𑌶𑍍𑌰𑍀𑌮𑌦𑍍𑌰𑌾𑌮𑌪𑌾𑌦𑌾𑌰𑌵𑌿𑌂𑌦𑌮𑌧𑍁𑌪𑌃 𑌶𑍍𑌰𑍀𑌮𑌧𑍍𑌵𑌵𑌂𑌶𑌾𑌧𑌿𑌪𑌃
𑌸𑌚𑍍𑌚𑌿𑌷𑍍𑌯𑍋𑌡𑍁𑌗𑌣𑍋𑌡𑍁𑌪𑌃 𑌶𑍍𑌰𑌿𑌤𑌜𑌗𑌦𑍍𑌗𑍀𑌰𑍍𑌵𑌾𑌣𑌸𑌤𑍍𑌪𑌾𑌦𑌪𑌃 ।
𑌅𑌤𑍍𑌯𑌰𑍍𑌥𑌂 𑌮𑌨𑌸𑌾 𑌕𑍃𑌤𑌾𑌚𑍍𑌯𑍁𑌤𑌜𑌪𑌃 𑌪𑌾𑌪𑌾𑌂𑌧𑌕𑌾𑌰𑌾𑌤𑌪𑌃
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 1 ॥

𑌕𑌰𑍍𑌮𑌂𑌦𑍀𑌂𑌦𑍍𑌰𑌸𑍁𑌧𑍀𑌂𑌦𑍍𑌰𑌸𑌦𑍍𑌗𑍁𑌰𑍁𑌕𑌰𑌾𑌂𑌭𑍋𑌜𑍋𑌦𑍍𑌭𑌵𑌃 𑌸𑌂𑌤𑌤𑌂
𑌪𑍍𑌰𑌾𑌜𑍍𑌯𑌧𑍍𑌯𑌾𑌨𑌵𑌶𑍀𑌕𑍃𑌤𑌾𑌖𑌿𑌲𑌜𑌗𑌦𑍍𑌵𑌾𑌸𑍍𑌤𑌵𑍍𑌯𑌲𑌕𑍍𑌷𑍍𑌮𑍀𑌧𑌵𑌃 ।
𑌸𑌚𑍍𑌛𑌾𑌸𑍍𑌤𑍍𑌰𑌾𑌦𑌿 𑌵𑌿𑌦𑍂𑌷𑌕𑌾𑌖𑌿𑌲𑌮𑍃𑌷𑌾𑌵𑌾𑌦𑍀𑌭𑌕𑌂𑌠𑍀𑌰𑌵𑌃
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 2 ॥

𑌸𑌾𑌲𑌂𑌕𑌾𑌰𑌕𑌕𑌾𑌵𑍍𑌯𑌨𑌾𑌟𑌕𑌕𑌲𑌾𑌕𑌾𑌣𑌾𑌦𑌪𑌾𑌤𑌂𑌜𑌲-
𑌤𑍍𑌰𑌯𑍍𑌯𑌰𑍍𑌥𑌸𑍍𑌮𑍃𑌤𑌿𑌜𑍈𑌮𑌿𑌨𑍀𑌯𑌕𑌵𑌿𑌤𑌾𑌸𑌂𑌕𑍀𑌤𑌪𑌾𑌰𑌂𑌗𑌤𑌃 ।
𑌵𑌿𑌪𑍍𑌰𑌕𑍍𑌷𑌤𑍍𑌰𑌵𑌿𑌡𑌂𑌘𑍍𑌰𑌿𑌜𑌾𑌤𑌮𑍁𑌖𑌰𑌾𑌨𑍇𑌕𑌪𑍍𑌰𑌜𑌾𑌸𑍇𑌵𑌿𑌤𑌃
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 3 ॥

𑌰𑌂𑌗𑍋𑌤𑍍𑌤𑍁𑌂𑌗𑌤𑌰𑌂𑌗𑌮𑌂𑌗𑌲𑌕𑌰 𑌶𑍍𑌰𑍀𑌤𑍁𑌂𑌗𑌭𑌦𑍍𑌰𑌾𑌤𑌟-
𑌪𑍍𑌰𑌤𑍍𑌯𑌕𑍍𑌸𑍍𑌥𑌦𑍍𑌵𑌿𑌜𑌪𑍁𑌂𑌗𑌵𑌾𑌲𑌯 𑌲𑌸𑌨𑍍𑌮𑌂𑌤𑍍𑌰𑌾𑌲𑌯𑌾𑌖𑍍𑌯𑍇 𑌪𑍁𑌰𑍇 ।
𑌨𑌵𑍍𑌯𑍇𑌂𑌦𑍍𑌰𑍋𑌪𑌲𑌨𑍀𑌲𑌭𑌵𑍍𑌯𑌕𑌰𑌸𑌦𑍍𑌵𑍃𑌂𑌦𑌾𑌵𑌨𑌾𑌂𑌤𑌰𑍍𑌗𑌤𑌃
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 4 ॥

𑌵𑌿𑌦𑍍𑌵𑌦𑍍𑌰𑌾𑌜𑌶𑌿𑌰𑌃𑌕𑌿𑌰𑍀𑌟𑌖𑌚𑌿𑌤𑌾𑌨𑌰𑍍𑌘𑍍𑌯𑍋𑌰𑍁𑌰𑌤𑍍𑌨𑌪𑍍𑌰𑌭𑌾
𑌰𑌾𑌗𑌾𑌘𑍌𑌘𑌹𑌪𑌾𑌦𑍁𑌕𑌾𑌦𑍍𑌵𑌯𑌚𑌰𑌃 𑌪𑌦𑍍𑌮𑌾𑌕𑍍𑌷𑌮𑌾𑌲𑌾𑌧𑌰𑌃 ।
𑌭𑌾𑌸𑍍𑌵𑌦𑍍𑌦𑌂𑌟𑌕𑌮𑌂𑌡𑌲𑍂𑌜𑍍𑌜𑍍𑌵𑌲𑌕𑌰𑍋 𑌰𑌕𑍍𑌤𑌾𑌂𑌬𑌰𑌾𑌡𑌂𑌬𑌰𑌃
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 5 ॥

𑌯𑌦𑍍𑌵𑍃𑌂𑌦𑌾𑌵𑌨𑌸𑌤𑍍𑌪𑍍𑌰𑌦𑌕𑍍𑌷𑌿𑌣𑌨𑌮𑌸𑍍𑌕𑌾𑌰𑌾𑌭𑌿𑌷𑍇𑌕𑌸𑍍𑌤𑍁𑌤𑌿-
𑌧𑍍𑌯𑌾𑌨𑌾𑌰𑌾𑌧𑌨𑌮𑍃𑌦𑍍𑌵𑌿𑌲𑍇𑌪𑌨𑌮𑍁𑌖𑌾𑌨𑍇𑌕𑍋𑌪𑌚𑌾𑌰𑌾𑌨𑍍 𑌸𑌦𑌾 ।
𑌕𑌾𑌰𑌂 𑌕𑌾𑌰𑌮𑌭𑌿𑌪𑍍𑌰𑌯𑌾𑌂𑌤𑌿 𑌚𑌤𑍁𑌰𑍋 𑌲𑍋𑌕𑌾𑌃 𑌪𑍁𑌮𑌰𑍍𑌥𑌾𑌨𑍍 𑌸𑌦𑌾
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 6 ॥

𑌵𑍇𑌦𑌵𑍍𑌯𑌾𑌸𑌮𑍁𑌨𑍀𑌶𑌮𑌧𑍍𑌵𑌯𑌤𑌿𑌰𑌾𑌟𑍍 𑌟𑍀𑌕𑌾𑌰𑍍𑌯𑌵𑌾𑌕𑍍𑌯𑌾𑌮𑍃𑌤𑌂
𑌜𑍍𑌞𑌾𑌤𑍍𑌵𑌾𑌽𑌦𑍍𑌵𑍈𑌤𑌮𑌤𑌂 𑌹𑌲𑌾𑌹𑌲𑌸𑌮𑌂 𑌤𑍍𑌯𑌕𑍍𑌤𑍍𑌵𑌾 𑌸𑌮𑌾𑌖𑍍𑌯𑌾𑌪𑍍𑌤𑌯𑍇 ।
𑌸𑌂𑌖𑍍𑌯𑌾𑌵𑌤𑍍𑌸𑍁𑌖𑌦𑌾𑌂 𑌦𑌶𑍋𑌪𑌨𑌿𑌷𑌦𑌾𑌂 𑌵𑍍𑌯𑌾𑌖𑍍𑌯𑌾𑌂 𑌸𑌮𑌾𑌖𑍍𑌯𑌨𑍍𑌮𑍁𑌦𑌾
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 𑍭 ॥

