Durga Kavacham - Telugu | Vaidika Vignanam

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

దుర్గా కవచం

ఈశ్వర ఉవాచ ।
శృణు దేవి ప్రవక్ష్యామి కవచం సర్వసిద్ధిదమ్ ।
పఠిత్వా పాఠయిత్వా చ నరో ముచ్యేత సంకటాత్ ॥ 1 ॥

అజ్ఞాత్వా కవచం దేవి దుర్గామంత్రం చ యో జపేత్ ।
న చాప్నోతి ఫలం తస్య పరం చ నరకం వ్రజేత్ ॥ 2 ॥

ఉమాదేవీ శిరః పాతు లలాటే శూలధారిణీ ।
చక్షుషీ ఖేచరీ పాతు కర్ణౌ చత్వరవాసినీ ॥ 3 ॥

సుగంధా నాసికం పాతు వదనం సర్వధారిణీ ।
జిహ్వాం చ చండికాదేవీ గ్రీవాం సౌభద్రికా తథా ॥ 4 ॥

అశోకవాసినీ చేతో ద్వౌ బాహూ వజ్రధారిణీ ।
హృదయం లలితాదేవీ ఉదరం సింహవాహినీ ॥ 5 ॥

కటిం భగవతీ దేవీ ద్వావూరూ వింధ్యవాసినీ ।
మహాబలా చ జంఘే ద్వే పాదౌ భూతలవాసినీ ॥ 6 ॥

ఏవం స్థితాఽసి దేవి త్వం త్రైలోక్యే రక్షణాత్మికా ।
రక్ష మాం సర్వగాత్రేషు దుర్గే దేవి నమోఽస్తు తే ॥ 7 ॥

ఇతి కుబ్జికాతంత్రోక్తం శ్రీ దుర్గా కవచమ్ ।

Browse Related Categories: