අවනිතලං පුනරවතීර්ණා ස්යාත්
සංස්කෘතගංගාධාරා ।
ධීරභගීරථවංශෝऽස්මාකං
වයං තු කෘතනිර්ධාරාඃ ॥

නිපතතු පංඩිතහරශිරසි
ප්රවහතු නිත්යමිදං වචසි
ප්රවිශතු වෛයාකරණමුඛං
පුනරපි වහතාජ්ජනමනසි
පුත්රසහස්රං සමුද්ධෘතං ස්යාත්
යාංතු ච ජන්මවිකාරාඃ ॥ 1 ॥

ග්රාමං ග්රාමං ගච්ඡාම
සංස්කෘතශික්ෂාං යච්ඡාම
සර්වේෂාමපි තෘප්තිහිතාර්ථං
ස්වක්ලේශං න හි ගණයේම
කෘතේ ප්රයත්නේ කිං න ලභේත
ඒවං සංති විචාරාඃ ॥ 2 ॥

යා මාතා සංස්කෘතිමූලා
යස්යා ව්යාප්තිස්සුවිශාලා
වාඞ්මයරූපා සා භවතු
ලසතු චිරං සා වාඞ්මාලා
සුරවාණීං ජනවාණීං කර්තුං
යතාමහේ කෘතිශූරාඃ ॥ 3 ॥

රචන: ඩා. නාරායණභට්ටඃ