වංදේ භාරතමාතරං වද, භාරත ! වංදේ මාතරං
වංදේ මාතරං, වංදේ මාතරං, වංදේ මාතරම් ॥

ජන්මභූරියං වීරවරාණාං ත්යාගධනානාං ධීරාණාං
මාතෘභූමයේ ලෝකහිතාය ච නිත්යසමර්පිතචිත්තානාම් ।
ජිතකෝපානාං කෘතකෘත්යානාං විත්තං තෘණවද් දෘෂ්ටවතාං
මාතෘසේවනාදාත්මජීවනේ සාර්ථකතාමානීතවතාම් ॥ 1 ॥

ග්රාමේ ග්රාමේ කර්මදේශිකාස්තත්ත්වවේදිනෝ ධර්මරතාඃ ।
අර්ථසංචයස්ත්යාගහේතුකෝ ධර්මසම්මතඃ කාම ඉහ ।
නශ්වරබුද්ධිඃ ක්ෂණපරිවර්තිනි කායේ, ආත්මන්යාදරධීඃ
ජාතෝ යත්ර හි ස්වස්ය ජන්මනා ධන්යං මන්යත ආත්මානම් ॥ 2 ॥

මාතස්ත්වත්තෝ විත්තං චිත්තං ස්වත්වං ප්රතිභා දේහබලං
නාහං කර්තා, කාරයසි ත්වං, නිඃස්පෘහතා මම කර්මඵලේ ।
අර්පිතමේතජ්ජීවනපුෂ්පං මාතස්තව ශුභපාදපලේ
නාන්යෝ මංත්රෝ නාන්යචිංතනං නාන්යද්දේශහිතාද්ධි ॠතේ ॥ 3 ॥

රචන: ශ්රී ජනාර්දන හේග්ඩේ