𑌶𑍍𑌰𑍀𑌮𑌦𑍍𑌵𑍈𑌷𑍍𑌣𑌵𑌲𑍋𑌕𑌜𑌾𑌲𑌕𑌗𑍁𑌰𑍁𑌃 𑌶𑍍𑌰𑍀𑌮𑌤𑍍𑌪𑌰𑌿𑌵𑍍𑌰𑌾𑌡𑍍𑌗𑍁𑌰𑍁𑌃
𑌶𑌾𑌸𑍍𑌤𑍍𑌰𑍇 𑌦𑍇𑌵𑌗𑍁𑌰𑍁𑌃 𑌶𑍍𑌰𑌿𑌤𑌾𑌮𑌰𑌤𑌰𑍁𑌃 𑌪𑍍𑌰𑌤𑍍𑌯𑍂𑌹𑌗𑍋𑌤𑍍𑌰𑌸𑍍𑌵𑌰𑍁𑌃 ।
𑌚𑍇𑌤𑍋𑌽𑌤𑍀𑌤𑌶𑌿𑌰𑍁𑌸𑍍𑌤𑌥𑌾 𑌜𑌿𑌤𑌵𑌰𑍁𑌸𑍍𑌸𑌤𑍍𑌸𑍌𑌖𑍍𑌯𑌸𑌂𑌪𑌤𑍍𑌕𑌰𑍁𑌃
𑌶𑍍𑌰𑍀𑌮𑌤𑍍𑌸𑌦𑍍𑌗𑍁𑌰𑍁𑌰𑌾𑌘𑌵𑍇𑌂𑌦𑍍𑌰𑌯𑌤𑌿𑌰𑌾𑌟𑍍 𑌕𑍁𑌰𑍍𑌯𑌾𑌦𑍍𑌧𑍍𑌰𑍁𑌵𑌂 𑌮𑌂𑌗𑌳𑌮𑍍 ॥ 𑍮 ॥

𑌯𑌸𑍍𑌸𑌂𑌧𑍍𑌯𑌾𑌸𑍍𑌵𑌨𑌿𑌶𑌂 𑌗𑍁𑌰𑍋𑌰𑍍𑌯𑌤𑌿𑌪𑌤𑍇𑌃 𑌸𑌨𑍍𑌮𑌂𑌗𑌲𑌸𑍍𑌯𑌾𑌷𑍍𑌟𑌕𑌂
𑌸𑌦𑍍𑌯𑌃 𑌪𑌾𑌪𑌹𑌰𑌂 𑌸𑍍𑌵𑌸𑍇𑌵𑌿 𑌵𑌿𑌦𑍁𑌷𑌾𑌂 𑌭𑌕𑍍𑌤𑍍𑌯𑍈𑌤𑌦𑌾𑌭𑌾𑌷𑌿𑌤𑌮𑍍 ।
𑌭𑌕𑍍𑌤𑍍𑌯𑌾 𑌵𑌕𑍍𑌤𑌿 𑌸𑍁𑌸𑌂𑌪𑌦𑌂 𑌶𑍁𑌭𑌪𑌦𑌂 𑌦𑍀𑌰𑍍𑌘𑌾𑌯𑍁𑌰𑌾𑌰𑍋𑌗𑍍𑌯𑌕𑌂
𑌕𑍀𑌰𑍍𑌤𑌿𑌂 𑌪𑍁𑌤𑍍𑌰𑌕𑌲𑌤𑍍𑌰𑌬𑌾𑌂𑌧𑌵𑌸𑍁𑌹𑍃𑌨𑍍𑌮𑍂𑌰𑍍𑌤𑌿𑌃 𑌪𑍍𑌰𑌯𑌾𑌤𑌿 𑌧𑍍𑌰𑍁𑌵𑌮𑍍 ॥

𑌇𑌤𑌿 𑌶𑍍𑌰𑍀𑌮𑌦𑌪𑍍𑌪𑌣𑌾𑌚𑌾𑌰𑍍𑌯𑌕𑍃𑌤𑌂 𑌰𑌾𑌘𑌵𑍇𑌂𑌦𑍍𑌰𑌮𑌂𑌗𑌳𑌾𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ।