𑌋𑌷𑌯 𑌊𑌚𑍁𑌃 ।
𑌕𑌥𑌂 𑌸𑌂𑌕𑌲𑍍𑌪𑌸𑌿𑌦𑍍𑌧𑌿𑌃 𑌸𑍍𑌯𑌾𑌦𑍍𑌵𑍇𑌦𑌵𑍍𑌯𑌾𑌸 𑌕𑌲𑍌𑌯𑍁𑌗𑍇 ।
𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌾𑌣𑌾𑌂 𑌸𑌾𑌧𑌨𑌂 𑌕𑌿𑌮𑍁𑌦𑌾𑌹𑍃𑌤𑌮𑍍 ॥ 1 ॥
𑌵𑍍𑌯𑌾𑌸 𑌉𑌵𑌾𑌚 ।
𑌶𑍃𑌣𑍍𑌵𑌂𑌤𑍁 𑌋𑌷𑌯𑌸𑍍𑌸𑌰𑍍𑌵𑍇 𑌶𑍀𑌘𑍍𑌰𑌂 𑌸𑌂𑌕𑌲𑍍𑌪𑌸𑌾𑌧𑌨𑌮𑍍 ।
𑌸𑌕𑍃𑌦𑍁𑌚𑍍𑌚𑌾𑌰𑌮𑌾𑌤𑍍𑌰𑍇𑌣 𑌭𑍋𑌗𑌮𑍋𑌕𑍍𑌷𑌪𑍍𑌰𑌦𑌾𑌯𑌕𑌮𑍍 ॥ 2 ॥
𑌗𑍌𑌰𑍀𑌶𑍃𑌂𑌗𑍇 𑌹𑌿𑌮𑌵𑌤𑌃 𑌕𑌲𑍍𑌪𑌵𑍃𑌕𑍍𑌷𑍋𑌪𑌶𑍋𑌭𑌿𑌤𑌮𑍍 ।
𑌦𑍀𑌪𑍍𑌤𑍇 𑌦𑌿𑌵𑍍𑌯𑌮𑌹𑌾𑌰𑌤𑍍𑌨 𑌹𑍇𑌮𑌮𑌂𑌡𑌪𑌮𑌧𑍍𑌯𑌗𑌮𑍍 ॥ 3 ॥
𑌰𑌤𑍍𑌨𑌸𑌿𑌂𑌹𑌾𑌸𑌨𑌾𑌸𑍀𑌨𑌂 𑌪𑍍𑌰𑌸𑌨𑍍𑌨𑌂 𑌪𑌰𑌮𑍇𑌶𑍍𑌵𑌰𑌮𑍍 ।
𑌮𑌂𑌦𑌸𑍍𑌮𑌿𑌤𑌮𑍁𑌖𑌾𑌂𑌭𑍋𑌜𑌂 𑌶𑌂𑌕𑌰𑌂 𑌪𑍍𑌰𑌾𑌹 𑌪𑌾𑌰𑍍𑌵𑌤𑍀 ॥ 4 ॥
𑌶𑍍𑌰𑍀𑌦𑍇𑌵𑍀 𑌉𑌵𑌾𑌚 ।
𑌦𑍇𑌵𑌦𑍇𑌵 𑌮𑌹𑌾𑌦𑍇𑌵 𑌲𑍋𑌕𑌶𑌂𑌕𑌰 𑌶𑌂𑌕𑌰 ।
𑌮𑌂𑌤𑍍𑌰𑌜𑌾𑌲𑌾𑌨𑌿 𑌸𑌰𑍍𑌵𑌾𑌣𑌿 𑌯𑌂𑌤𑍍𑌰𑌜𑌾𑌲𑌾𑌨𑌿 𑌕𑍃𑌤𑍍𑌸𑍍𑌨𑌶𑌃 ॥ 5 ॥
𑌤𑌂𑌤𑍍𑌰𑌜𑌾𑌲𑌾𑌨𑍍𑌯𑌨𑍇𑌕𑌾𑌨𑌿 𑌮𑌯𑌾 𑌤𑍍𑌵𑌤𑍍𑌤𑌃 𑌶𑍍𑌰𑍁𑌤𑌾𑌨𑌿 𑌵𑍈 ।
𑌇𑌦𑌾𑌨𑍀𑌂 𑌦𑍍𑌰𑌷𑍍𑌟𑍁𑌮𑌿𑌚𑍍𑌛𑌾𑌮𑌿 𑌵𑌿𑌶𑍇𑌷𑍇𑌣 𑌮𑌹𑍀𑌤𑌲𑌮𑍍 ॥ 6 ॥
𑌇𑌤𑍍𑌯𑍁𑌦𑍀𑌰𑌿𑌤𑌮𑌾𑌕𑌰𑍍𑌣𑍍𑌯 𑌪𑌾𑌰𑍍𑌵𑌤𑍍𑌯𑌾 𑌪𑌰𑌮𑍇𑌶𑍍𑌵𑌰𑌃 ।
𑌕𑌰𑍇𑌣𑌾𑌮𑍃𑌜𑍍𑌯 𑌸𑌂𑌤𑍋𑌷𑌾𑌤𑍍 𑌪𑌾𑌰𑍍𑌵𑌤𑍀𑌂 𑌪𑍍𑌰𑌤𑍍𑌯𑌭𑌾𑌷𑌤 ॥ ॥
𑌮𑌯𑍇𑌦𑌾𑌨𑍀𑌂 𑌤𑍍𑌵𑌯𑌾 𑌸𑌾𑌰𑍍𑌧𑌂 𑌵𑍃𑌷𑌮𑌾𑌰𑍁𑌹𑍍𑌯 𑌗𑌮𑍍𑌯𑌤𑍇 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌵𑍃𑌷𑌮𑌾𑌰𑍁𑌹𑍍𑌯 𑌪𑌾𑌰𑍍𑌵𑌤𑍍𑌯𑌾 𑌸𑌹 𑌶𑌂𑌕𑌰𑌃 ॥ ॥
𑌯𑌯𑍌 𑌭𑍂𑌮𑌂𑌡𑌲𑌂 𑌦𑍍𑌰𑌷𑍍𑌟𑍁𑌂 𑌗𑍌𑌰𑍍𑌯𑌾𑌶𑍍𑌚𑌿𑌤𑍍𑌰𑌾𑌣𑌿 𑌦𑌰𑍍𑌶𑌯𑌨𑍍 ।
𑌕𑍍𑌵𑌚𑌿𑌤𑍍 𑌵𑌿𑌂𑌧𑍍𑌯𑌾𑌚𑌲𑌪𑍍𑌰𑌾𑌂𑌤𑍇 𑌮𑌹𑌾𑌰𑌣𑍍𑌯𑍇 𑌸𑍁𑌦𑍁𑌰𑍍𑌗𑌮𑍇 ॥ ॥
𑌤𑌤𑍍𑌰 𑌵𑍍𑌯𑌾𑌹𑌰𑍍𑌤𑍁𑌮𑌾𑌯𑌾𑌂𑌤𑌂 𑌭𑌿𑌲𑍍𑌲𑌂 𑌪𑌰𑌶𑍁𑌧𑌾𑌰𑌿𑌣𑌮𑍍 ।
𑌵𑌧𑍍𑌯𑌮𑌾𑌨𑌂 𑌮𑌹𑌾𑌵𑍍𑌯𑌾𑌘𑍍𑌰𑌂 𑌨𑌖𑌦𑌂𑌷𑍍𑌟𑍍𑌰𑌾𑌭𑌿𑌰𑌾𑌵𑍃𑌤𑌮𑍍 ॥ 10 ॥
