පාංඩ්යභූපතීංද්රපූර්වපුණ්යමෝහනාකෘතේ
පංඩිතාර්චිතාංඝ්රිපුංඩරීක පාවනාකෘතේ ।
පූර්ණචංද්රතුංඩවේත්රදංඩවීර්යවාරිධේ
පූර්ණපුෂ්කලාසමේත භූතනාථ පාහි මාම් ॥ 1 ॥

ආදිශංකරාච්යුතප්රියාත්මසංභව ප්රභෝ
ආදිභූතනාථ සාධුභක්තචිංතිතප්රද ।
භූතිභූෂ වේදඝෝෂපාරිතෝෂ ශාශ්වත
පූර්ණපුෂ්කලාසමේත භූතනාථ පාහි මාම් ॥ 2 ॥

පංචබාණකෝටිකෝමලාකෘතේ කෘපානිධේ
පංචගව්යපායසාන්නපානකාදිමෝදක ।
පංචභූතසංචය ප්රපංචභූතපාලක
පූර්ණපුෂ්කලාසමේත භූතනාථ පාහි මාම් ॥ 3 ॥

චංද්රසූර්යවීතිහෝත්රනේත්ර නේත්රමෝහන
සාංද්රසුංදරස්මිතාර්ද්ර කේසරීංද්රවාහන ।
ඉංද්රවංදනීයපාද සාධුවෘංදජීවන
පූර්ණපුෂ්කලාසමේත භූතනාථ පාහි මාම් ॥ 4 ॥

වීරබාහුවර්ණනීයවීර්යශෞර්යවාරිධේ
වාරිජාසනාදිදේවවංද්ය සුංදරාකෘතේ ।
වාරණේංද්රවාජිසිංහවාහ භක්තශේවධේ
පූර්ණපුෂ්කලාසමේත භූතනාථ පාහි මාම් ॥ 5 ॥

අත්යුදාරභක්තචිත්තරංගනර්තනප්රභෝ
නිත්යශුද්ධනිර්මලාද්විතීය ධර්මපාලක ।
සත්යරූප මුක්තිරූප සර්වදේවතාත්මක
පූර්ණපුෂ්කලාසමේත භූතනාථ පාහි මාම් ॥ 6 ॥

සාමගානලෝල ශාංතශීල ධර්මපාලක
සෝමසුංදරාස්ය සාධුපූජනීයපාදුක ।
සාමදානභේදදංඩශාස්ත්රනීතිබෝධක
පූර්ණපුෂ්කලසමේත භූතනාථ පාහි මාම් ॥ 7 ॥

සුප්රසන්නදේවදේව සද්ගතිප්රදායක
චිත්ප්රකාශ ධර්මපාල සර්වභූතනායක ।
සුප්රසිද්ධ පංචශෛලසන්නිකේතනර්තක
පූර්ණපුෂ්කලාසමේත භූතනාථ පාහි මාම් ॥ 8 ॥

ශූලචාපබාණඛඩ්ගවජ්රශක්තිශෝභිත
බාලසූර්යකෝටිභාසුරාංග භූතසේවිත ।
කාලචක්ර සංප්රවෘත්ති කල්පනා සමන්විත
පූර්ණපුෂ්කලාසමේත භූතනාථ පාහි මාම් ॥ 9 ॥

අද්භුතාත්මබෝධසත්සනාතනෝපදේශක
බුද්බුදෝපමප්රපංචවිභ්රමප්රකාශක ।
සප්රථප්රගල්භචිත්ප්රකාශ දිව්යදේශික
පූර්ණපුෂ්කලාසමේත භූතනාථ පාහි මාම් ॥ 10 ॥

ඉති ශ්රී භූතනාථ දශකම් ।