ভ॒দ্রং কর্ণে॑ভিঃ শৃণু॒যাম॑ দেবাঃ ।
ভ॒দ্রং প॑শ্যেমা॒ক্ষভি॒র্যজ॑ত্রাঃ ।
স্থি॒রৈরংগৈ᳚স্তুষ্টু॒বাগ্ম্স॑স্ত॒নূভিঃ॑ ।
ব্যশে॑ম দে॒বহি॑তং॒-যঁদাযুঃ॑ ॥
স্ব॒স্তি ন॒ ইংদ্রো॑ বৃ॒দ্ধশ্র॑বাঃ ।
স্ব॑স্তি নঃ॑ পূ॒ষা বি॒শ্ববে॑দাঃ ।
স্ব॒॒স্তিন॒স্তার্ক্ষ্যো॒ অরি॑ষ্টনেমিঃ ।
স্ব॒স্তি নো॒ বৃহ॒স্পতি॑র্দধাতু ॥
ওং শাংতিঃ॒ শাংতিঃ॒ শাংতিঃ॑ ॥
যো॑ঽপাং পুষ্পং॒-বেঁদ॑ ।
পুষ্প॑বান্ প্র॒জাবা᳚ন্ পশু॒মান্ ভ॑বতি ।
চং॒দ্রমা॒ বা অ॒পাং পুষ্পম্᳚ ।
পুষ্প॑বান্ প্র॒জাবা᳚ন্ পশু॒মান্ ভ॑বতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
অ॒গ্নির্বা অ॒পামা॒যত॑নম্ ।
আ॒যত॑নবান্ ভবতি ।
যো᳚ঽগ্নেরা॒যত॑নং॒-বেঁদ॑ ।
আ॒যত॑নবান্ ভবতি ।
আপো॒বা অ॒গ্নেরা॒যত॑নম্ ।
আ॒যত॑নবান্ ভবতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
বা॒যুর্বা অ॒পামা॒যত॑নম্ ।
আ॒যত॑নবান্ ভবতি ।
যো বা॒যোরা॒যত॑নং॒-বেঁদ॑ ।
আ॒যত॑নবান্ ভবতি ।
আপো॒ বৈ বা॒যোরা॒যত॑নম্ ।
আ॒যত॑নবান্ ভবতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
অ॒সৌ বৈ তপ॑ন্ন॒পামা॒যত॑নম্ ।
আ॒যত॑নবান্ ভবতি ।
যো॑ঽমুষ্য॒তপ॑ত আ॒যত॑নং॒-বেঁদ॑ ।
আ॒যত॑নবান্ ভবতি ।
আপো॒ বা অ॒মুষ্য॒তপ॑ত আ॒যত॑নম্ ।
আ॒যত॑নবান্ ভবতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
চং॒দ্রমা॒ বা অ॒পামা॒যত॑নম্ ।
আ॒যত॑নবান্ ভবতি ।
যশ্চং॒দ্রম॑স আ॒যত॑নং॒-বেঁদ॑ ।
আ॒যত॑নবান্ ভবতি ।
আপো॒ বৈ চং॒দ্রম॑স আ॒যত॑নম্ ।
আ॒যত॑নবান্ ভবতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
নক্ষত্র॑ত্রাণি॒ বা অ॒পামা॒যত॑নম্ ।
আ॒যত॑নবান্ ভবতি ।
যো নক্ষত্র॑ত্রাণামা॒যত॑নং॒-বেঁদ॑ ।
আ॒যত॑নবান্ ভবতি ।
আপো॒ বৈ নক্ষ॑ত্রাণামা॒যত॑নম্ ।
আ॒যত॑নবান্ ভবতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