𑌅𑌤𑍀𑌵 𑌚𑌿𑌤𑍍𑌰𑌚𑌾𑌰𑌿𑌤𑍍𑌰𑍍𑌯𑌂 𑌵𑌜𑍍𑌰𑌕𑌾𑌯𑌸𑌮𑌾𑌯𑍁𑌤𑌮𑍍 ।
𑌅𑌪𑍍𑌰𑌯𑌤𑍍𑌨𑌮𑌨𑌾𑌯𑌾𑌸𑌮𑌖𑌿𑌨𑍍𑌨𑌂 𑌸𑍁𑌖𑌮𑌾𑌸𑍍𑌥𑌿𑌤𑌮𑍍 ॥ 11 ॥
𑌪𑌲𑌾𑌯𑌂𑌤𑌂 𑌮𑍃𑌗𑌂 𑌪𑌶𑍍𑌚𑌾𑌦𑍍𑌵𑍍𑌯𑌾𑌘𑍍𑌰𑍋 𑌭𑍀𑌤𑍍𑌯𑌾 𑌪𑌲𑌾𑌯𑌤𑌃 ।
𑌏𑌤𑌦𑌾𑌶𑍍𑌚𑌰𑍍𑌯𑌮𑌾𑌲𑍋𑌕𑍍𑌯 𑌪𑌾𑌰𑍍𑌵𑌤𑍀 𑌪𑍍𑌰𑌾𑌹 𑌶𑌂𑌕𑌰𑌮𑍍 ॥ 12 ॥
𑌶𑍍𑌰𑍀 𑌪𑌾𑌰𑍍𑌵𑌤𑍍𑌯𑍁𑌵𑌾𑌚 ।
𑌕𑌿𑌮𑌾𑌶𑍍𑌚𑌰𑍍𑌯𑌂 𑌕𑌿𑌮𑌾𑌶𑍍𑌚𑌰𑍍𑌯𑌮𑌗𑍍𑌰𑍇 𑌶𑌂𑌭𑍋 𑌨𑌿𑌰𑍀𑌕𑍍𑌷𑍍𑌯𑌤𑌾𑌮𑍍 ।
𑌇𑌤𑍍𑌯𑍁𑌕𑍍𑌤𑌃 𑌸 𑌤𑌤𑌃 𑌶𑌂𑌭𑍁𑌰𑍍𑌦𑍃𑌷𑍍𑌟𑍍𑌵𑌾 𑌪𑍍𑌰𑌾𑌹 𑌪𑍁𑌰𑌾𑌣𑌵𑌿𑌤𑍍 ॥ 13 ॥
𑌶𑍍𑌰𑍀 𑌶𑌂𑌕𑌰 𑌉𑌵𑌾𑌚 ।
𑌗𑍌𑌰𑌿 𑌵𑌕𑍍𑌷𑍍𑌯𑌾𑌮𑌿 𑌤𑍇 𑌚𑌿𑌤𑍍𑌰𑌮𑌵𑌾𑌙𑍍𑌮𑌾𑌨𑌸𑌗𑍋𑌚𑌰𑌮𑍍 ।
𑌅𑌦𑍃𑌷𑍍𑌟𑌪𑍂𑌰𑍍𑌵𑌮𑌸𑍍𑌮𑌾𑌭𑌿𑌰𑍍𑌨𑌾𑌸𑍍𑌤𑌿 𑌕𑌿𑌂𑌚𑌿𑌨𑍍𑌨 𑌕𑍁𑌤𑍍𑌰𑌚𑌿𑌤𑍍 ॥ 14 ॥
𑌮𑌯𑌾 𑌸𑌮𑍍𑌯𑌕𑍍 𑌸𑌮𑌾𑌸𑍇𑌨 𑌵𑌕𑍍𑌷𑍍𑌯𑌤𑍇 𑌶𑍃𑌣𑍁 𑌪𑌾𑌰𑍍𑌵𑌤𑌿 ।
𑌅𑌯𑌂 𑌦𑍂𑌰𑌶𑍍𑌰𑌵𑌾 𑌨𑌾𑌮 𑌭𑌿𑌲𑍍𑌲𑌃 𑌪𑌰𑌮𑌧𑌾𑌰𑍍𑌮𑌿𑌕𑌃 ॥ 15 ॥
𑌸𑌮𑌿𑌤𑍍𑌕𑍁𑌶𑌪𑍍𑌰𑌸𑍂𑌨𑌾𑌨𑌿 𑌕𑌂𑌦𑌮𑍂𑌲𑌫𑌲𑌾𑌦𑌿𑌕𑌮𑍍 ।
𑌪𑍍𑌰𑌤𑍍𑌯𑌹𑌂 𑌵𑌿𑌪𑌿𑌨𑌂 𑌗𑌤𑍍𑌵𑌾 𑌸𑌮𑌾𑌦𑌾𑌯 𑌪𑍍𑌰𑌯𑌾𑌸𑌤𑌃 ॥ 16 ॥
𑌪𑍍𑌰𑌿𑌯𑍇 𑌪𑍂𑌰𑍍𑌵𑌂 𑌮𑍁𑌨𑍀𑌂𑌦𑍍𑌰𑍇𑌭𑍍𑌯𑌃 𑌪𑍍𑌰𑌯𑌚𑍍𑌛𑌤𑌿 𑌨 𑌵𑌾𑌂𑌛𑌤𑌿 ।
𑌤𑍇𑌽𑌪𑌿 𑌤𑌸𑍍𑌮𑌿𑌨𑍍𑌨𑌪𑌿 𑌦𑌯𑌾𑌂 𑌕𑍁𑌰𑍍𑌵𑌤𑍇 𑌸𑌰𑍍𑌵𑌮𑍌𑌨𑌿𑌨𑌃 ॥ 1 ॥
𑌦𑌲𑌾𑌦𑌨𑍋 𑌮𑌹𑌾𑌯𑍋𑌗𑍀 𑌵𑌸𑌨𑍍𑌨𑍇𑌵 𑌨𑌿𑌜𑌾𑌶𑍍𑌰𑌮𑍇 ।
𑌕𑌦𑌾𑌚𑌿𑌦𑌸𑍍𑌮𑌰𑌤𑍍 𑌸𑌿𑌦𑍍𑌧𑌂 𑌦𑌤𑍍𑌤𑌾𑌤𑍍𑌰𑍇𑌯𑌂 𑌦𑌿𑌗𑌂𑌬𑌰𑌮𑍍 ॥ 1 ॥
𑌦𑌤𑍍𑌤𑌾𑌤𑍍𑌰𑍇𑌯𑌃 𑌸𑍍𑌮𑌰𑍍𑌤𑍃𑌗𑌾𑌮𑍀 𑌚𑍇𑌤𑌿𑌹𑌾𑌸𑌂 𑌪𑌰𑍀𑌕𑍍𑌷𑌿𑌤𑍁𑌮𑍍 ।
𑌤𑌤𑍍𑌕𑍍𑌷𑌣𑌾𑌤𑍍 𑌸𑍋𑌽𑌪𑌿 𑌯𑍋𑌗𑍀𑌂𑌦𑍍𑌰𑍋 𑌦𑌤𑍍𑌤𑌾𑌤𑍍𑌰𑍇𑌯𑌃 𑌸𑌮𑍁𑌤𑍍𑌥𑌿𑌤𑌃 ॥ 1 ॥
𑌤𑌂 𑌦𑍃𑌷𑍍𑌟𑍍𑌵𑌾𑌶𑍍𑌚𑌰𑍍𑌯𑌤𑍋𑌷𑌾𑌭𑍍𑌯𑌾𑌂 𑌦𑌲𑌾𑌦𑌨𑌮𑌹𑌾𑌮𑍁𑌨𑌿𑌃 ।
𑌸𑌂𑌪𑍂𑌜𑍍𑌯𑌾𑌗𑍍𑌰𑍇 𑌵𑌿𑌷𑍀𑌦𑌂𑌤𑌂 𑌦𑌤𑍍𑌤𑌾𑌤𑍍𑌰𑍇𑌯𑌮𑍁𑌵𑌾𑌚 𑌤𑌮𑍍 ॥ 20 ॥
𑌮𑌯𑍋𑌪𑌹𑍂𑌤𑌃 𑌸𑌂𑌪𑍍𑌰𑌾𑌪𑍍𑌤𑍋 𑌦𑌤𑍍𑌤𑌾𑌤𑍍𑌰𑍇𑌯 𑌮𑌹𑌾𑌮𑍁𑌨𑍇 ।
𑌸𑍍𑌮𑌰𑍍𑌤𑍃𑌗𑌾𑌮𑍀 𑌤𑍍𑌵𑌮𑌿𑌤𑍍𑌯𑍇𑌤𑌤𑍍 𑌕𑌿𑌂 𑌵𑌦𑌂𑌤𑍀 𑌪𑌰𑍀𑌕𑍍𑌷𑌿𑌤𑍁𑌮𑍍 ॥ 21 ॥
𑌮𑌯𑌾𑌦𑍍𑌯 𑌸𑌂𑌸𑍍𑌮𑍃𑌤𑍋𑌽𑌸𑌿 𑌤𑍍𑌵𑌮𑌪𑌰𑌾𑌧𑌂 𑌕𑍍𑌷𑌮𑌸𑍍𑌵 𑌮𑍇 ।
𑌦𑌤𑍍𑌤𑌾𑌤𑍍𑌰𑍇𑌯𑍋 𑌮𑍁𑌨𑌿𑌂 𑌪𑍍𑌰𑌾𑌹 𑌮𑌮 𑌪𑍍𑌰𑌕𑍃𑌤𑌿𑌰𑍀𑌦𑍃𑌶𑍀 ॥ 22 ॥
𑌅𑌭𑌕𑍍𑌤𑍍𑌯𑌾 𑌵𑌾 𑌸𑍁𑌭𑌕𑍍𑌤𑍍𑌯𑌾 𑌵𑌾 𑌯𑌃 𑌸𑍍𑌮𑌰𑍇𑌨𑍍𑌨𑌾𑌮𑌨𑌨𑍍𑌯𑌧𑍀𑌃 ।
𑌤𑌦𑌾𑌨𑍀𑌂 𑌤𑌮𑍁𑌪𑌾𑌗𑌮𑍍𑌯 𑌦𑌦𑌾𑌮𑌿 𑌤𑌦𑌭𑍀𑌪𑍍𑌸𑌿𑌤𑌮𑍍 ॥ 23 ॥
𑌦𑌤𑍍𑌤𑌾𑌤𑍍𑌰𑍇𑌯𑍋 𑌮𑍁𑌨𑌿𑌂 𑌪𑍍𑌰𑌾𑌹 𑌦𑌲𑌾𑌦𑌨𑌮𑍁𑌨𑍀𑌶𑍍𑌵𑌰𑌮𑍍 ।
𑌯𑌦𑌿𑌷𑍍𑌟𑌂 𑌤𑌦𑍍𑌵𑍃𑌣𑍀𑌷𑍍𑌵 𑌤𑍍𑌵𑌂 𑌯𑌤𑍍 𑌪𑍍𑌰𑌾𑌪𑍍𑌤𑍋𑌽𑌹𑌂 𑌤𑍍𑌵𑌯𑌾 𑌸𑍍𑌮𑍃𑌤𑌃 ॥ 24 ॥
𑌦𑌤𑍍𑌤𑌾𑌤𑍍𑌰𑍇𑌯𑌂 𑌮𑍁𑌨𑌿𑌂 𑌪𑍍𑌰𑌾𑌹 𑌮𑌯𑌾 𑌕𑌿𑌮𑌪𑌿 𑌨𑍋𑌚𑍍𑌯𑌤𑍇 ।
𑌤𑍍𑌵𑌚𑍍𑌚𑌿𑌤𑍍𑌤𑍇 𑌯𑌤𑍍 𑌸𑍍𑌥𑌿𑌤𑌂 𑌤𑌨𑍍𑌮𑍇 𑌪𑍍𑌰𑌯𑌚𑍍𑌛 𑌮𑍁𑌨𑌿𑌪𑍁𑌂𑌗𑌵 ॥ 25 ॥
𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌉𑌵𑌾𑌚 ।
𑌮𑌮𑌾𑌸𑍍𑌤𑌿 𑌵𑌜𑍍𑌰𑌕𑌵𑌚𑌂 𑌗𑍃𑌹𑌾𑌣𑍇𑌤𑍍𑌯𑌵𑌦𑌨𑍍𑌮𑍁𑌨𑌿𑌮𑍍 ।
𑌤𑌥𑍇𑌤𑍍𑌯𑌂𑌗𑍀𑌕𑍃𑌤𑌵𑌤𑍇 𑌦𑌲𑌾𑌦𑌮𑍁𑌨𑌯𑍇 𑌮𑍁𑌨𑌿𑌃 ॥ 26 ॥
𑌸𑍍𑌵𑌵𑌜𑍍𑌰𑌕𑌵𑌚𑌂 𑌪𑍍𑌰𑌾𑌹 𑌋𑌷𑌿𑌚𑍍𑌛𑌂𑌦𑌃 𑌪𑍁𑌰𑌸𑍍𑌸𑌰𑌮𑍍 ।
𑌨𑍍𑌯𑌾𑌸𑌂 𑌧𑍍𑌯𑌾𑌨𑌂 𑌫𑌲𑌂 𑌤𑌤𑍍𑌰 𑌪𑍍𑌰𑌯𑍋𑌜𑌨𑌮𑌶𑍇𑌷𑌤𑌃 ॥ 2 ॥
𑌅𑌸𑍍𑌯 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯 𑌵𑌜𑍍𑌰𑌕𑌵𑌚 𑌸𑍍𑌤𑍋𑌤𑍍𑌰𑌮𑌂𑌤𑍍𑌰𑌸𑍍𑌯, 𑌕𑌿𑌰𑌾𑌤𑌰𑍂𑌪𑍀 𑌮𑌹𑌾𑌰𑍁𑌦𑍍𑌰𑍃𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃, 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑍋 𑌦𑍇𑌵𑌤𑌾, 𑌦𑍍𑌰𑌾𑌂 𑌬𑍀𑌜𑌮𑍍, 𑌆𑌂 𑌶𑌕𑍍𑌤𑌿𑌃, 𑌕𑍍𑌰𑍌𑌂 𑌕𑍀𑌲𑌕𑌮𑍍.
𑌓𑌂 𑌆𑌤𑍍𑌮𑌨𑍇 𑌨𑌮𑌃
𑌓𑌂 𑌦𑍍𑌰𑍀𑌂 𑌮𑌨𑌸𑍇 𑌨𑌮𑌃
𑌓𑌂 𑌆𑌂 𑌦𑍍𑌰𑍀𑌂 𑌶𑍍𑌰𑍀𑌂 𑌸𑍌𑌃
𑌓𑌂 𑌕𑍍𑌲𑌾𑌂 𑌕𑍍𑌲𑍀𑌂 𑌕𑍍𑌲𑍂𑌂 𑌕𑍍𑌲𑍈𑌂 𑌕𑍍𑌲𑍌𑌂 𑌕𑍍𑌲𑌃
𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃
𑌕𑌰𑌨𑍍𑌯𑌾𑌸𑌃 ।
𑌓𑌂 𑌦𑍍𑌰𑌾𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍂𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍈𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍌𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑌃 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌹𑍃𑌦𑌯𑌾𑌦𑌿𑌨𑍍𑌯𑌾𑌸𑌃 ।
𑌓𑌂 𑌦𑍍𑌰𑌾𑌂 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌦𑍍𑌰𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌦𑍍𑌰𑍂𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌦𑍍𑌰𑍈𑌂 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌦𑍍𑌰𑍌𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌦𑍍𑌰𑌃 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃 ।
𑌧𑍍𑌯𑌾𑌨𑌮𑍍 ।
𑌜𑌗𑌦𑌂𑌕𑍁𑌰𑌕𑌂𑌦𑌾𑌯 𑌸𑌚𑍍𑌚𑌿𑌦𑌾𑌨𑌂𑌦𑌮𑍂𑌰𑍍𑌤𑌯𑍇 ।
𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌯𑍋𑌗𑍀𑌂𑌦𑍍𑌰𑌚𑌂𑌦𑍍𑌰𑌾𑌯 𑌪𑌰𑌮𑌾𑌤𑍍𑌮𑌨𑍇 ॥ 1 ॥
𑌕𑌦𑌾 𑌯𑍋𑌗𑍀 𑌕𑌦𑌾 𑌭𑍋𑌗𑍀 𑌕𑌦𑌾 𑌨𑌗𑍍𑌨𑌃 𑌪𑌿𑌶𑌾𑌚𑌵𑌤𑍍 ।
𑌦𑌤𑍍𑌤𑌾𑌤𑍍𑌰𑍇𑌯𑍋 𑌹𑌰𑌿𑌃 𑌸𑌾𑌕𑍍𑌷𑌾𑌤𑍍 𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌾𑌯𑌕𑌃 ॥ 2 ॥
𑌵𑌾𑌰𑌾𑌣𑌸𑍀𑌪𑍁𑌰𑌸𑍍𑌨𑌾𑌯𑍀 𑌕𑍋𑌲𑍍𑌹𑌾𑌪𑍁𑌰𑌜𑌪𑌾𑌦𑌰𑌃 ।
𑌮𑌾𑌹𑍁𑌰𑍀𑌪𑍁𑌰𑌭𑍀𑌕𑍍𑌷𑌾𑌶𑍀 𑌸𑌹𑍍𑌯𑌶𑌾𑌯𑍀 𑌦𑌿𑌗𑌂𑌬𑌰𑌃 ॥ 3 ॥
𑌇𑌂𑌦𑍍𑌰𑌨𑍀𑌲 𑌸𑌮𑌾𑌕𑌾𑌰𑌃 𑌚𑌂𑌦𑍍𑌰𑌕𑌾𑌂𑌤𑌿𑌸𑌮𑌦𑍍𑌯𑍁𑌤𑌿𑌃 ।
𑌵𑍈𑌢𑍂𑌰𑍍𑌯 𑌸𑌦𑍃𑌶𑌸𑍍𑌫𑍂𑌰𑍍𑌤𑌿𑌃 𑌚𑌲𑌤𑍍𑌕𑌿𑌂𑌚𑌿𑌜𑍍𑌜𑌟𑌾𑌧𑌰𑌃 ॥ 4 ॥
𑌸𑍍𑌨𑌿𑌗𑍍𑌧𑌧𑌾𑌵𑌲𑍍𑌯 𑌯𑍁𑌕𑍍𑌤𑌾𑌕𑍍𑌷𑍋𑌽𑌤𑍍𑌯𑌂𑌤𑌨𑍀𑌲 𑌕𑌨𑍀𑌨𑌿𑌕𑌃 ।
