জগত্প্রতিষ্ঠাহেতুর্য়ঃ ধর্মঃ শ্রুত্য়ংতকীর্তিতঃ ।
তস্য়াপি শাস্তা যো দেবস্তং সদা সমুপাশ্রয়ে ॥ 1 ॥

শ্রীশংকরাচার্য়ৈঃ শিবাবতারৈঃ
ধর্মপ্রচারায় সমস্তকালে ।
সুস্থাপিতং শৃংগমহীধ্রবর্য়ে
পীঠং যতীংদ্রাঃ পরিভূষয়ংতি ॥ 2 ॥

তেষ্বেব কর্মংদিবরেষু বিদ্য়া-
-তপোধনেষু প্রথিতানুভাবঃ ।
বিদ্য়াসুতীর্থোঽভিনবোঽদ্য় যোগী
শাস্তারমালোকয়িতুং প্রতস্থে ॥ 3 ॥

ধর্মস্য় গোপ্তা যতিপুংগবোঽয়ং
ধর্মস্য় শাস্তারমবৈক্ষতেতি ।
যুক্তং তদেতদ্য়ুভয়োস্তয়োর্হি
সম্মেলনং লোকহিতায় নূনম্ ॥ 4 ॥

কালেঽস্মিন্ কলিমলদূষিতেঽপি ধর্মঃ
শ্রৌতোঽয়ং ন খলু বিলোপমাপ তত্র ।
হেতুঃ খল্বযমিহ নূনমেব নান্য়ঃ
শাস্তাঽস্তে সকলজনৈকবংদ্যপাদঃ ॥ 5 ॥

জ্ঞানং ষডাস্যবরতাতকৃপৈকলভ্য়ং
মোক্ষস্তু তার্ক্ষ্যবরবাহদয়ৈকলভ্য়ঃ ।
জ্ঞানং চ মোক্ষ উভয়ং তু বিনা শ্রমেণ
প্রাপ্য়ং জনৈঃ হরিহরাত্মজসত্প্রসাদাত্ ॥ 6 ॥

যমনিযমাদিসমেতৈঃ যতচিত্তৈর্য়োগিভিঃ সদা ধ্য়েযম্ ।
শাস্তারং হৃদি কলয়ে ধাতারং সর্বলোকস্য় ॥ 7 ॥

শবরগিরিনিবাসঃ সর্বলোকৈকপূজ্য়ঃ
নতজনসুখকারী নম্রহৃত্তাপহারী ।
ত্রিদশদিতিজসেব্য়ঃ স্বর্গমোক্ষপ্রদাতা
হরিহরসুতদেবঃ সংততং শং তনোতু ॥ 8 ॥

ইতি শৃংগেরি জগদ্গুরু শ্রী শ্রী ভারতীতীর্থ মহাস্বামিভিঃ বিরচিতং ধর্মশাস্তা স্তোত্রম্ ।