ஶ்ரீமத்³ராமபாதா³ரவிந்த³மது⁴ப: ஶ்ரீமத்⁴வவம்ஶாதி⁴ப:
ஸச்சிஷ்யோடு³க³ணோடு³ப: ஶ்ரிதஜக³த்³கீ³ர்வாணஸத்பாத³ப: ।
அத்யர்த²ம் மனஸா க்ருதாச்யுதஜப: பாபாந்த⁴காராதப:
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 1 ॥

கர்மந்தீ³ந்த்³ரஸுதீ⁴ந்த்³ரஸத்³கு³ருகராம்போ⁴ஜோத்³ப⁴வ: ஸந்ததம்
ப்ராஜ்யத்⁴யானவஶீக்ருதாகி²லஜக³த்³வாஸ்தவ்யலக்ஷ்மீத⁴வ: ।
ஸச்சா²ஸ்த்ராதி³ விதூ³ஷகாகி²லம்ருஷாவாதீ³ப⁴கண்டீ²ரவ:
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 2 ॥

ஸாலங்காரககாவ்யனாடககலாகாணாத³பாதஞ்ஜல-
த்ரய்யர்த²ஸ்ம்ருதிஜைமினீயகவிதாஸங்கீதபாரங்க³த: ।
விப்ரக்ஷத்ரவிட³ங்க்⁴ரிஜாதமுக²ரானேகப்ரஜாஸேவித:
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 3 ॥

ரங்கோ³த்துங்க³தரங்க³மங்க³லகர ஶ்ரீதுங்க³ப⁴த்³ராதட-
ப்ரத்யக்ஸ்த²த்³விஜபுங்க³வாலய லஸன்மந்த்ராலயாக்²யே புரே ।
நவ்யேந்த்³ரோபலனீலப⁴வ்யகரஸத்³வ்ருந்தா³வனாந்தர்க³த:
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 4 ॥

வித்³வத்³ராஜஶிர:கிரீடக²சிதானர்க்⁴யோருரத்னப்ரபா⁴
ராகா³கௌ⁴க⁴ஹபாது³காத்³வயசர: பத்³மாக்ஷமாலாத⁴ர: ।
பா⁴ஸ்வத்³த³ண்டகமண்ட³லூஜ்ஜ்வலகரோ ரக்தாம்ப³ராட³ம்ப³ர:
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 5 ॥

யத்³வ்ருந்தா³வனஸத்ப்ரத³க்ஷிணனமஸ்காராபி⁴ஷேகஸ்துதி-
த்⁴யானாராத⁴னம்ருத்³விலேபனமுகா²னேகோபசாரான் ஸதா³ ।
காரம் காரமபி⁴ப்ரயாந்தி சதுரோ லோகா: புமர்தா²ன் ஸதா³
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 6 ॥

வேத³வ்யாஸமுனீஶமத்⁴வயதிராட் டீகார்யவாக்யாம்ருதம்
ஜ்ஞாத்வாத்³வைதமதம் ஹலாஹலஸமம் த்யக்த்வா ஸமாக்²யாப்தயே ।
ஸங்க்³யாவத்ஸுக²தா³ம் த³ஶோபனிஷதா³ம் வ்யாக்²யாம் ஸமாக்²யன்முதா³
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 7 ॥

ஶ்ரீமத்³வைஷ்ணவலோகஜாலககு³ரு: ஶ்ரீமத்பரிவ்ராட்³கு³ரு:
ஶாஸ்த்ரே தே³வகு³ரு: ஶ்ரிதாமரதரு: ப்ரத்யூஹகோ³த்ரஸ்வரு: ।
சேதோதீதஶிருஸ்ததா² ஜிதவருஸ்ஸத்ஸௌக்²யஸம்பத்கரு:
ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம் மங்கள³ம் ॥ 8 ॥

யஸ்ஸந்த்⁴யாஸ்வனிஶம் கு³ரோர்யதிபதே: ஸன்மங்க³லஸ்யாஷ்டகம்
ஸத்³ய: பாபஹரம் ஸ்வஸேவி விது³ஷாம் ப⁴க்த்யைததா³பா⁴ஷிதம் ।
ப⁴க்த்யா வக்தி ஸுஸம்பத³ம் ஶுப⁴பத³ம் தீ³ர்கா⁴யுராரோக்³யகம்
கீர்திம் புத்ரகலத்ரபா³ந்த⁴வஸுஹ்ருன்மூர்தி: ப்ரயாதி த்⁴ருவம் ॥

இதி ஶ்ரீமத³ப்பணாசார்யக்ருதம் ராக⁴வேந்த்³ரமங்கள³ாஷ்டகம் ஸம்பூர்ணம் ।