𑌭𑍍𑌰𑍂𑌵𑌕𑍍𑌷𑌃𑌶𑍍𑌮𑌶𑍍𑌰𑍁𑌨𑍀𑌲𑌾𑌂𑌕𑌃 𑌶𑌶𑌾𑌂𑌕𑌸𑌦𑍃𑌶𑌾𑌨𑌨𑌃 ॥ 5 ॥
𑌹𑌾𑌸𑌨𑌿𑌰𑍍𑌜𑌿𑌤 𑌨𑌿𑌹𑌾𑌰𑌃 𑌕𑌂𑌠𑌨𑌿𑌰𑍍𑌜𑌿𑌤 𑌕𑌂𑌬𑍁𑌕𑌃 ।
𑌮𑌾𑌂𑌸𑌲𑌾𑌂𑌸𑍋 𑌦𑍀𑌰𑍍𑌘𑌬𑌾𑌹𑍁𑌃 𑌪𑌾𑌣𑌿𑌨𑌿𑌰𑍍𑌜𑌿𑌤𑌪𑌲𑍍𑌲𑌵𑌃 ॥ 6 ॥
𑌵𑌿𑌶𑌾𑌲𑌪𑍀𑌨𑌵𑌕𑍍𑌷𑌾𑌶𑍍𑌚 𑌤𑌾𑌮𑍍𑌰𑌪𑌾𑌣𑌿𑌰𑍍𑌦𑌲𑍋𑌦𑌰𑌃 ।
𑌪𑍃𑌥𑍁𑌲𑌶𑍍𑌰𑍋𑌣𑌿𑌲𑌲𑌿𑌤𑍋 𑌵𑌿𑌶𑌾𑌲𑌜𑌘𑌨𑌸𑍍𑌥𑌲𑌃 ॥ ॥
𑌰𑌂𑌭𑌾𑌸𑍍𑌤𑌂𑌭𑍋𑌪𑌮𑌾𑌨𑍋𑌰𑍁𑌃 𑌜𑌾𑌨𑍁𑌪𑍂𑌰𑍍𑌵𑍈𑌕𑌜𑌂𑌘𑌕𑌃 ।
𑌗𑍂𑌢𑌗𑍁𑌲𑍍𑌫𑌃 𑌕𑍂𑌰𑍍𑌮𑌪𑍃𑌷𑍍𑌠𑍋 𑌲𑌸𑌤𑍍𑌵𑌾𑌦𑍋𑌪𑌰𑌿𑌸𑍍𑌥𑌲𑌃 ॥ ॥
𑌰𑌕𑍍𑌤𑌾𑌰𑌵𑌿𑌂𑌦𑌸𑌦𑍃𑌶 𑌰𑌮𑌣𑍀𑌯 𑌪𑌦𑌾𑌧𑌰𑌃 ।
𑌚𑌰𑍍𑌮𑌾𑌂𑌬𑌰𑌧𑌰𑍋 𑌯𑍋𑌗𑍀 𑌸𑍍𑌮𑌰𑍍𑌤𑍃𑌗𑌾𑌮𑍀 𑌕𑍍𑌷𑌣𑍇𑌕𑍍𑌷𑌣𑍇 ॥ ॥
𑌜𑍍𑌞𑌾𑌨𑍋𑌪𑌦𑍇𑌶𑌨𑌿𑌰𑌤𑍋 𑌵𑌿𑌪𑌦𑍍𑌧𑌰𑌣𑌦𑍀𑌕𑍍𑌷𑌿𑌤𑌃 ।
𑌸𑌿𑌦𑍍𑌧𑌾𑌸𑌨𑌸𑌮𑌾𑌸𑍀𑌨 𑌋𑌜𑍁𑌕𑌾𑌯𑍋 𑌹𑌸𑌨𑍍𑌮𑍁𑌖𑌃 ॥ 10 ॥
𑌵𑌾𑌮𑌹𑌸𑍍𑌤𑍇𑌨 𑌵𑌰𑌦𑍋 𑌦𑌕𑍍𑌷𑌿𑌣𑍇𑌨𑌾𑌭𑌯𑌂𑌕𑌰𑌃 ।
𑌬𑌾𑌲𑍋𑌨𑍍𑌮𑌤𑍍𑌤 𑌪𑌿𑌶𑌾𑌚𑍀𑌭𑌿𑌃 𑌕𑍍𑌵𑌚𑌿𑌦𑍍 𑌯𑍁𑌕𑍍𑌤𑌃 𑌪𑌰𑍀𑌕𑍍𑌷𑌿𑌤𑌃 ॥ 11 ॥
𑌤𑍍𑌯𑌾𑌗𑍀 𑌭𑍋𑌗𑍀 𑌮𑌹𑌾𑌯𑍋𑌗𑍀 𑌨𑌿𑌤𑍍𑌯𑌾𑌨𑌂𑌦𑍋 𑌨𑌿𑌰𑌂𑌜𑌨𑌃 ।
𑌸𑌰𑍍𑌵𑌰𑍂𑌪𑍀 𑌸𑌰𑍍𑌵𑌦𑌾𑌤𑌾 𑌸𑌰𑍍𑌵𑌗𑌃 𑌸𑌰𑍍𑌵𑌕𑌾𑌮𑌦𑌃 ॥ 12 ॥
𑌭𑌸𑍍𑌮𑍋𑌦𑍍𑌧𑍂𑌳𑌿𑌤 𑌸𑌰𑍍𑌵𑌾𑌂𑌗𑍋 𑌮𑌹𑌾𑌪𑌾𑌤𑌕𑌨𑌾𑌶𑌨𑌃 ।
𑌭𑍁𑌕𑍍𑌤𑌿𑌪𑍍𑌰𑌦𑍋 𑌮𑍁𑌕𑍍𑌤𑌿𑌦𑌾𑌤𑌾 𑌜𑍀𑌵𑌨𑍍𑌮𑍁𑌕𑍍𑌤𑍋 𑌨 𑌸𑌂𑌶𑌯𑌃 ॥ 13 ॥
𑌏𑌵𑌂 𑌧𑍍𑌯𑌾𑌤𑍍𑌵𑌾𑌽𑌨𑌨𑍍𑌯𑌚𑌿𑌤𑍍𑌤𑍋 𑌮𑌦𑍍𑌵𑌜𑍍𑌰𑌕𑌵𑌚𑌂 𑌪𑌠𑍇𑌤𑍍 ।
𑌮𑌾𑌮𑍇𑌵 𑌪𑌶𑍍𑌯𑌨𑍍𑌸𑌰𑍍𑌵𑌤𑍍𑌰 𑌸 𑌮𑌯𑌾 𑌸𑌹 𑌸𑌂𑌚𑌰𑍇𑌤𑍍 ॥ 14 ॥
𑌦𑌿𑌗𑌂𑌬𑌰𑌂 𑌭𑌸𑍍𑌮𑌸𑍁𑌗𑌂𑌧 𑌲𑍇𑌪𑌨𑌂
𑌚𑌕𑍍𑌰𑌂 𑌤𑍍𑌰𑌿𑌶𑍂𑌲𑌂 𑌢𑌮𑌰𑍁𑌂 𑌗𑌦𑌾𑌯𑍁𑌧𑌮𑍍 ।
𑌪𑌦𑍍𑌮𑌾𑌸𑌨𑌂 𑌯𑍋𑌗𑌿𑌮𑍁𑌨𑍀𑌂𑌦𑍍𑌰𑌵𑌂𑌦𑌿𑌤𑌂
𑌦𑌤𑍍𑌤𑍇𑌤𑌿𑌨𑌾𑌮𑌸𑍍𑌮𑌰𑌣𑍇𑌨 𑌨𑌿𑌤𑍍𑌯𑌮𑍍 ॥ 15 ॥
𑌪𑌂𑌚𑍋𑌪𑌚𑌾𑌰𑌪𑍂𑌜𑌾 ।
𑌓𑌂 𑌲𑌂 𑌪𑍃𑌥𑌿𑌵𑍀𑌤𑌤𑍍𑌤𑍍𑌵𑌾𑌤𑍍𑌮𑌨𑍇 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌨𑌮𑌃 ।
𑌗𑌂𑌧𑌂 𑌪𑌰𑌿𑌕𑌲𑍍𑌪𑌯𑌾𑌮𑌿।
𑌓𑌂 𑌹𑌂 𑌆𑌕𑌾𑌶𑌤𑌤𑍍𑌤𑍍𑌵𑌾𑌤𑍍𑌮𑌨𑍇 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌨𑌮𑌃 ।
𑌪𑍁𑌷𑍍𑌪𑌂 𑌪𑌰𑌿𑌕𑌲𑍍𑌪𑌯𑌾𑌮𑌿 ।
𑌓𑌂 𑌯𑌂 𑌵𑌾𑌯𑍁𑌤𑌤𑍍𑌤𑍍𑌵𑌾𑌤𑍍𑌮𑌨𑍇 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌨𑌮𑌃 ।
𑌧𑍂𑌪𑌂 𑌪𑌰𑌿𑌕𑌲𑍍𑌪𑌯𑌾𑌮𑌿 ।
𑌓𑌂 𑌰𑌂 𑌵𑌹𑍍𑌨𑌿𑌤𑌤𑍍𑌤𑍍𑌵𑌾𑌤𑍍𑌮𑌨𑍇 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌨𑌮𑌃 ।
𑌦𑍀𑌪𑌂 𑌪𑌰𑌿𑌕𑌲𑍍𑌪𑌯𑌾𑌮𑌿 ।
