ব্যাসং বসিষ্ঠনপ্তারং শক্তেঃ পৌত্রমকল্মষম্ ।
পরাশরাত্মজং বংদে শুকতাতং তপোনিধিম্ ॥ 1

ব্যাসায বিষ্ণুরূপায ব্যাসরূপায বিষ্ণবে ।
নমো বৈ ব্রহ্মনিধযে বাসিষ্ঠায নমো নমঃ ॥ 2

কৃষ্ণদ্বৈপাযনং ব্যাসং সর্বলোকহিতে রতম্ ।
বেদাব্জভাস্করং বংদে শমাদিনিলযং মুনিম্ ॥ 3

বেদব্যাসং স্বাত্মরূপং সত্যসংধং পরাযণম্ ।
শাংতং জিতেংদ্রিযক্রোধং সশিষ্যং প্রণমাম্যহম্ ॥ 4

অচতুর্বদনো ব্রহ্মা দ্বিবাহুরপরো হরিঃ ।
অফাললোচনঃ শংভুঃ ভগবান্ বাদরাযণঃ ॥ 5

শংকরং শংকরাচার্যং কেশবং বাদরাযণম্ ।
সূত্রভাষ্যকৃতৌ বংদে ভগবংতৌ পুনঃ পুনঃ ॥ 6

ব্রহ্মসূত্রকৃতে তস্মৈ বেদব্যাসায বেধসে ।
জ্ঞানশক্ত্যবতারায নমো ভগবতো হরেঃ ॥ 7

ব্যাসঃ সমস্তধর্মাণাং বক্তা মুনিবরেডিতঃ ।
চিরংজীবী দীর্ঘমাযুর্দদাতু জটিলো মম ॥ 8

প্রজ্ঞাবলেন তপসা চতুর্বেদবিভাজকঃ ।
কৃষ্ণদ্বৈপাযনো যশ্চ তস্মৈ শ্রীগুরবে নমঃ ॥ 9

জটাধরস্তপোনিষ্ঠঃ শুদ্ধযোগো জিতেংদ্রিযঃ ।
কৃষ্ণাজিনধরঃ কৃষ্ণস্তস্মৈ শ্রীগুরবে নমঃ ॥ 10

ভারতস্য বিধাতা চ দ্বিতীয ইব যো হরিঃ ।
হরিভক্তিপরো যশ্চ তস্মৈ শ্রীগুরবে নমঃ ॥ 11

জযতি পরাশরসূনুঃ সত্যবতী হৃদযনংদনো ব্যাসঃ ।
যস্যাস্য কমলগলিতং ভারতমমৃতং জগত্পিবতি ॥ 12

বেদবিভাগবিধাত্রে বিমলায ব্রহ্মণে নমো বিশ্বদৃশে ।
সকলধৃতিহেতুসাধনসূত্রসৃজে সত্যবত্যভিব্যক্তি মতে ॥ 13

বেদাংতবাক্যকুসুমানি সমানি চারু
জগ্রংথ সূত্রনিচযেন মনোহরেণ ।
মোক্ষার্থিলোকহিতকামনযা মুনির্যঃ
তং বাদরাযণমহং প্রণমামি ভক্ত্যা ॥ 14

ইতি শ্রী বেদব্যাস স্তুতিঃ ।