ఇన్దుకోటితేజ కరుణసిన్ధు భక్తవత్సలం
నన్దనాత్రిసూను దత్తమిన్దిరాక్ష శ్రీగురుమ్ ।
గన్ధమాల్య అక్షతాది బృన్దదేవవన్దితం
వన్దయామి నారసింహ సరస్వతీశ పాహి మామ్ ॥ 1 ॥

మోహపాశ అన్ధకార ఛాయ దూర భాస్కరం
ఆయతాక్ష పాహి శ్రియావల్లభేశ నాయకమ్ ।
సేవ్యభక్తబృన్దవరద భూయో భూయో నమామ్యహం
వన్దయామి నారసింహ సరస్వతీశ పాహి మామ్ ॥ 2 ॥

చిత్తజాదివర్గషట్కమత్తవారణాఙ్కుశం
తత్త్వసారశోభితాత్మ దత్త శ్రియావల్లభమ్ ।
ఉత్తమావతార భూతకర్తృ భక్తవత్సలం
వన్దయామి నారసింహ సరస్వతీశ పాహి మామ్ ॥ 3 ॥

వ్యోమ వాయు తేజ ఆప భూమి కర్తృమీశ్వరం
కామక్రోధమోహరహిత సోమసూర్యలోచనమ్ ।
కామితార్థదాతృ భక్తకామధేను శ్రీగురుం
వన్దయామి నారసింహ సరస్వతీశ పాహి మామ్ ॥ 4 ॥

పుణ్డరీక ఆయతాక్ష కుణ్డలేన్దుతేజసం
చణ్డదురితఖణ్డనార్థ దణ్డధారి శ్రీగురుమ్ ।
మణ్డలీకమౌళి మార్తాణ్డ భాసితాననం
వన్దయామి నారసింహ సరస్వతీశ పాహి మామ్ ॥ 5 ॥

వేదశాస్త్రస్తుత్యపాద ఆదిమూర్తి శ్రీగురుం
నాదబిన్దుకళాతీత కల్పపాదసేవ్యయమ్ ।
సేవ్యభక్తబృన్దవరద భూయో భూయో నమామ్యహం
వన్దయామి నారసింహ సరస్వతీశ పాహి మామ్ ॥ 6 ॥

అష్టయోగతత్త్వనిష్ఠ తుష్టజ్ఞానవారిధిం
కృష్ణవేణితీరవాస పఞ్చనదీసఙ్గమమ్ ।
కష్టదైన్యదూరి భక్తతుష్టకామ్యదాయకం
వన్దయామి నారసింహ సరస్వతీశ పాహి మామ్ ॥ 7 ॥

నారసింహసరస్వతీ నామ అష్టమౌక్తికం
హార కృత్య శారదేన గఙ్గాధర ఆత్మజమ్ ।
ధారణీక దేవదీక్ష గురుమూర్తి తోషితం
పరమాత్మానన్ద శ్రియా పుత్రపౌత్రదాయకమ్ ॥ 8 ॥
[పాఠభేదః – ప్రార్థయామి దత్తదేవ సద్గురుం సదావిభుమ్]

నారసింహసరస్వతీయ అష్టకం చ యః పఠేత్
ఘోర సంసార సిన్ధు తారణాఖ్య సాధనమ్ ।
సారజ్ఞాన దీర్ఘ ఆయురారోగ్యాది సమ్పదాం
చారువర్గకామ్యలాభ నిత్యమేవ యః పఠేత్ ॥ 9 ॥ [వారం వారం యజ్జపేత్]

ఇతి శ్రీగురుచరితామృతే శ్రీనృసింహసరస్వత్యుపాఖ్యానే సిద్ధనామధారక సంవాదే శ్రీనృసింహసరస్వతీ అష్టకమ్ ॥