আ তূ ন॑ ইংদ্র ক্ষু॒মংতং᳚ চি॒ত্রং গ্রা॒ভং সং গৃ॑ভায় ।
ম॒হা॒হ॒স্তী দক্ষি॑ণেন ॥ 1 ॥
বি॒দ্মা হি ত্বা᳚ তুবিকূ॒র্মিংতু॒বিদে᳚ষ্ণং তু॒বীম॑ঘম্ ।
তু॒বি॒মা॒ত্রমবো᳚ভিঃ ॥ 2 ॥
ন॒ হি ত্বা᳚ শূর দে॒বা ন মর্তা᳚সো॒ দিত্সং᳚তম্ ।
ভী॒মং ন গাং-বাঁ॒রয়ং᳚তে ॥ 3 ॥
এতো॒ন্বিংদ্রং॒ স্তবা॒মেশা᳚নং॒-বঁস্বঃ॑ স্ব॒রাজম্᳚ ।
ন রাধ॑সা মর্ধিষন্নঃ ॥ 4 ॥
প্র স্তো᳚ষ॒দুপ॑ গাসিষ॒চ্ছ্রব॒ত্সাম॑ গী॒যমা᳚নম্ ।
অ॒ভিরাধ॑সাজুগুরত্ ॥ 5 ॥
আ নো᳚ ভর॒ দক্ষি॑ণেনা॒ভি স॒ব্য়েন॒ প্র মৃ॑শ ।
ইংদ্র॒ মানো॒ বসো॒র্নির্ভা᳚ক্ ॥ 6 ॥
উপ॑ক্রম॒স্বা ভ॑র ধৃষ॒তা ধৃ॑ষ্ণো॒ জনা᳚নাম্ ।
অদা᳚শূষ্টরস্য়॒ বেদঃ॑ ॥ 7 ॥
ইংদ্র॒ য উ॒ নু তে॒ অস্তি॒ বাজো॒ বিপ্রে᳚ভিঃ॒ সনি॑ত্বঃ ।
অ॒স্মাভিঃ॒ সুতং স॑নুহি ॥ 8 ॥
স॒দ্য়ো॒জুব॑স্তে॒ বাজা᳚ অ॒স্মভ্য়ং᳚-বিঁ॒শ্বশ্চং᳚দ্রাঃ ।
বশৈ᳚শ্চ ম॒ক্ষূ জ॑রংতে ॥ 9 ॥
গ॒ণানাং᳚ ত্বা গ॒ণপ॑তিং হবামহে
ক॒বিং ক॑বী॒নামু॑প॒মশ্র॑বস্তমম্ ।
জ্য়ে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒
আ নঃ॑ শৃ॒ণ্বন্নূ॒তিভি॑স্সীদ॒ সাদ॑নম্ ॥ 10 ॥
নি ষু সী᳚দ গণপতে গ॒ণেষু॒ ত্বামা᳚হু॒র্বিপ্র॑তমং কবী॒নাম্ ।
ন ঋ॒তে ত্বত্ক্রি॑যতে॒ কিং চ॒নারে ম॒হাম॒র্কং ম॑ঘবংচি॒ত্রম॑র্চ ॥ 11 ॥
অ॒ভি॒খ্য়ানো᳚ মঘব॒ন্নাধ॑মানাং॒ত্সখে᳚ বো॒ধি ব॑সুপতে॒ সখী᳚নাম্ ।
রণং᳚ কৃধি রণকৃত্সত্যশু॒ষ্মাভ॑ক্তে চি॒দা ভ॑জা রা॒য়ে অ॒স্মান্ ॥ 12 ॥
