శ్రీకృష్ణ ప్రార్థనా
మూకం కరోతి వాచాలం పంగు లంఘయతే గిరిం।
యత్కృపా తమహం వందే పరమానంద మాధవం॥
నాహం వసామి వైకుంఠే యోగినాం హృదయే న చ।
మద్భక్తా యత్ర గాయంతి తత్ర తిష్ఠామి నారద॥
అథ శ్రీ కృష్ణ కృపా కటాక్ష స్తోత్ర ॥
భజే వ్రజైకమండనం సమస్తపాపఖండనం
స్వభక్తచిత్తరంజనం సదైవ నందనందనమ్ ।
సుపిచ్ఛగుచ్ఛమస్తకం సునాదవేణుహస్తకం
అనంగరంగసాగరం నమామి కృష్ణనాగరమ్ ॥
మనోజగర్వమోచనం విశాలలోలలోచనం
విధూతగోపశోచనం నమామి పద్మలోచనమ్ ।
కరారవిందభూధరం స్మితావలోకసుందరం
మహేంద్రమానదారణం నమామి కృష్ణ వారణమ్ ॥
కదంబసూనకుండలం సుచారుగండమండలం
వ్రజాంగనైకవల్లభం నమామి కృష్ణదుర్లభమ్ ।
యశోదయా సమోదయా సగోపయా సనందయా
యుతం సుఖైకదాయకం నమామి గోపనాయకమ్ ॥
సదైవ పాదపంకజం మదీయ మానసే నిజం
దధానముక్తమాలకం నమామి నందబాలకమ్ ।
సమస్తదోషశోషణం సమస్తలోకపోషణం
సమస్తగోపమానసం నమామి నందలాలసమ్ ॥
భువో భరావతారకం భవాబ్ధికర్ణధారకం
యశోమతీకిశోరకం నమామి చిత్తచోరకమ్ ।
దృగంతకాంతభంగినం సదా సదాలిసంగినం
దినే-దినే నవం-నవం నమామి నందసంభవమ్ ॥
గుణాకరం సుఖాకరం కృపాకరం కృపాపరం
సురద్విషన్నికందనం నమామి గోపనందనమ్ ।
నవీన గోపనాగరం నవీనకేలి-లంపటం
నమామి మేఘసుందరం తడిత్ప్రభాలసత్పటమ్ ॥
సమస్త గోప మోహనం, హృదంబుజైక మోదనం
నమామికుంజమధ్యగం ప్రసన్న భానుశోభనమ్ ।
నికామకామదాయకం దృగంతచారుసాయకం
రసాలవేణుగాయకం నమామికుంజనాయకమ్ ॥
విదగ్ధ గోపికామనో మనోజ్ఞతల్పశాయినం
నమామి కుంజకాననే ప్రవృద్ధవహ్నిపాయినమ్ ।
కిశోరకాంతి రంజితం దృగంజనం సుశోభితం
గజేంద్రమోక్షకారిణం నమామి శ్రీవిహారిణమ్ ॥
ఫలశృతి
యదా తదా యథా తథా తథైవ కృష్ణసత్కథా
మయా సదైవ గీయతాం తథా కృపా విధీయతామ్ ।
ప్రమాణికాష్టకద్వయం జపత్యధీత్య యః పుమాన్
భవేత్స నందనందనే భవే భవే సుభక్తిమాన ॥
