ଅଵନିତଲଂ ପୁନରଵତୀର୍ଣା ସ୍ୟାତ୍
ସଂସ୍କୃତଗଂଗାଧାରା ।
ଧୀରଭଗୀରଥଵଂଶୋଽସ୍ମାକଂ
ଵୟଂ ତୁ କୃତନିର୍ଧାରାଃ ॥

ନିପତତୁ ପଂଡିତହରଶିରସି
ପ୍ରଵହତୁ ନିତ୍ୟମିଦଂ ଵଚସି
ପ୍ରଵିଶତୁ ଵୈୟାକରଣମୁଖଂ
ପୁନରପି ଵହତାଜ୍ଜନମନସି
ପୁତ୍ରସହସ୍ରଂ ସମୁଦ୍ଧୃତଂ ସ୍ୟାତ୍
ୟାଂତୁ ଚ ଜନ୍ମଵିକାରାଃ ॥ 1 ॥

ଗ୍ରାମଂ ଗ୍ରାମଂ ଗଚ୍ଛାମ
ସଂସ୍କୃତଶିକ୍ଷାଂ ୟଚ୍ଛାମ
ସର୍ଵେଷାମପି ତୃପ୍ତିହିତାର୍ଥଂ
ସ୍ଵକ୍ଲେଶଂ ନ ହି ଗଣୟେମ
କୃତେ ପ୍ରୟତ୍ନେ କିଂ ନ ଲଭେତ
ଏଵଂ ସଂତି ଵିଚାରାଃ ॥ 2 ॥

ୟା ମାତା ସଂସ୍କୃତିମୂଲା
ୟସ୍ୟା ଵ୍ୟାପ୍ତିସ୍ସୁଵିଶାଲା
ଵାଙ୍ମୟରୂପା ସା ଭଵତୁ
ଲସତୁ ଚିରଂ ସା ଵାଙ୍ମାଲା
ସୁରଵାଣୀଂ ଜନଵାଣୀଂ କର୍ତୁଂ
ୟତାମହେ କୃତିଶୂରାଃ ॥ 3 ॥

ରଚନ: ଡା. ନାରାୟଣଭଟ୍ଟଃ