𑌅𑌸𑍍𑌯 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯 𑌦𑍍𑌵𑌾𑌦𑌶𑌨𑌾𑌮 𑌸𑍍𑌤𑍋𑌤𑍍𑌰𑌮𑌂𑌤𑍍𑌰𑌸𑍍𑌯 𑌪𑌰𑌮𑌹𑌂𑌸 𑌋𑌷𑌿𑌃 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯 𑌪𑌰𑌮𑌾𑌤𑍍𑌮𑌾 𑌦𑍇𑌵𑌤𑌾 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃 𑌸𑌕𑌲𑌕𑌾𑌮𑌨𑌾𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌪𑍍𑌰𑌥𑌮𑌸𑍍𑌤𑍁 𑌮𑌹𑌾𑌯𑍋𑌗𑍀 𑌦𑍍𑌵𑌿𑌤𑍀𑌯𑌃 𑌪𑍍𑌰𑌭𑍁𑌰𑍀𑌶𑍍𑌵𑌰𑌃 ।
𑌤𑍃𑌤𑍀𑌯𑌶𑍍𑌚 𑌤𑍍𑌰𑌿𑌮𑍂𑌰𑍍𑌤𑌿𑌶𑍍𑌚 𑌚𑌤𑍁𑌰𑍍𑌥𑍋 𑌜𑍍𑌞𑌾𑌨𑌸𑌾𑌗𑌰𑌃 ॥ 1 ॥

𑌪𑌂𑌚𑌮𑍋 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌂 𑌷𑌷𑍍𑌠𑌸𑍍𑌯𑌾𑌤𑍍 𑌸𑌰𑍍𑌵𑌮𑌂𑌗𑌲𑌮𑍍 ।
𑌸𑌪𑍍𑌤𑌮𑍋 𑌪𑍁𑌂𑌡𑌰𑍀𑌕𑌾𑌕𑍍𑌷𑍋 𑌅𑌷𑍍𑌟𑌮𑍋 𑌦𑍇𑌵𑌵𑌲𑍍𑌲𑌭𑌃 ॥ 2 ॥

𑌨𑌵𑌮𑍋 𑌨𑌂𑌦𑌦𑍇𑌵𑍇𑌶𑍋 𑌦𑌶𑌮𑍋 𑌨𑌂𑌦𑌦𑌾𑌯𑌕𑌃 ।
𑌏𑌕𑌾𑌦𑌶𑍋 𑌮𑌹𑌾𑌰𑍁𑌦𑍍𑌰𑍋 𑌦𑍍𑌵𑌾𑌦𑌶𑍋 𑌕𑌰𑍁𑌣𑌾𑌕𑌰𑌃 ॥ 3 ॥

𑌏𑌤𑌾𑌨𑌿 𑌦𑍍𑌵𑌾𑌦𑌶𑌨𑌾𑌮𑌾𑌨𑌿 𑌦𑌤𑍍𑌤𑌾𑌤𑍍𑌰𑍇𑌯 𑌮𑌹𑌾𑌤𑍍𑌮𑌨𑌃 ।
𑌮𑌂𑌤𑍍𑌰𑌰𑌾𑌜𑍇𑌤𑌿 𑌵𑌿𑌖𑍍𑌯𑌾𑌤𑌂 𑌦𑌤𑍍𑌤𑌾𑌤𑍍𑌰𑍇𑌯 𑌹𑌰𑌃 𑌪𑌰𑌃 ॥ 4 ॥

𑌕𑍍𑌷𑌯𑍋𑌪𑌸𑍍𑌮𑌾𑌰 𑌕𑍁𑌷𑍍𑌠𑌾𑌦𑌿 𑌤𑌾𑌪𑌜𑍍𑌵𑌰𑌨𑌿𑌵𑌾𑌰𑌣𑌮𑍍 ।
𑌰𑌾𑌜𑌦𑍍𑌵𑌾𑌰𑍇 𑌪𑌦𑍇 𑌘𑍋𑌰𑍇 𑌸𑌂𑌗𑍍𑌰𑌾𑌮𑍇𑌷𑍁 𑌜𑌲𑌾𑌂𑌤𑌰𑍇 ॥ 5 ॥

𑌗𑌿𑌰𑍇 𑌗𑍁𑌹𑌾𑌂𑌤𑌰𑍇𑌽𑌰𑌣𑍍𑌯𑍇 𑌵𑍍𑌯𑌾𑌘𑍍𑌰𑌚𑍋𑌰𑌭𑌯𑌾𑌦𑌿𑌷𑍁 ।
𑌆𑌵𑌰𑍍𑌤𑌨𑍇 𑌸𑌹𑌸𑍍𑌰𑍇𑌷𑍁 𑌲𑌭𑌤𑍇 𑌵𑌾𑌂𑌛𑌿𑌤𑌂 𑌫𑌲𑌮𑍍 ॥ 6 ॥

𑌤𑍍𑌰𑌿𑌕𑌾𑌲𑍇 𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌮𑍋𑌕𑍍𑌷𑌸𑌿𑌦𑍍𑌧𑌿𑌮𑌵𑌾𑌪𑍍𑌨𑍁𑌯𑌾𑌤𑍍 ।
𑌦𑌤𑍍𑌤𑌾𑌤𑍍𑌰𑍇𑌯 𑌸𑌦𑌾 𑌰𑌕𑍍𑌷𑍇𑌤𑍍 𑌯𑌦𑌾 𑌸𑌤𑍍𑌯𑌂 𑌨 𑌸𑌂𑌶𑌯𑌃 ॥ 𑍭 ॥

𑌵𑌿𑌦𑍍𑌯𑌾𑌰𑍍𑌥𑍀 𑌲𑌭𑌤𑍇 𑌵𑌿𑌦𑍍𑌯𑌾𑌂 𑌰𑍋𑌗𑍀 𑌰𑍋𑌗𑌾𑌤𑍍 𑌪𑍍𑌰𑌮𑍁𑌚𑍍𑌯𑌤𑍇 ।
𑌅𑌪𑍁𑌤𑍍𑌰𑍋 𑌲𑌭𑌤𑍇 𑌪𑍁𑌤𑍍𑌰𑌂 𑌦𑌰𑌿𑌦𑍍𑌰𑍋 𑌲𑌭𑌤𑍇 𑌧𑌨𑌮𑍍 ॥ 𑍮 ॥

𑌅𑌭𑌾𑌰𑍍𑌯𑍋 𑌲𑌭𑌤𑍇 𑌭𑌾𑌰𑍍𑌯𑌾𑌂 𑌸𑍁𑌖𑌾𑌰𑍍𑌥𑍀 𑌲𑌭𑌤𑍇 𑌸𑍁𑌖𑌮𑍍 ।
𑌮𑍁𑌚𑍍𑌯𑌤𑍇 𑌸𑌰𑍍𑌵𑌪𑌾𑌪𑍇𑌭𑍍𑌯𑍋 𑌸𑌰𑍍𑌵𑌤𑍍𑌰 𑌵𑌿𑌜𑌯𑍀 𑌭𑌵𑍇𑌤𑍍 ॥ 𑍯 ॥

𑌇𑌤𑌿 𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌦𑍍𑌵𑌾𑌦𑌶𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।