Maha Vishnu Stotram - Garudagamana Tava - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

మహా విష్ణు స్తోత్రం - గరుడగమన తవ

గరుడగమన తవ చరణకమలమిహ మనసి లసతు మమ నిత్యం
మనసి లసతు మమ నిత్యమ్ ।
మమ తాపమపాకురు దేవ, మమ పాపమపాకురు దేవ ॥ ధ్రు.॥

జలజనయన విధినముచిహరణముఖ విబుధవినుత-పదపద్మ
మమ తాపమపాకురు దేవ, మమ పాపమపాకురు దేవ ॥ 1॥

భుజగశయన భవ మదనజనక మమ జననమరణ-భయహారిన్
మమ తాపమపాకురు దేవ, మమ పాపమపాకురు దేవ ॥ 2॥

శంఖచక్రధర దుష్టదైత్యహర సర్వలోక-శరణ
మమ తాపమపాకురు దేవ, మమ పాపమపాకురు దేవ ॥ 3॥

అగణిత-గుణగణ అశరణశరణద విదలిత-సురరిపుజాల
మమ తాపమపాకురు దేవ, మమ పాపమపాకురు దేవ ॥ 4॥

భక్తవర్యమిహ భూరికరుణయా పాహి భారతీతీర్థం
మమ తాపమపాకురు దేవ, మమ పాపమపాకురు దేవ ॥ 5॥

ఇతి జగద్గురు శృంగేరీ పీఠాధిపతి భారతీతీర్థస్వామినా విరచితం మహావిష్ణుస్తోత్రం సంపూర్ణమ్ ।

Browse Related Categories: