| | English | | Devanagari | | Telugu | | Tamil | | Kannada | | Malayalam | | Gujarati | | Odia | | Bengali | | |
| | Marathi | | Assamese | | Punjabi | | Hindi | | Samskritam | | Konkani | | Nepali | | Sinhala | | Grantha | | |
|
তৈত্তিরীয উপনিষদ্ - ভৃগুবল্লী (তৈ.আ.9.1.1) ওং স॒হ না॑ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ । তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ । ওং শান্তি॒-শ্শান্তি॒-শ্শান্তিঃ॑ ॥ ভৃগু॒র্বৈ বা॑রু॒ণিঃ । বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তস্মা॑ এ॒তত্প্রো॑বাচ । অন্ন॑-ম্প্রা॒ণ-ঞ্চক্ষু॒শ্শ্রোত্র॒-ম্মনো॒ বাচ॒মিতি॑ । তগ্ম্ হো॑বাচ । যতো॒ বা ই॒মানি॒ ভূতা॑নি॒ জায॑ন্তে । যেন॒ জাতা॑নি॒ জীব॑ন্তি । যত্প্রয॑ন্ত্য॒ভিসংবিঁ॑শন্তি । তদ্বিজি॑জ্ঞাসস্ব । তদ্ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ অন্ন॒-ম্ব্রহ্মেতি॒ ব্য॑জানাত্ । অ॒ন্নাদ্ধ্যে॑ব খল্বি॒মানি॒ ভুতা॑নি॒ জায॑ন্তে । অন্নে॑ন॒ জাতা॑নি॒ জীব॑ন্তি । অন্ন॒-ম্প্রয॑ন্ত্য॒ভিসংবিঁ॑শ॒ন্তীতি॑ । তদ্বি॒জ্ঞায॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ প্রা॒ণো ব্র॒হ্মেতি॒ ব্য॑জানাত্ । প্রা॒ণাদ্ধ্যে॑ব খল্বি॒মানি॒ ভূতা॑নি॒ জায॑ন্তে । প্রা॒ণেন॒ জাতা॑নি॒ জীব॑ন্তি । প্রা॒ণ-ম্প্রয॑ন্ত্য॒ভিসংবিঁ॑শ॒ন্তীতি॑ । তদ্বি॒জ্ঞায॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ মনো॒ ব্রহ্মেতি॒ ব্য॑জানাত্ । মন॑সো॒ হ্যে॑ব খল্বি॒মানি॒ ভূতা॑নি॒ জায॑ন্তে । মন॑সা॒ জাতা॑নি॒ জীব॑ন্তি । মনঃ॒ প্রয॑ন্ত্য॒ভিসংবিঁ॑শ॒ন্তীতি॑ । তদ্বি॒জ্ঞায॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ বি॒জ্ঞান॒-ম্ব্রহ্মেতি॒ ব্য॑জানাত্ । বি॒জ্ঞানা॒দ্ধ্যে॑ব খল্বি॒মানি॒ ভূতা॑নি॒ জায॑ন্তে । বি॒জ্ঞানে॑ন॒ জাতা॑নি॒ জীব॑ন্তি । বি॒জ্ঞান॒-ম্প্রয॑ন্ত্য॒ভিসংবিঁ॑শ॒ন্তীতি॑ । তদ্বি॒জ্ঞায॑ । পুন॑রে॒ব বরু॑ণ॒-ম্পিত॑র॒মুপ॑সসার । অধী॑হি ভগবো॒ ব্রহ্মেতি॑ । তগ্ম্ হো॑বাচ । তপ॑সা॒ ব্রহ্ম॒ বিজি॑জ্ঞাসস্ব । তপো॒ ব্রহ্মেতি॑ । স তপো॑-ঽতপ্যত । স তপ॑স্ত॒প্ত্বা ॥ 1 ॥ আ॒ন॒ন্দো ব্র॒হ্মেতি॒ ব্য॑জানাত্ । আ॒নন্দা॒দ্ধ্যে॑ব খল্বি॒মানি॒ ভূতা॑নি॒ জায॑ন্তে । আ॒ন॒ন্দেন॒ জাতা॑নি॒ জীব॑ন্তি । আ॒ন॒ন্দ-ম্প্রয॑ন্ত্য॒ভিসংবিঁ॑শ॒ন্তীতি॑ । সৈষা ভা᳚র্গ॒বী বা॑রু॒ণী বি॒দ্যা । প॒র॒মে ব্যো॑ম॒ন্প্রতি॑ষ্ঠিতা । স য এ॒বং-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্যা ॥ 1 ॥ অন্ন॒-ন্ন নি॑ন্দ্যাত্ । তদ্ব্র॒তম্ । প্রা॒ণো বা অন্নম্᳚ । শরী॑রমন্না॒দম্ । প্রা॒ণে শরী॑র॒-ম্প্রতি॑ষ্ঠিতম্ । শরী॑রে প্রা॒ণঃ প্রতি॑ষ্ঠিতঃ । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্যা ॥ 1 ॥ অন্ন॒-ন্ন পরি॑চক্ষীত । তদ্ব্র॒তম্ । আপো॒ বা অন্নম্᳚ । জ্যোতি॑রন্না॒দম্ । অ॒প্সু জ্যোতিঃ॒ প্রতি॑ষ্ঠিতম্ । জ্যোতি॒ষ্যাপঃ॒ প্রতি॑ষ্ঠিতাঃ । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । মহা॒ন্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্যা ॥ 1 ॥ অন্ন॑-ম্ব॒হু কু॑র্বীত । তদ্ব্র॒তম্ । পৃ॒থি॒বী বা অন্নম্᳚ । আ॒কা॒শো᳚-ঽন্না॒দঃ । পৃ॒থি॒ব্যামা॑কা॒শঃ প্রতি॑ষ্ঠিতঃ । আ॒কা॒শে পৃ॑থি॒বী প্রতি॑ষ্ঠিতা । তদে॒তদন্ন॒মন্নে॒ প্রতি॑ষ্ঠিতম্ । স য এ॒তদন্ন॒মন্নে॒ প্রতি॑ষ্ঠিতং॒-বেঁদ॒ প্রতি॑তিষ্ঠতি । অন্ন॑বানন্না॒দো ভ॑বতি । ম॒হান্ভ॑বতি প্র॒জযা॑ প॒শুভি॑র্ব্রহ্মবর্চ॒সেন॑ । ম॒হান্কী॒র্ত্যা ॥ 1 ॥ ন কঞ্চন বসতৌ প্রত্যা॑চক্ষী॒ত । তদ্ব্র॒তম্ । তস্মাদ্যযা কযা চ বিধযা বহ্ব॑ন্ন-ম্প্রা॒প্নুযাত্ । অরাধ্যস্মা অন্নমি॑ত্যাচ॒ক্ষতে । এতদ্বৈ মুখতো᳚-ঽন্নগ্ম্ রা॒দ্ধম্ । মুখতো-ঽস্মা অ॑ন্নগ্ম্ রা॒ধ্যতে । এতদ্বৈ মধ্যতো᳚-ঽন্নগ্ম্ রা॒দ্ধম্ । মধ্যতো-ঽস্মা অ॑ন্নগ্ম্ রা॒ধ্যতে । এতদ্বা অন্ততো᳚-ঽন্নগ্ম্ রা॒দ্ধম্ । অন্ততো-ঽস্মা অ॑ন্নগ্ম্ রা॒ধ্যতে ॥ 1 ॥ ওং স॒হ না॑ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ । তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ । ওং শান্তি॒-শ্শান্তি॒-শ্শান্তিঃ॑ ॥ ॥ হরিঃ॑ ওম্ ॥
|
