సరలభాషా సంస్కృతం సరసభాషా సంస్కృతమ్ ।
సరససరలమనోజ్ఞమంగలదేవభాషా సంస్కృతమ్ ॥ 1 ॥

మధురభాషా సంస్కృతం మృదులభాషా సంస్కృతమ్ ।
మృదులమధురమనోహరామృతతుల్యభాషా సంస్కృతమ్ ॥ 2 ॥

దేవభాషా సంస్కృతం వేదభాషా సంస్కృతమ్ ।
భేదభావవినాశకం ఖలు దివ్యభాషా సంస్కృతమ్ ॥ 3 ॥

అమృతభాషా సంస్కృతం అతులభాషా సంస్కృతమ్ ।
సుకృతిజనహృది పరిలసితశుభవరదభాషా సంస్కృతమ్ ॥ 4 ॥

భువనభాషా సంస్కృతం భవనభాషా సంస్కృతమ్ ।
భరతభువి పరిలసితకావ్యమనోజ్ఞభాషా సంస్కృతమ్ ॥ 5 ॥

శస్త్రభాషా సంస్కృతం శాస్త్రభాషా సంస్కృతమ్ ।
శస్త్రశాస్త్రభృదార్షభారతరాష్ట్రభాషా సంస్కృతమ్ ॥ 6 ॥

ధర్మభాషా సంస్కృతం కర్మభాషా సంస్కృతమ్ ।
ధర్మకర్మప్రచోదకం ఖలు విశ్వభాషా సంస్కృతమ్ ॥ 7 ॥