మనసా సతతం స్మరణీయం
వచసా సతతం వదనీయం
లోకహితం మమ కరణీయమ్ ॥ లోకహితమ్ ॥

న భోగభవనే రమణీయం
న చ సుఖశయనే శయనీయనం
అహర్నిశం జాగరణీయం
లోకహితం మమ కరణీయమ్ ॥ మనసా ॥

న జాతు దుఃఖం గణనీయం
న చ నిజసౌఖ్యం మననీయం
కార్యక్షేత్రే త్వరణీయం
లోకహితం మమ కరణీయమ్ ॥ మనసా ॥

దుఃఖసాగరే తరణీయం
కష్టపర్వతే చరణీయం
విపత్తివిపినే భ్రమణీయం
లోకహితం మమ కరణీయమ్ ॥ మనసా ॥

గహనారణ్యే ఘనాంధకారే
బంధుజనా యే స్థితా గహ్వరే
తత్రా మయా సంచరణీయం
లోకహితం మమ కరణీయమ్ ॥ మనసా ॥

రచన: సి. శ్రీధర భాస్కర వర్ణెకర