𑌜𑌟𑌾𑌧𑌰𑌂 𑌪𑌾𑌂𑌡𑍁𑌰𑌾𑌂𑌗𑌂 𑌶𑍂𑌲𑌹𑌸𑍍𑌤𑌂 𑌕𑍃𑌪𑌾𑌨𑌿𑌧𑌿𑌮𑍍 ।
𑌸𑌰𑍍𑌵𑌰𑍋𑌗𑌹𑌰𑌂 𑌦𑍇𑌵𑌂 𑌦𑌤𑍍𑌤𑌾𑌤𑍍𑌰𑍇𑌯𑌮𑌹𑌂 𑌭𑌜𑍇 ॥ 1 ॥

𑌅𑌸𑍍𑌯 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌸𑍍𑌤𑍋𑌤𑍍𑌰𑌮𑌂𑌤𑍍𑌰𑌸𑍍𑌯 𑌭𑌗𑌵𑌾𑌨𑍍𑌨𑌾𑌰𑌦𑍃𑌷𑌿𑌃 । 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 । 𑌶𑍍𑌰𑍀𑌦𑌤𑍍𑌤𑌃 𑌪𑌰𑌮𑌾𑌤𑍍𑌮𑌾 𑌦𑍇𑌵𑌤𑌾 । 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯 𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌨𑌾𑌰𑌦 𑌉𑌵𑌾𑌚 ।
𑌜𑌗𑌦𑍁𑌤𑍍𑌪𑌤𑍍𑌤𑌿𑌕𑌰𑍍𑌤𑍍𑌰𑍇 𑌚 𑌸𑍍𑌥𑌿𑌤𑌿𑌸𑌂𑌹𑌾𑌰𑌹𑍇𑌤𑌵𑍇 ।
𑌭𑌵𑌪𑌾𑌶𑌵𑌿𑌮𑍁𑌕𑍍𑌤𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 1 ॥

𑌜𑌰𑌾𑌜𑌨𑍍𑌮𑌵𑌿𑌨𑌾𑌶𑌾𑌯 𑌦𑍇𑌹𑌶𑍁𑌦𑍍𑌧𑌿𑌕𑌰𑌾𑌯 𑌚 ।
𑌦𑌿𑌗𑌂𑌬𑌰 𑌦𑌯𑌾𑌮𑍂𑌰𑍍𑌤𑍇 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 2 ॥

𑌕𑌰𑍍𑌪𑍂𑌰𑌕𑌾𑌂𑌤𑌿𑌦𑍇𑌹𑌾𑌯 𑌬𑍍𑌰𑌹𑍍𑌮𑌮𑍂𑌰𑍍𑌤𑌿𑌧𑌰𑌾𑌯 𑌚 ।
𑌵𑍇𑌦𑌶𑌾𑌸𑍍𑌤𑍍𑌰𑌪𑌰𑌿𑌜𑍍𑌞𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 3 ॥

𑌹𑍍𑌰𑌸𑍍𑌵𑌦𑍀𑌰𑍍𑌘𑌕𑍃𑌶𑌸𑍍𑌥𑍂𑌲𑌨𑌾𑌮𑌗𑍋𑌤𑍍𑌰𑌵𑌿𑌵𑌰𑍍𑌜𑌿𑌤 ।
𑌪𑌂𑌚𑌭𑍂𑌤𑍈𑌕𑌦𑍀𑌪𑍍𑌤𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥

𑌯𑌜𑍍𑌞𑌭𑍋𑌕𑍍𑌤𑍇 𑌚 𑌯𑌜𑍍𑌞𑌾𑌯 𑌯𑌜𑍍𑌞𑌰𑍂𑌪𑌧𑌰𑌾𑌯 𑌚 ।
𑌯𑌜𑍍𑌞𑌪𑍍𑌰𑌿𑌯𑌾𑌯 𑌸𑌿𑌦𑍍𑌧𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 5 ॥

𑌆𑌦𑍌 𑌬𑍍𑌰𑌹𑍍𑌮𑌾 𑌹𑌰𑌿𑌰𑍍𑌮𑌧𑍍𑌯𑍇 𑌹𑍍𑌯𑌂𑌤𑍇 𑌦𑍇𑌵𑌸𑍍𑌸𑌦𑌾𑌶𑌿𑌵𑌃 ।
𑌮𑍂𑌰𑍍𑌤𑌿𑌤𑍍𑌰𑌯𑌸𑍍𑌵𑌰𑍂𑌪𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥

𑌭𑍋𑌗𑌾𑌲𑌯𑌾𑌯 𑌭𑍋𑌗𑌾𑌯 𑌯𑍋𑌗𑌯𑍋𑌗𑍍𑌯𑌾𑌯 𑌧𑌾𑌰𑌿𑌣𑍇 ।
𑌜𑌿𑌤𑍇𑌂𑌦𑍍𑌰𑌿𑌯 𑌜𑌿𑌤𑌜𑍍𑌞𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 𑍭 ॥

𑌦𑌿𑌗𑌂𑌬𑌰𑌾𑌯 𑌦𑌿𑌵𑍍𑌯𑌾𑌯 𑌦𑌿𑌵𑍍𑌯𑌰𑍂𑌪𑌧𑌰𑌾𑌯 𑌚 ।
𑌸𑌦𑍋𑌦𑌿𑌤𑌪𑌰𑌬𑍍𑌰𑌹𑍍𑌮 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 𑍮 ॥

𑌜𑌂𑌬𑍂𑌦𑍍𑌵𑍀𑌪𑍇 𑌮𑌹𑌾𑌕𑍍𑌷𑍇𑌤𑍍𑌰𑍇 𑌮𑌾𑌤𑌾𑌪𑍁𑌰𑌨𑌿𑌵𑌾𑌸𑌿𑌨𑍇 ।
𑌜𑌯𑌮𑌾𑌨 𑌸𑌤𑌾𑌂 𑌦𑍇𑌵 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 𑍯 ॥

𑌭𑌿𑌕𑍍𑌷𑌾𑌟𑌨𑌂 𑌗𑍃𑌹𑍇 𑌗𑍍𑌰𑌾𑌮𑍇 𑌪𑌾𑌤𑍍𑌰𑌂 𑌹𑍇𑌮𑌮𑌯𑌂 𑌕𑌰𑍇 ।
𑌨𑌾𑌨𑌾𑌸𑍍𑌵𑌾𑌦𑌮𑌯𑍀 𑌭𑌿𑌕𑍍𑌷𑌾 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 10 ॥

𑌬𑍍𑌰𑌹𑍍𑌮𑌜𑍍𑌞𑌾𑌨𑌮𑌯𑍀 𑌮𑍁𑌦𑍍𑌰𑌾 𑌵𑌸𑍍𑌤𑍍𑌰𑍇 𑌚𑌾𑌕𑌾𑌶𑌭𑍂𑌤𑌲𑍇 ।
𑌪𑍍𑌰𑌜𑍍𑌞𑌾𑌨𑌘𑌨𑌬𑍋𑌧𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 11 ॥

𑌅𑌵𑌧𑍂𑌤 𑌸𑌦𑌾𑌨𑌂𑌦 𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌿𑌣𑍇 ।
𑌵𑌿𑌦𑍇𑌹𑌦𑍇𑌹𑌰𑍂𑌪𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 12 ॥

𑌸𑌤𑍍𑌯𑌰𑍂𑌪 𑌸𑌦𑌾𑌚𑌾𑌰 𑌸𑌤𑍍𑌯𑌧𑌰𑍍𑌮𑌪𑌰𑌾𑌯𑌣 ।
𑌸𑌤𑍍𑌯𑌾𑌶𑍍𑌰𑌯𑌪𑌰𑍋𑌕𑍍𑌷𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 13 ॥

𑌶𑍂𑌲𑌹𑌸𑍍𑌤𑌗𑌦𑌾𑌪𑌾𑌣𑍇 𑌵𑌨𑌮𑌾𑌲𑌾𑌸𑍁𑌕𑌂𑌧𑌰 ।
𑌯𑌜𑍍𑌞𑌸𑍂𑌤𑍍𑌰𑌧𑌰 𑌬𑍍𑌰𑌹𑍍𑌮𑌨𑍍 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 14 ॥

𑌕𑍍𑌷𑌰𑌾𑌕𑍍𑌷𑌰𑌸𑍍𑌵𑌰𑍂𑌪𑌾𑌯 𑌪𑌰𑌾𑌤𑍍𑌪𑌰𑌤𑌰𑌾𑌯 𑌚 ।
𑌦𑌤𑍍𑌤𑌮𑍁𑌕𑍍𑌤𑌿𑌪𑌰𑌸𑍍𑌤𑍋𑌤𑍍𑌰 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 15 ॥

𑌦𑌤𑍍𑌤 𑌵𑌿𑌦𑍍𑌯𑌾𑌢𑍍𑌯 𑌲𑌕𑍍𑌷𑍍𑌮𑍀𑌶 𑌦𑌤𑍍𑌤 𑌸𑍍𑌵𑌾𑌤𑍍𑌮𑌸𑍍𑌵𑌰𑍂𑌪𑌿𑌣𑍇 ।
𑌗𑍁𑌣𑌨𑌿𑌰𑍍𑌗𑍁𑌣𑌰𑍂𑌪𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 16 ॥

𑌶𑌤𑍍𑌰𑍁𑌨𑌾𑌶𑌕𑌰𑌂 𑌸𑍍𑌤𑍋𑌤𑍍𑌰𑌂 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌦𑌾𑌯𑌕𑌮𑍍 ।
𑌸𑌰𑍍𑌵𑌪𑌾𑌪𑌂 𑌶𑌮𑌂 𑌯𑌾𑌤𑌿 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 1𑍭 ॥

𑌇𑌦𑌂 𑌸𑍍𑌤𑍋𑌤𑍍𑌰𑌂 𑌮𑌹𑌦𑍍𑌦𑌿𑌵𑍍𑌯𑌂 𑌦𑌤𑍍𑌤𑌪𑍍𑌰𑌤𑍍𑌯𑌕𑍍𑌷𑌕𑌾𑌰𑌕𑌮𑍍 ।
𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑌸𑌾𑌦𑌾𑌚𑍍𑌚 𑌨𑌾𑌰𑌦𑍇𑌨 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ॥ 1𑍮 ॥

𑌇𑌤𑌿 𑌶𑍍𑌰𑍀𑌨𑌾𑌰𑌦𑌪𑍁𑌰𑌾𑌣𑍇 𑌨𑌾𑌰𑌦𑌵𑌿𑌰𑌚𑌿𑌤𑌂 𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌸𑍍𑌤𑍋𑌤𑍍𑌰𑌮𑍍 ।