𑌨𑌮𑌣𑌿𑌯𑍁𑌕𑍍𑌤𑌕𑌿𑌰𑍀𑌟𑌹𑌾𑌰,
𑌕𑍇𑌯𑍂𑌰𑌕𑍁𑌂𑌡𑌲𑌲𑌸𑌤𑍍𑌕𑌵𑌚𑌾𑌭𑌿𑌰𑌾𑌮 ।
𑌹𑍇 𑌵𑍀𑌰 𑌤𑌾𑌰𑌕 𑌜𑌯𑌾𑌽𑌮𑌰𑌬𑍃𑌂𑌦𑌵𑌂𑌦𑍍𑌯,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 6 ॥

𑌪𑌂𑌚𑌾𑌕𑍍𑌷𑌰𑌾𑌦𑌿𑌮𑌨𑍁𑌮𑌂𑌤𑍍𑌰𑌿𑌤 𑌗𑌾𑌂𑌗𑌤𑍋𑌯𑍈𑌃,
𑌪𑌂𑌚𑌾𑌮𑍃𑌤𑍈𑌃 𑌪𑍍𑌰𑌮𑍁𑌦𑌿𑌤𑍇𑌂𑌦𑍍𑌰𑌮𑍁𑌖𑍈𑌰𑍍𑌮𑍁𑌨𑍀𑌂𑌦𑍍𑌰𑍈𑌃 ।
𑌪𑌟𑍍𑌟𑌾𑌭𑌿𑌷𑌿𑌕𑍍𑌤 𑌹𑌰𑌿𑌯𑍁𑌕𑍍𑌤 𑌪𑌰𑌾𑌸𑌨𑌾𑌥,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 𑍭 ॥

𑌶𑍍𑌰𑍀𑌕𑌾𑌰𑍍𑌤𑌿𑌕𑍇𑌯 𑌕𑌰𑍁𑌣𑌾𑌮𑍃𑌤𑌪𑍂𑌰𑍍𑌣𑌦𑍃𑌷𑍍𑌟𑍍𑌯𑌾,
𑌕𑌾𑌮𑌾𑌦𑌿𑌰𑍋𑌗𑌕𑌲𑍁𑌷𑍀𑌕𑍃𑌤𑌦𑍁𑌷𑍍𑌟𑌚𑌿𑌤𑍍𑌤𑌮𑍍 ।
𑌭𑌕𑍍𑌤𑍍𑌵𑌾 𑌤𑍁 𑌮𑌾𑌮𑌵𑌕𑌳𑌾𑌧𑌰 𑌕𑌾𑌂𑌤𑌿𑌕𑌾𑌂𑌤𑍍𑌯𑌾,
𑌵𑌲𑍍𑌲𑍀𑌸𑌨𑌾𑌥 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌂𑌬𑌮𑍍 ॥ 𑍮 ॥

𑌸𑍁𑌬𑍍𑌰𑌹𑍍𑌮𑌣𑍍𑌯 𑌕𑌰𑌾𑌵𑌲𑌂𑌬𑌂 𑌪𑍁𑌣𑍍𑌯𑌂 𑌯𑍇 𑌪𑌠𑌂𑌤𑌿 𑌦𑍍𑌵𑌿𑌜𑍋𑌤𑍍𑌤𑌮𑌾𑌃 ।
𑌤𑍇 𑌸𑌰𑍍𑌵𑍇 𑌮𑍁𑌕𑍍𑌤𑌿 𑌮𑌾𑌯𑌾𑌂𑌤𑌿 𑌸𑍁𑌬𑍍𑌰𑌹𑍍𑌮𑌣𑍍𑌯 𑌪𑍍𑌰𑌸𑌾𑌦𑌤𑌃 ।
𑌸𑍁𑌬𑍍𑌰𑌹𑍍𑌮𑌣𑍍𑌯 𑌕𑌰𑌾𑌵𑌲𑌂𑌬𑌮𑌿𑌦𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌯𑌃 𑌪𑌠𑍇𑌤𑍍 ।
𑌕𑍋𑌟𑌿𑌜𑌨𑍍𑌮𑌕𑍃𑌤𑌂 𑌪𑌾𑌪𑌂 𑌤𑌤𑍍​𑌕𑍍𑌷𑌣𑌾𑌦𑍇𑌵 𑌨𑌶𑍍𑌯𑌤𑌿 ॥