𑌓𑌂 𑌵𑌂 𑌅𑌮𑍃𑌤 𑌤𑌤𑍍𑌤𑍍𑌵𑌾𑌤𑍍𑌮𑌨𑍇 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌨𑌮𑌃 ।
𑌅𑌮𑍃𑌤𑌨𑍈𑌵𑍇𑌦𑍍𑌯𑌂 𑌪𑌰𑌿𑌕𑌲𑍍𑌪𑌯𑌾𑌮𑌿 ।
𑌓𑌂 𑌸𑌂 𑌸𑌰𑍍𑌵𑌤𑌤𑍍𑌤𑍍𑌵𑌾𑌤𑍍𑌮𑌨𑍇 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌨𑌮𑌃 ।
𑌤𑌾𑌂𑌬𑍂𑌲𑌾𑌦𑌿𑌸𑌰𑍍𑌵𑍋𑌪𑌚𑌾𑌰𑌾𑌨𑍍 𑌪𑌰𑌿𑌕𑌲𑍍𑌪𑌯𑌾𑌮𑌿 ।
(𑌅𑌨𑌂𑌤𑌰𑌂 ‘𑌓𑌂 𑌦𑍍𑌰𑌾𑌂…’ 𑌇𑌤𑌿 𑌮𑍂𑌲𑌮𑌂𑌤𑍍𑌰𑌂 𑌅𑌷𑍍𑌟𑍋𑌤𑍍𑌤𑌰𑌶𑌤𑌵𑌾𑌰𑌂 (10) 𑌜𑌪𑍇𑌤𑍍)
𑌅𑌥 𑌵𑌜𑍍𑌰𑌕𑌵𑌚𑌮𑍍 ।
𑌓𑌂 𑌦𑌤𑍍𑌤𑌾𑌤𑍍𑌰𑍇𑌯𑌾𑌯 𑌶𑌿𑌰𑌃𑌪𑌾𑌤𑍁 𑌸𑌹𑌸𑍍𑌰𑌾𑌬𑍍𑌜𑍇𑌷𑍁 𑌸𑌂𑌸𑍍𑌥𑌿𑌤𑌃 ।
𑌫𑌾𑌲𑌂 𑌪𑌾𑌤𑍍𑌵𑌾𑌨𑌸𑍂𑌯𑍇𑌯𑌃 𑌚𑌂𑌦𑍍𑌰𑌮𑌂𑌡𑌲𑌮𑌧𑍍𑌯𑌗𑌃 ॥ 1 ॥
𑌕𑍂𑌰𑍍𑌚𑌂 𑌮𑌨𑍋𑌮𑌯𑌃 𑌪𑌾𑌤𑍁 𑌹𑌂 𑌕𑍍𑌷𑌂 𑌦𑍍𑌵𑌿𑌦𑌲𑌪𑌦𑍍𑌮𑌭𑍂𑌃 ।
𑌜𑍍𑌯𑍋𑌤𑌿𑌰𑍂𑌪𑍋𑌽𑌕𑍍𑌷𑌿𑌣𑍀𑌪𑌾𑌤𑍁 𑌪𑌾𑌤𑍁 𑌶𑌬𑍍𑌦𑌾𑌤𑍍𑌮𑌕𑌃 𑌶𑍍𑌰𑍁𑌤𑍀 ॥ 2 ॥
𑌨𑌾𑌸𑌿𑌕𑌾𑌂 𑌪𑌾𑌤𑍁 𑌗𑌂𑌧𑌾𑌤𑍍𑌮𑌾 𑌮𑍁𑌖𑌂 𑌪𑌾𑌤𑍁 𑌰𑌸𑌾𑌤𑍍𑌮𑌕𑌃 ।
𑌜𑌿𑌹𑍍𑌵𑌾𑌂 𑌵𑍇𑌦𑌾𑌤𑍍𑌮𑌕𑌃 𑌪𑌾𑌤𑍁 𑌦𑌂𑌤𑍋𑌷𑍍𑌠𑍌 𑌪𑌾𑌤𑍁 𑌧𑌾𑌰𑍍𑌮𑌿𑌕𑌃 ॥ 3 ॥
𑌕𑌪𑍋𑌲𑌾𑌵𑌤𑍍𑌰𑌿𑌭𑍂𑌃 𑌪𑌾𑌤𑍁 𑌪𑌾𑌤𑍍𑌵𑌶𑍇𑌷𑌂 𑌮𑌮𑌾𑌤𑍍𑌮𑌵𑌿𑌤𑍍 ।
𑌸𑌰𑍍𑌵𑌾𑌤𑍍𑌮𑌾 𑌷𑍋𑌡𑌶𑌾𑌰𑌾𑌬𑍍𑌜𑌸𑍍𑌥𑌿𑌤𑌃 𑌸𑍍𑌵𑌾𑌤𑍍𑌮𑌾𑌽𑌵𑌤𑌾𑌦𑍍 𑌗𑌲𑌮𑍍 ॥ 4 ॥
𑌸𑍍𑌕𑌂𑌧𑍌 𑌚𑌂𑌦𑍍𑌰𑌾𑌨𑍁𑌜𑌃 𑌪𑌾𑌤𑍁 𑌭𑍁𑌜𑍌 𑌪𑌾𑌤𑍁 𑌕𑍃𑌤𑌾𑌦𑌿𑌭𑍂𑌃 ।
𑌜𑌤𑍍𑌰𑍁𑌣𑍀 𑌶𑌤𑍍𑌰𑍁𑌜𑌿𑌤𑍍 𑌪𑌾𑌤𑍁 𑌪𑌾𑌤𑍁 𑌵𑌕𑍍𑌷𑌸𑍍𑌥𑌲𑌂 𑌹𑌰𑌿𑌃 ॥ 5 ॥
𑌕𑌾𑌦𑌿𑌠𑌾𑌂𑌤𑌦𑍍𑌵𑌾𑌦𑌶𑌾𑌰𑌪𑌦𑍍𑌮𑌗𑍋 𑌮𑌰𑍁𑌦𑌾𑌤𑍍𑌮𑌕𑌃 ।
𑌯𑍋𑌗𑍀𑌶𑍍𑌵𑌰𑍇𑌶𑍍𑌵𑌰𑌃 𑌪𑌾𑌤𑍁 𑌹𑍃𑌦𑌯𑌂 𑌹𑍃𑌦𑌯𑌸𑍍𑌥𑌿𑌤𑌃 ॥ 6 ॥
𑌪𑌾𑌰𑍍𑌶𑍍𑌵𑍇 𑌹𑌰𑌿𑌃 𑌪𑌾𑌰𑍍𑌶𑍍𑌵𑌵𑌰𑍍𑌤𑍀 𑌪𑌾𑌤𑍁 𑌪𑌾𑌰𑍍𑌶𑍍𑌵𑌸𑍍𑌥𑌿𑌤𑌃 𑌸𑍍𑌮𑍃𑌤𑌃 ।
𑌹𑌠𑌯𑍋𑌗𑌾𑌦𑌿𑌯𑍋𑌗𑌜𑍍𑌞𑌃 𑌕𑍁𑌕𑍍𑌷𑌿𑌂 𑌪𑌾𑌤𑍁 𑌕𑍃𑌪𑌾𑌨𑌿𑌧𑌿𑌃 ॥ ॥
𑌡𑌕𑌾𑌰𑌾𑌦𑌿 𑌫𑌕𑌾𑌰𑌾𑌂𑌤 𑌦𑌶𑌾𑌰𑌸𑌰𑌸𑍀𑌰𑍁𑌹𑍇 ।
𑌨𑌾𑌭𑌿𑌸𑍍𑌥𑌲𑍇 𑌵𑌰𑍍𑌤𑌮𑌾𑌨𑍋 𑌨𑌾𑌭𑌿𑌂 𑌵𑌹𑍍𑌨𑍍𑌯𑌾𑌤𑍍𑌮𑌕𑍋𑌽𑌵𑌤𑍁 ॥ ॥
𑌵𑌹𑍍𑌨𑌿𑌤𑌤𑍍𑌤𑍍𑌵𑌮𑌯𑍋 𑌯𑍋𑌗𑍀 𑌰𑌕𑍍𑌷𑌤𑌾𑌨𑍍𑌮𑌣𑌿𑌪𑍂𑌰𑌕𑌮𑍍 ।
𑌕𑌟𑌿𑌂 𑌕𑌟𑌿𑌸𑍍𑌥𑌬𑍍𑌰𑌹𑍍𑌮𑌾𑌂𑌡𑌵𑌾𑌸𑍁𑌦𑍇𑌵𑌾𑌤𑍍𑌮𑌕𑍋𑌽𑌵𑌤𑍁 ॥ ॥
𑌵𑌕𑌾𑌰𑌾𑌦𑌿 𑌲𑌕𑌾𑌰𑌾𑌂𑌤 𑌷𑌟𑍍𑌪𑌤𑍍𑌰𑌾𑌂𑌬𑍁𑌜𑌬𑍋𑌧𑌕𑌃 ।
𑌜𑌲𑌤𑌤𑍍𑌤𑍍𑌵𑌮𑌯𑍋 𑌯𑍋𑌗𑍀 𑌸𑍍𑌵𑌾𑌧𑌿𑌷𑍍𑌠𑌾𑌨𑌂 𑌮𑌮𑌾𑌵𑌤𑍁 ॥ 10 ॥
𑌸𑌿𑌦𑍍𑌧𑌾𑌸𑌨 𑌸𑌮𑌾𑌸𑍀𑌨 𑌊𑌰𑍂 𑌸𑌿𑌦𑍍𑌧𑍇𑌶𑍍𑌵𑌰𑍋𑌽𑌵𑌤𑍁 ।
𑌵𑌾𑌦𑌿𑌸𑌾𑌂𑌤 𑌚𑌤𑍁𑌷𑍍𑌪𑌤𑍍𑌰𑌸𑌰𑍋𑌰𑍁𑌹 𑌨𑌿𑌬𑍋𑌧𑌕𑌃 ॥ 11 ॥
𑌮𑍂𑌲𑌾𑌧𑌾𑌰𑌂 𑌮𑌹𑍀𑌰𑍂𑌪𑍋 𑌰𑌕𑍍𑌷𑌤𑌾𑌦𑍍 𑌵𑍀𑌰𑍍𑌯𑌨𑌿𑌗𑍍𑌰𑌹𑍀 ।
