॥ মূলমংত্রম্ ॥
॥ ওং হ্রীং শ্রীং ক্লীং গ্লৌং গং গণপতয়ে বরবরদ
সর্বজনং মে বশমানয় স্বাহা ॥
॥ অথ স্তোত্রম্॥
ওং ইত্য়েতদজস্য় কংঠবিবরং ভিত্বা বহির্নির্গতং
হ্য়োমিত্য়েব সমস্তকর্ম ঋষিভিঃ প্রারভ্যতে মানুষৈঃ ।
ওমিত্য়েব সদা জপংতি যতয়ঃ স্বাতমৈকনিষ্ঠাঃ পরং
হ্য়োংকারাকৃতিবক্ত্রমিংদুনিটিলং বিঘ্নেশ্বরং ভবায়ে ॥ 1॥
শ্রীংবীজং শ্রমদুঃখজন্মমরণব্য়াধ্য়াধিভীনাশকং
মৃত্য়ুক্রোধনশাংতিবিংদুবিলসদ্বর্ণাকৃতিশ্রীপ্রদম্ ।
স্বাংতঃস্বাত্মশরস্য় লক্ষ্যমজরস্বাত্মাববোধপ্রদং
শ্রীশ্রীনাযকসেবিতে ভবদনপ্রেমাস্পদং ভাবয়ে ॥ 2॥
হ্রীংবীজং হৃদযত্রিকোণবিলসন্মধ্য়াসনস্থং সদা
চাকাশানলবামলোচননিশানাথার্ধবর্ণাত্মকম্ ।
মায়াকার্যজগত্প্রকাশকমুমারূপং স্বশক্তিপ্রদং
মায়াতীতপদপ্রদং হৃদি ভজে লোকেশ্বরারাধিতম্ ॥ 3॥
ক্লীংবীজং কলিধাতুবত্কলযতাং সর্বেষ্টদং দেহিনাং
ধাতৃক্ষ্মায়ুতশাংতিবিংদুবিলসদ্বর্ণাত্মকং কামদম্ ।
শ্রীকৃষ্ণপ্রিযমিংদিরাসুতমনঃপ্রীত্য়েকহেতুং পরং
হৃত্পদ্মে কলয়ে সদা কলিহরং কালারিপুত্রপ্রিযম্ ॥ 4॥
গ্লৌংবীজং গুণরূপনির্গুণপরব্রহ্মাদিশক্তের্মহা-
হংকারাকৃতিদংডিনীপ্রিযমজশ্রীনাথরুদ্রেষ্টদম্ ।
সর্বাকর্ষিণিদেবরাজভুবনার্ণেংদ্বাত্মকং শ্রীকরং
চিত্তে বিঘ্ননিবারণায় গিরিজজাতপ্রিয়ং ভাবয়ে ॥ 5॥
গংগাসুতং গংধমুখোপচারপ্রিয়ং খগারোহণভাগিনেযম্ ।
গংগাসুতাদ্য়ং বরগংধতত্ত্বমূলাংবুজস্থং হৃদি ভাবয়েঽহম্ ॥ 6॥
গণপতয়ে বরগুণনিধয়ে সুরগণপতয়ে নতজনততয়ে ।
মণিগণভূষিতচরণয়ুগাশ্রিতমলহরণে চণ তে নমঃ ॥ 7॥
বরাভয়ে মোদকমেকদংতং করাংবুজাতৈঃ সততং ধরংতম্ ।
বরাংগচংদ্রং পরভক্তিসাংদ্রৈর্জনৈর্ভজংতং কলয়ে সদাঽংতঃ ॥ 8॥
বরদ নতজনানাং সংততং বক্রতুংড
স্বরমযনিজগাত্র স্বাত্মবোধৈকহেতো ।
করলসদমৃতাংভোপূর্ণপত্রাদ্য় মহ্য়ং
গরগলসুত শীঘ্রং দেহি মদ্বোধমীড্যম্ ॥ 9॥
সর্বজনং পরিপালয় শর্বজ
পর্বসুধাকরগর্বহর ।
পর্বতনাথসুতাসুত পালয়
খর্বং মা কুরু দীনমিমম্ ॥ 10 ॥
মেদোঽস্থিমাংসরুধিরাংত্রময়ে শরীরে
মেদিন্যবগ্নিমরুদংবরলাস্যমানে ।
মে দারুণং মদমুখাঘমুমাজ হৃত্বা
মেধাহ্বয়াসনবরে বস দংতিবক্ত্র ॥ 11॥
বশং কুরু ত্বং শিবজাত মাং তে বশীকৃতাশেষসমস্তলোক ।
বসার্ণসংশোভিতমূলপদ্মলসচ্ছ্রিয়াঽলিঙ্তবারণাস্য় ॥ 12॥
আনয়াশুপদবারিজাংতিকং মাং নয়াদিগুণবর্জিতং তব ।
হানিহীনপদজামৃতস্য় তে পানয়োগ্যমিভবক্ত্র মাং কুরু ॥ 13॥
স্বাহাস্বরূপেণ বিরাজসে ত্বং সুধাশনানাং প্রিযকর্মণীড্যম্ ।
স্বধাস্বরূপেণ তু পিত্র্যকর্মণ্য়ুমাসুতেজ্য়ামযবিশ্বমূর্তে ॥ 14॥
অষ্টাবিংশতিবর্ণপত্রলসিতং হারং গণেশপ্রিয়ং
কষ্টাঽনিষ্টহরং চতুর্দশপদৈঃ পুষ্পৈর্মনোহারকম্ ।
তুষ্ট্য়াদিপ্রদসদ্গুরুত্তমপদাংভোজে চিদানংদদং
শিষ্টেষ্টোঽহমনংতসূত্রহৃদয়াঽঽবদ্ধং সুভক্ত্য়াঽর্পয়ে ॥ 15॥
॥ ইতি শ্রীঅনংতানংদকৃতং শ্রীগুরুচিদানংদনাথসমর্পিতং
শ্রীমহাগণপতিমূলমংত্রমালাস্তোত্রম্ ॥