প॒র্জন্যো॒ বা অ॒পামা॒যত॑নম্ ।
আ॒যত॑নবান্ ভবতি ।
যঃ প॒র্জন্য॑স্যা॒যত॑নং॒-বেঁদ॑ ।
আ॒যত॑নবান্ ভবতি ।
আপো॒ বৈ প॒র্জন্য॑স্যা॒যত॑নম্ ।
আ॒যত॑নবান্ ভবতি ।
য এ॒বং-বেঁদ॑ ।
যো॑ঽপামা॒যত॑নং॒-বেঁদ॑ ।
আ॒যত॑নবান্ ভবতি ॥
সং॒বঁ॒ত্স॒রো বা অ॒পামা॒যত॑ন॒ম্ ।
আ॒যত॑নবান্ ভবতি ।
যঃ সং॑বঁত্স॒রস্যা॒যত॑নং॒-বেঁদ॑ ।
আ॒যত॑নবান্ ভবতি ।
আপো॒ বৈ সং॑বঁত্স॒রস্যা॒যত॑নম্ ।
আ॒যত॑নবান্ ভবতি ।
য এবং-বেঁদ॑ ।
যো᳚ঽফ্সু নাবং॒ প্রতি॑ষ্ঠিতাং॒-বেঁদ॑ ।
প্রত্যে॒ব তি॑ষ্ঠতি ॥
ওং রা॒জা॒ধি॒রা॒জায॑ প্রসহ্য সা॒হিনে᳚ ।
নমো॑ ব॒যং-বৈঁ᳚শ্রব॒ণায॑ কুর্মহে ।
স মে॒ কামা॒ন্ কাম॒ কামা॑য॒ মহ্যম্᳚ ।
কা॒মে॒শ্ব॒রো বৈ᳚শ্রব॒ণো দ॑দাতু ।
কু॒বে॒রায॑ বৈশ্রব॒ণায॑ ।
ম॒হা॒রাজায॒ নমঃ॑ ॥
ওং᳚ তদ্ব্র॒হ্ম ।
ওং᳚ তদ্বা॒যুঃ ।
ওং᳚ তদা॒ত্মা ।
ওং᳚ তথ্স॒ত্যম্ ।
ওং᳚ তত্সর্বম্᳚ ।
ওং᳚ তত্পুরো॒র্নমঃ ॥
অংতশ্চরতি॑ ভূতে॒ষু গুহাযাং-বিঁ॑শ্বমূ॒র্তিষু ।
ত্বং-যঁজ্ঞস্ত্বং-বঁষট্কারস্ত্ব-মিংদ্রস্ত্বগ্ম্
রুদ্রস্ত্বং-বিঁষ্ণুস্ত্বং ব্রহ্মত্বং॑ প্রজা॒পতিঃ ।
ত্বং ত॑দাপ॒ আপো॒ জ্যোতী॒রসো॒ঽমৃতং ব্রহ্ম॒ ভূর্ভুব॒স্সুব॒রোম্ ।
ঈশানস্সর্ব॑ বিদ্যা॒নামীশ্বরস্সর্ব॑ভূতা॒নাং
ব্রহ্মাধি॑পতি॒-র্ব্রহ্ম॒ণোঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ।
তদ্বিষ্ণোঃ᳚ পর॒মং প॒দগ্ম্ সদা॑ পশ্যংতি সূ॒রযঃ॑ ।
দি॒বীব॒ চক্ষু॒রাত॑তম্ ।
তদ্বিপ্রা॑সো বিপ॒ন্যবো॑ জাগৃ॒বাগ্ম্ সস্সমিং॑ধতে ।
বিষ্নো॒র্যত্প॑র॒মং প॒দম্ ।
ঋতগ্ম্ স॒ত্যং প॑রং ব্র॒হ্ম॒ পু॒রুষং॑ কৃষ্ণ॒পিংগ॑লম্ ।
ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায॒ বৈ নমো॒ নমঃ॑ ॥
ওং না॒রা॒য॒ণায॑ বি॒দ্মহে॑ বাসুদে॒বায॑ ধীমহি ।
তন্নো॑ বিষ্ণুঃ প্রচো॒দযা᳚ত্ ॥
ওং শাংতিঃ॒ শাংতিঃ॒ শাংতিঃ॑ ।