𑌪𑍃𑌷𑍍𑌠𑌂 𑌚 𑌸𑌰𑍍𑌵𑌤𑌃 𑌪𑌾𑌤𑍁 𑌜𑌾𑌨𑍁𑌨𑍍𑌯𑌸𑍍𑌤𑌕𑌰𑌾𑌂𑌬𑍁𑌜𑌃 ॥ 12 ॥
𑌜𑌂𑌘𑍇 𑌪𑌾𑌤𑍍𑌵𑌵𑌧𑍂𑌤𑍇𑌂𑌦𑍍𑌰𑌃 𑌪𑌾𑌤𑍍𑌵𑌂𑌘𑍍𑌰𑍀 𑌤𑍀𑌰𑍍𑌥𑌪𑌾𑌵𑌨𑌃 ।
𑌸𑌰𑍍𑌵𑌾𑌂𑌗𑌂 𑌪𑌾𑌤𑍁 𑌸𑌰𑍍𑌵𑌾𑌤𑍍𑌮𑌾 𑌰𑍋𑌮𑌾𑌣𑍍𑌯𑌵𑌤𑍁 𑌕𑍇𑌶𑌵𑌃 ॥ 13 ॥
𑌚𑌰𑍍𑌮 𑌚𑌰𑍍𑌮𑌾𑌂𑌬𑌰𑌃 𑌪𑌾𑌤𑍁 𑌰𑌕𑍍𑌤𑌂 𑌭𑌕𑍍𑌤𑌿𑌪𑍍𑌰𑌿𑌯𑍋𑌽𑌵𑌤𑍁 ।
𑌮𑌾𑌂𑌸𑌂 𑌮𑌾𑌂𑌸𑌕𑌰𑌃 𑌪𑌾𑌤𑍁 𑌮𑌜𑍍𑌜𑌾𑌂 𑌮𑌜𑍍𑌜𑌾𑌤𑍍𑌮𑌕𑍋𑌽𑌵𑌤𑍁 ॥ 14 ॥
𑌅𑌸𑍍𑌥𑍀𑌨𑌿 𑌸𑍍𑌥𑌿𑌰𑌧𑍀𑌃 𑌪𑌾𑌯𑌾𑌨𑍍𑌮𑍇𑌧𑌾𑌂 𑌵𑍇𑌧𑌾𑌃 𑌪𑍍𑌰𑌪𑌾𑌲𑌯𑍇𑌤𑍍 ।
𑌶𑍁𑌕𑍍𑌰𑌂 𑌸𑍁𑌖𑌕𑌰𑌃 𑌪𑌾𑌤𑍁 𑌚𑌿𑌤𑍍𑌤𑌂 𑌪𑌾𑌤𑍁 𑌦𑍃𑌢𑌾𑌕𑍃𑌤𑌿𑌃 ॥ 15 ॥
𑌮𑌨𑍋𑌬𑍁𑌦𑍍𑌧𑌿𑌮𑌹𑌂𑌕𑌾𑌰𑌂 𑌹𑍃𑌷𑍀𑌕𑍇𑌶𑌾𑌤𑍍𑌮𑌕𑍋𑌽𑌵𑌤𑍁 ।
𑌕𑌰𑍍𑌮𑍇𑌂𑌦𑍍𑌰𑌿𑌯𑌾𑌣𑌿 𑌪𑌾𑌤𑍍𑌵𑍀𑌶𑌃 𑌪𑌾𑌤𑍁 𑌜𑍍𑌞𑌾𑌨𑍇𑌂𑌦𑍍𑌰𑌿𑌯𑌾𑌣𑍍𑌯𑌜𑌃 ॥ 16 ॥
𑌬𑌂𑌧𑍂𑌨𑍍 𑌬𑌂𑌧𑍂𑌤𑍍𑌤𑌮𑌃 𑌪𑌾𑌯𑌾𑌚𑍍𑌛𑌤𑍍𑌰𑍁𑌭𑍍𑌯𑌃 𑌪𑌾𑌤𑍁 𑌶𑌤𑍍𑌰𑍁𑌜𑌿𑌤𑍍 ।
𑌗𑍃𑌹𑌾𑌰𑌾𑌮𑌧𑌨𑌕𑍍𑌷𑍇𑌤𑍍𑌰𑌪𑍁𑌤𑍍𑌰𑌾𑌦𑍀𑌨𑍍 𑌶𑌂𑌕𑌰𑍋𑌽𑌵𑌤𑍁 ॥ 1 ॥
𑌭𑌾𑌰𑍍𑌯𑌾𑌂 𑌪𑍍𑌰𑌕𑍃𑌤𑌿𑌵𑌿𑌤𑍍 𑌪𑌾𑌤𑍁 𑌪𑌶𑍍𑌵𑌾𑌦𑍀𑌨𑍍 𑌪𑌾𑌤𑍁 𑌶𑌾𑌰𑍍𑌂𑌗𑌭𑍃𑌤𑍍 ।
𑌪𑍍𑌰𑌾𑌣𑌾𑌨𑍍 𑌪𑌾𑌤𑍁 𑌪𑍍𑌰𑌧𑌾𑌨𑌜𑍍𑌞𑍋 𑌭𑌕𑍍𑌷𑍍𑌯𑌾𑌦𑍀𑌨𑍍 𑌪𑌾𑌤𑍁 𑌭𑌾𑌸𑍍𑌕𑌰𑌃 ॥ 1 ॥
𑌸𑍁𑌖𑌂 𑌚𑌂𑌦𑍍𑌰𑌾𑌤𑍍𑌮𑌕𑌃 𑌪𑌾𑌤𑍁 𑌦𑍁𑌃𑌖𑌾𑌤𑍍 𑌪𑌾𑌤𑍁 𑌪𑍁𑌰𑌾𑌂𑌤𑌕𑌃 ।
𑌪𑌶𑍂𑌨𑍍 𑌪𑌶𑍁𑌪𑌤𑌿𑌃 𑌪𑌾𑌤𑍁 𑌭𑍂𑌤𑌿𑌂 𑌭𑍂𑌤𑍇𑌶𑍍𑌵𑌰𑍋 𑌮𑌮 ॥ 1 ॥
𑌪𑍍𑌰𑌾𑌚𑍍𑌯𑌾𑌂 𑌵𑌿𑌷𑌹𑌰𑌃 𑌪𑌾𑌤𑍁 𑌪𑌾𑌤𑍍𑌵𑌾𑌗𑍍𑌨𑍇𑌯𑍍𑌯𑌾𑌂 𑌮𑌖𑌾𑌤𑍍𑌮𑌕𑌃 ।
𑌯𑌾𑌮𑍍𑌯𑌾𑌂 𑌧𑌰𑍍𑌮𑌾𑌤𑍍𑌮𑌕𑌃 𑌪𑌾𑌤𑍁 𑌨𑍈𑌰𑍃𑌤𑍍𑌯𑌾𑌂 𑌸𑌰𑍍𑌵𑌵𑍈𑌰𑌿𑌹𑍃𑌤𑍍 ॥ 20 ॥
𑌵𑌰𑌾𑌹𑌃 𑌪𑌾𑌤𑍁 𑌵𑌾𑌰𑍁𑌣𑍍𑌯𑌾𑌂 𑌵𑌾𑌯𑌵𑍍𑌯𑌾𑌂 𑌪𑍍𑌰𑌾𑌣𑌦𑍋𑌽𑌵𑌤𑍁 ।
𑌕𑍌𑌬𑍇𑌰𑍍𑌯𑌾𑌂 𑌧𑌨𑌦𑌃 𑌪𑌾𑌤𑍁 𑌪𑌾𑌤𑍍𑌵𑍈𑌶𑌾𑌨𑍍𑌯𑌾𑌂 𑌮𑌹𑌾𑌗𑍁𑌰𑍁𑌃 ॥ 21 ॥
𑌊𑌰𑍍𑌧𑍍𑌵𑌂 𑌪𑌾𑌤𑍁 𑌮𑌹𑌾𑌸𑌿𑌦𑍍𑌧𑌃 𑌪𑌾𑌤𑍍𑌵𑌧𑌸𑍍𑌤𑌾𑌜𑍍𑌜𑌟𑌾𑌧𑌰𑌃 ।
𑌰𑌕𑍍𑌷𑌾𑌹𑍀𑌨𑌂 𑌤𑍁 𑌯𑌤𑍍 𑌸𑍍𑌥𑌾𑌨𑌂 𑌰𑌕𑍍𑌷𑌤𑍍𑌵𑌾𑌦𑌿𑌮𑍁𑌨𑍀𑌶𑍍𑌵𑌰𑌃 ॥ 22 ॥
𑌕𑌰𑌨𑍍𑌯𑌾𑌸𑌃 ।
𑌓𑌂 𑌦𑍍𑌰𑌾𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍂𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍈𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑍌𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌦𑍍𑌰𑌃 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌹𑍃𑌦𑌯𑌾𑌦𑌿𑌨𑍍𑌯𑌾𑌸𑌃 ।
