ওং নিধ॑নপতযে॒ নমঃ । নিধনপতাংতিকায॒ নমঃ ।
ঊর্ধ্বায॒ নমঃ । ঊর্ধ্বলিংগায॒ নমঃ ।
হিরণ্যায॒ নমঃ । হিরণ্যলিংগায॒ নমঃ ।
সুবর্ণায॒ নমঃ । সুবর্ণলিংগায॒ নমঃ ।
দিব্যায॒ নমঃ । দিব্যলিংগায॒ নমঃ ।
ভবাযঃ॒ নমঃ । ভবলিংগায॒ নমঃ ।
শর্বায॒ নমঃ । শর্বলিংগায॒ নমঃ ।
শিবায॒ নমঃ । শিবলিংগায॒ নমঃ ।
জ্বলায॒ নমঃ । জ্বললিংগায॒ নমঃ ।
আত্মায॒ নমঃ । আত্মলিংগায॒ নমঃ ।
পরমায॒ নমঃ । পরমলিংগায॒ নমঃ ।
এতত্সোমস্য॑ সূর্য॒স্য সর্বলিংগগ্গ্॑ স্থাপ॒য॒তি॒ পাণিমংত্রং পবি॒ত্রম্ ॥
স॒দ্যো জা॒তং প্র॑পদ্যা॒মি॒ স॒দ্যো জা॒তায॒ বৈ নমো॒ নমঃ॑ ।
ভ॒বে ভ॑বে॒ নাতি॑ভবে ভবস্ব॒ মাম্ । ভ॒বো-দ্ভ॑বায॒ নমঃ॑ ॥
বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒
কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒
বল॑প্রমথনায॒ নম॒ স্সর্ব॑ভূতদমনায॒ নমো॑ ম॒নোন্ম॑নায॒ নমঃ॑ ।
অ॒ঘোরে᳚ভ্যো ঽথ॒ঘোরে᳚ভ্যো॒ ঘোর॒ঘোর॑তরেভ্যঃ ।
সর্বে᳚ভ্যঃ সর্ব॒ শর্বে᳚ভ্যো॒ নম॑স্তে অস্তু রু॒দ্ররূ॑পেভ্যঃ ॥
তত্পুরু॑ষায বি॒দ্মহে॑ মহাদে॒বায॑ ধীমহি ।
তন্নো॑ রুদ্রঃ প্রচো॒দযা᳚ত্ ॥
ঈশানঃ সর্ব॑বিদ্যা॒না॒-মীশ্বরসর্ব॑ ভূতা॒নাং॒
ব্রহ্মাধি॑পতি॒-র্ব্রহ্ম॒ণোঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥
নমো হিরণ্যবাহবে হিরণ্যবর্ণায হিরণ্যরূপায হিরণ্যপতযেঽংবিকাপতয উমাপতযে পশুপতযে॑ নমো॒ নমঃ ॥
ঋ॒তগ্ম্ঋ॒তগ্ম্ স॒ত্যং প॑রং ব্র॒হ্ম॒ পু॒রুষং॑ কৃষ্ণ॒পিংগ॑লম্ ।
ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায॒ বৈ নমো॒ নমঃ॑ ॥
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ ।
পুরু॑ষো॒ বৈ রু॒দ্রস্সন্ম॒হো নমো॒ নমঃ॑ ।
বিশ্বং॑ ভূ॒তং ভুব॑নং চি॒ত্রং ব॑হু॒ধা জা॒তং জায॑মানং চ॒ যত্ ।
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ ।
ক-দ্রু॒দ্রায॒ প্রচে॑তসে মী॒ঢুষ্ট॑মায॒ তব্য॑সে । বো॒চেম॒ শংত॑মগ্ম্ হৃ॒দে ।
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ ।
মা নো॑ ম॒হাংত॑মু॒ত মা নো॑ অর্ভ॒কং মা ন॒ উক্ষং॑তমু॒ত মা ন॑ উক্ষি॒তম্ ।
মা নো॑ বধীঃ পি॒তরং॒ মোত মা॒তরং॑ প্রি॒যা মা ন॑স্ত॒নুবো॑ রুদ্র রীরিষঃ ।
মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।
বী॒রান্মা নো॑ রুদ্র ভামি॒তোঽব॑ধীর্হ॒বিষ্মং॑তো॒ নম॑সা বিধেম তে ।
ত্র্যং॑বকং-যঁজামহে সুগং॒ধিং পু॑ষ্টি॒বর্ধ॑নম্ ।
উ॒র্বা॒রু॒কমি॑ব॒ বংধ॑নান্মৃ॒ত্যোর্মু॑ক্ষীয॒ মাঽমৃতা᳚ত্ ।
যে তে॑ স॒হস্র॑ম॒যুতং॒ পাশা॒ মৃত্যো॒ মর্ত্যা॑য॒ হংত॑বে ।
তান্ য॒জ্ঞস্য॑ মা॒যযা॒ সর্বা॒নব॑ যজামহে ।
মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ।
প্রাণানাং গ্রংথিরসি রুদ্রো মা॑ বিশাং॒তকঃ ।
তেনান্নেনা᳚প্যায॒স্ব ॥
নমো রুদ্রায বিষ্ণবে মৃত্যু॑র্মে পা॒হি ॥
ত্বম॑গ্নে দ্যুভি॒স্ত্ব-মা॑শুশু॒ক্ষণি॒স্ত্ব-ম॒দ্ভ্যস্ত্ব-মশ্ম॑ন॒স্পরি॑ । ত্বং-বঁনে᳚ভ্য॒-স্ত্বমোষ॑ধীভ্য॒-স্ত্বন্-নৃ॒ণান্ নৃ॑পতে জাযসে॒ শুচিঃ॒ ॥
শি॒বেন॑ মে॒ সংতি॑ষ্ঠস্ব-স্যো॒নেন॑ মে॒ সংতি॑ষ্ঠস্ব সুভূ॒তেন॑ মে॒ সংতি॑ষ্ঠস্ব য॒জ্ঞস্যদ্ভি॒র্মনু॒ সংতি॑ষ্ঠস্বোপ॑ তে যজ্ঞ॒ নম॒ উপ॑ তে॒ নম॒ উপ॑ তে॒ নমঃ॑ ॥
ওং শাংতিঃ॒ শাংতিঃ॒ শাংতিঃ॑ ।
