পাংড্যভূপতীংদ্রপূর্বপুণ্যমোহনাকৃতে
পংডিতার্চিতাংঘ্রিপুংডরীক পাবনাকৃতে ।
পূর্ণচংদ্রতুংডবেত্রদংডবীর্যবারিধে
পূর্ণপুষ্কলাসমেত ভূতনাথ পাহি মাম্ ॥ 1 ॥

আদিশংকরাচ্য়ুতপ্রিয়াত্মসংভব প্রভো
আদিভূতনাথ সাধুভক্তচিংতিতপ্রদ ।
ভূতিভূষ বেদঘোষপারিতোষ শাশ্বত
পূর্ণপুষ্কলাসমেত ভূতনাথ পাহি মাম্ ॥ 2 ॥

পংচবাণকোটিকোমলাকৃতে কৃপানিধে
পংচগব্যপাযসান্নপানকাদিমোদক ।
পংচভূতসংচয় প্রপংচভূতপালক
পূর্ণপুষ্কলাসমেত ভূতনাথ পাহি মাম্ ॥ 3 ॥

চংদ্রসূর্যবীতিহোত্রনেত্র নেত্রমোহন
সাংদ্রসুংদরস্মিতার্দ্র কেসরীংদ্রবাহন ।
ইংদ্রবংদনীযপাদ সাধুবৃংদজীবন
পূর্ণপুষ্কলাসমেত ভূতনাথ পাহি মাম্ ॥ 4 ॥

বীরবাহুবর্ণনীযবীর্যশৌর্যবারিধে
বারিজাসনাদিদেববংদ্য় সুংদরাকৃতে ।
বারণেংদ্রবাজিসিংহবাহ ভক্তশেবধে
পূর্ণপুষ্কলাসমেত ভূতনাথ পাহি মাম্ ॥ 5 ॥

অত্য়ুদারভক্তচিত্তরংগনর্তনপ্রভো
নিত্যশুদ্ধনির্মলাদ্বিতীয় ধর্মপালক ।
সত্যরূপ মুক্তিরূপ সর্বদেবতাত্মক
পূর্ণপুষ্কলাসমেত ভূতনাথ পাহি মাম্ ॥ 6 ॥

সামগানলোল শাংতশীল ধর্মপালক
সোমসুংদরাস্য় সাধুপূজনীযপাদুক ।
সামদানভেদদংডশাস্ত্রনীতিবোধক
পূর্ণপুষ্কলসমেত ভূতনাথ পাহি মাম্ ॥ 7 ॥

সুপ্রসন্নদেবদেব সদ্গতিপ্রদাযক
চিত্প্রকাশ ধর্মপাল সর্বভূতনাযক ।
সুপ্রসিদ্ধ পংচশৈলসন্নিকেতনর্তক
পূর্ণপুষ্কলাসমেত ভূতনাথ পাহি মাম্ ॥ 8 ॥

শূলচাপবাণখড্গবজ্রশক্তিশোভিত
বালসূর্যকোটিভাসুরাংগ ভূতসেবিত ।
কালচক্র সংপ্রবৃত্তি কল্পনা সমন্বিত
পূর্ণপুষ্কলাসমেত ভূতনাথ পাহি মাম্ ॥ 9 ॥

অদ্ভুতাত্মবোধসত্সনাতনোপদেশক
বুদ্বুদোপমপ্রপংচবিভ্রমপ্রকাশক ।
সপ্রথপ্রগল্ভচিত্প্রকাশ দিব্যদেশিক
পূর্ণপুষ্কলাসমেত ভূতনাথ পাহি মাম্ ॥ 10 ॥

ইতি শ্রী ভূতনাথ দশকম্ ।