শ্রীদেব্যুবাচ ।
দেবদেব মহাবাহো ভক্তানাং সুখবর্ধন ।
কেন সিদ্ধিং দদাত্যাশু কালী ত্রৈলোক্যমোহন ॥ 1॥

তন্মে বদ দযাঽঽধার সাধকাভীষ্টসিদ্ধযে ।
কৃপাং কুরু জগন্নাথ বদ বেদবিদাং বর ॥ 2॥

শ্রীভৈরব উবাচ ।
গোপনীযং প্রযত্নেন তত্ত্বাত্ তত্ত্বং পরাত্পরম্ ।
এষ সিদ্ধিকরঃ সম্যক্ কিমথো কথযাম্যহম্ ॥ 3॥

মহাকালমহং বংদে সর্বসিদ্ধিপ্রদাযকম্ ।
দেবদানবগংধর্বকিন্নরপরিসেবিতম্ ॥ 4॥

কবচং তত্ত্বদেবস্য পঠনাদ্ ঘোরদর্শনে ।
সত্যং ভবতি সান্নিধ্যং কবচস্তবনাংতরাত্ ॥ 5॥

সিদ্ধিং দদাতি সা তুষ্টা কৃত্বা কবচমুত্তমম্ ।
সাম্রাজ্যত্বং প্রিযং দত্বা পুত্রবত্ পরিপালযেত্ ॥ 6॥

কবচস্য ঋষির্দেবী কালিকা দক্ষিণা তথা
বিরাট্ছংদঃ সুবিজ্ঞেযং মহাকালস্তু দেবতা ।
কালিকা সাধনে চৈব বিনিযোগঃ প্রকীর্ত্তিতঃ ॥ 7॥

ওং শ্মশানস্থো মহারুদ্রো মহাকালো দিগংবরঃ ।
কপালকর্তৃকা বামে শূলং খট্বাংগং দক্ষিণে ॥ 8॥

ভুজংগভূষিতে দেবি ভস্মাস্থিমণিমংডিতঃ ।
জ্বলত্পাবকমধ্যস্থো ভস্মশয্যাব্যবস্থিতঃ ॥ 9॥

বিপরীতরতাং তত্র কালিকাং হৃদযোপরি ।
পেযং খাদ্যং চ চোষ্যং চ তৌ কৃত্বা তু পরস্পরম্ ।
এবং ভক্ত্যা যজেদ্ দেবং সর্বসিদ্ধিঃ প্রজাযতে ॥ 10॥

প্রণবং পূর্বমুচ্চার্য মহাকালায তত্পদম্ ।
নমঃ পাতু মহামংত্রঃ সর্বশাস্ত্রার্থপারগঃ ॥ 11॥

অষ্টক্ষরো মহা মংত্রঃ সর্বাশাপরিপূরকঃ ।
সর্বপাপক্ষযং যাতি গ্রহণে ভক্তবত্সলে ॥ 12॥

কূর্চদ্বংদ্বং মহাকাল প্রসীদেতি পদদ্বযম্ ।
লজ্জাযুগ্মং বহ্নিজাযা স তু রাজেশ্বরো মহান্ ॥ 13॥

মংত্রগ্রহণমাত্রেণ ভবেত সত্যং মহাকবিঃ ।
গদ্যপদ্যমযী বাণী গংগানির্ঝরিতা তথা ॥ 14॥

তস্য নাম তু দেবেশি দেবা গাযংতি ভাবুকাঃ ।
শক্তিবীজদ্বযং দত্বা কূর্চং স্যাত্ তদনংতরম্ ॥ 15॥

মহাকালপদং দত্বা মাযাবীজযুগং তথা ।
কূর্চমেকং সমুদ্ধৃত্য মহামংত্রো দশাক্ষরঃ ॥ 16॥

রাজস্থানে দুর্গমে চ পাতু মাং সর্বতো মুদা ।
বেদাদিবীজমাদায ভগমান্ তদনংতরম্ ॥ 17॥

মহাকালায সংপ্রোচ্য কূর্চং দত্বা চ ঠদ্বযম্ ।
হ্রীংকারপূর্বমুদ্ধৃত্য বেদাদিস্তদনংতরম্ ॥ 18॥

মহাকালস্যাংতভাগে স্বাহাংতমনুমুত্তমম্ ।
ধনং পুত্রং সদা পাতু বংধুদারানিকেতনম্ ॥ 19॥

পিংগলাক্ষো মংজুযুদ্ধে যুদ্ধে নিত্যং জযপ্রদঃ ।
সংভাব্যঃ সর্বদুষ্টঘ্নঃ পাতু স্বস্থানবল্লভঃ ॥ 20॥

ইতি তে কথিতং তুভ্যং দেবানামপি দুর্লভম্ ।
অনেন পঠনাদ্ দেবি বিঘ্ননাশো যথা ভবেত্ ॥ 21॥

সংপূজকঃ শুচিস্নাতঃ ভক্তিযুক্তঃ সমাহিতঃ ।
সর্বব্যাধিবিনির্মুক্তঃ বৈরিমধ্যে বিশেষতঃ ॥ 22॥

মহাভীমঃ সদা পাতু সর্বস্থান বল্লভম্ । ?
কালীপার্শ্বস্থিতো দেবঃ সর্বদা পাতু মে মুখে ॥ 23॥

॥ ফল শ্রুতি॥

পঠনাত্ কালিকাদেবী পঠেত্ কবচমুত্তমম্ ।
শ্রুণুযাদ্ বা প্রযত্নেন সদাঽঽনংদমযো ভবেত্ ॥ 1॥

শ্রদ্ধযাঽশ্রদ্ধযা বাপি পঠনাত্ কবচস্য যত্ ।
সর্বসিদ্ধিমবাপ্নোতি যদ্যন্মনসি বর্ততে ॥ 2॥

বিল্বমূলে পঠেদ্ যস্তু পঠনাদ্ কবচস্য যত্ ।
ত্রিসংধ্যং পঠনাদ্ দেবি ভবেন্নিত্যং মহাকবিঃ ॥ 3॥

কুমারীং পূজযিত্বা তু যঃ পঠেদ্ ভাবতত্পরঃ ।
ন কিংচিদ্ দুর্লভং তস্য দিবি বা ভুবি মোদতে ॥ 4॥

দুর্ভিক্ষে রাজপীডাযাং গ্রামে বা বৈরিমধ্যকে ।
যত্র যত্র ভযং প্রাপ্তঃ সর্বত্র প্রপঠেন্নরঃ ॥ 5॥

তত্র তত্রাভযং তস্য ভবত্যেব ন সংশযঃ ।
বামপার্শ্বে সমানীয শোভিতাং বরকামিনীম্ ॥ 6॥

শ্রদ্ধযাঽশ্রদ্ধযা বাপি পঠনাত্ কবচস্য তু ।
প্রযত্নতঃ পঠেদ্ যস্তু তস্য সিদ্ধিঃ করে স্থিতা ॥ 7॥

ইদং কবচমজ্ঞাত্বা কালং যো ভজতে নরঃ ।
নৈব সিদ্ধির্ভবেত্ তস্য বিঘ্নস্তস্য পদে পদে ।
আদৌ বর্ম পঠিত্বা তু তস্য সিদ্ধির্ভবিষ্যতি ॥ 8॥

॥ ইতি রুদ্রযামলে মহাতংত্রে মহাকালভৈরবকবচং সংপূর্ণম্॥