𑌓𑌂 𑌦𑍍𑌰𑌾𑌂 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌦𑍍𑌰𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌦𑍍𑌰𑍂𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌦𑍍𑌰𑍈𑌂 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌦𑍍𑌰𑍌𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌦𑍍𑌰𑌃 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌵𑌿𑌮𑍋𑌕𑌃 ।
𑌫𑌲𑌶𑍃𑌤𑌿 ॥
𑌏𑌤𑌨𑍍𑌮𑍇 𑌵𑌜𑍍𑌰𑌕𑌵𑌚𑌂 𑌯𑌃 𑌪𑌠𑍇𑌤𑍍 𑌶𑍃𑌣𑍁𑌯𑌾𑌦𑌪𑌿 ।
𑌵𑌜𑍍𑌰𑌕𑌾𑌯𑌶𑍍𑌚𑌿𑌰𑌂𑌜𑍀𑌵𑍀 𑌦𑌤𑍍𑌤𑌾𑌤𑍍𑌰𑍇𑌯𑍋𑌽𑌹𑌮𑌬𑍍𑌰𑍁𑌵𑌮𑍍 ॥ 23 ॥
𑌤𑍍𑌯𑌾𑌗𑍀 𑌭𑍋𑌗𑍀 𑌮𑌹𑌾𑌯𑍋𑌗𑍀 𑌸𑍁𑌖𑌦𑍁𑌃𑌖𑌵𑌿𑌵𑌰𑍍𑌜𑌿𑌤𑌃 ।
𑌸𑌰𑍍𑌵𑌤𑍍𑌰 𑌸𑌿𑌦𑍍𑌧𑌸𑌂𑌕𑌲𑍍𑌪𑍋 𑌜𑍀𑌵𑌨𑍍𑌮𑍁𑌕𑍍𑌤𑍋𑌽𑌦𑍍𑌯𑌵𑌰𑍍𑌤𑌤𑍇 ॥ 24 ॥
𑌇𑌤𑍍𑌯𑍁𑌕𑍍𑌤𑍍𑌵𑌾𑌂𑌤𑌰𑍍𑌦𑌧𑍇 𑌯𑍋𑌗𑍀 𑌦𑌤𑍍𑌤𑌾𑌤𑍍𑌰𑍇𑌯𑍋 𑌦𑌿𑌗𑌂𑌬𑌰𑌃 ।
𑌦𑌲𑌾𑌦𑌨𑍋𑌽𑌪𑌿 𑌤𑌜𑍍𑌜𑌪𑍍𑌤𑍍𑌵𑌾 𑌜𑍀𑌵𑌨𑍍𑌮𑍁𑌕𑍍𑌤𑌃 𑌸 𑌵𑌰𑍍𑌤𑌤𑍇 ॥ 25 ॥
𑌭𑌿𑌲𑍍𑌲𑍋 𑌦𑍂𑌰𑌶𑍍𑌰𑌵𑌾 𑌨𑌾𑌮 𑌤𑌦𑌾𑌨𑍀𑌂 𑌶𑍍𑌰𑍁𑌤𑌵𑌾𑌨𑌿𑌦𑌮𑍍 ।
𑌸𑌕𑍃𑌚𑍍𑌛𑍍𑌰𑌵𑌣𑌮𑌾𑌤𑍍𑌰𑍇𑌣 𑌵𑌜𑍍𑌰𑌾𑌂𑌗𑍋𑌽𑌭𑌵𑌦𑌪𑍍𑌯𑌸𑍌 ॥ 26 ॥
𑌇𑌤𑍍𑌯𑍇𑌤𑌦𑍍 𑌵𑌜𑍍𑌰𑌕𑌵𑌚𑌂 𑌦𑌤𑍍𑌤𑌾𑌤𑍍𑌰𑍇𑌯𑌸𑍍𑌯 𑌯𑍋𑌗𑌿𑌨𑌃 ।
𑌶𑍍𑌰𑍁𑌤𑍍𑌵𑌾 𑌶𑍇𑌷𑌂 𑌶𑌂𑌭𑍁𑌮𑍁𑌖𑌾𑌤𑍍 𑌪𑍁𑌨𑌰𑌪𑍍𑌯𑌾𑌹 𑌪𑌾𑌰𑍍𑌵𑌤𑍀 ॥ 2 ॥
𑌶𑍍𑌰𑍀 𑌪𑌾𑌰𑍍𑌵𑌤𑍍𑌯𑍁𑌵𑌾𑌚 ।
𑌏𑌤𑌤𑍍 𑌕𑌵𑌚 𑌮𑌾𑌹𑌾𑌤𑍍𑌮𑍍𑌯𑌂 𑌵𑌦 𑌵𑌿𑌸𑍍𑌤𑌰𑌤𑍋 𑌮𑌮 ।
𑌕𑍁𑌤𑍍𑌰 𑌕𑍇𑌨 𑌕𑌦𑌾 𑌜𑌾𑌪𑍍𑌯𑌂 𑌕𑌿𑌯𑌜𑍍𑌜𑌾𑌪𑍍𑌯𑌂 𑌕𑌥𑌂 𑌕𑌥𑌮𑍍 ॥ 2 ॥
𑌉𑌵𑌾𑌚 𑌶𑌂𑌭𑍁𑌸𑍍𑌤𑌤𑍍 𑌸𑌰𑍍𑌵𑌂 𑌪𑌾𑌰𑍍𑌵𑌤𑍍𑌯𑌾 𑌵𑌿𑌨𑌯𑍋𑌦𑌿𑌤𑌮𑍍 ।
𑌶𑍍𑌰𑍀𑌪𑌰𑌮𑍇𑌶𑍍𑌵𑌰 𑌉𑌵𑌾𑌚 ।
𑌶𑍃𑌣𑍁 𑌪𑌾𑌰𑍍𑌵𑌤𑌿 𑌵𑌕𑍍𑌷𑍍𑌯𑌾𑌮𑌿 𑌸𑌮𑌾𑌹𑌿𑌤𑌮𑌨𑌾𑌵𑌿𑌲𑌮𑍍 ॥ 2 ॥
𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌾𑌣𑌾𑌮𑌿𑌦𑌮𑍇𑌵 𑌪𑌰𑌾𑌯𑌣𑌮𑍍 ।
𑌹𑌸𑍍𑌤𑍍𑌯𑌶𑍍𑌵𑌰𑌥𑌪𑌾𑌦𑌾𑌤𑌿 𑌸𑌰𑍍𑌵𑍈𑌶𑍍𑌵𑌰𑍍𑌯 𑌪𑍍𑌰𑌦𑌾𑌯𑌕𑌮𑍍 ॥ 30 ॥
𑌪𑍁𑌤𑍍𑌰𑌮𑌿𑌤𑍍𑌰𑌕𑌳𑌤𑍍𑌰𑌾𑌦𑌿 𑌸𑌰𑍍𑌵𑌸𑌂𑌤𑍋𑌷𑌸𑌾𑌧𑌨𑌮𑍍 ।
𑌵𑍇𑌦𑌶𑌾𑌸𑍍𑌤𑍍𑌰𑌾𑌦𑌿𑌵𑌿𑌦𑍍𑌯𑌾𑌨𑌾𑌂 𑌵𑌿𑌧𑌾𑌨𑌂 𑌪𑌰𑌮𑌂 𑌹𑌿 𑌤𑌤𑍍 ॥ 31 ॥
𑌸𑌂𑌗𑍀𑌤 𑌶𑌾𑌸𑍍𑌤𑍍𑌰 𑌸𑌾𑌹𑌿𑌤𑍍𑌯 𑌸𑌤𑍍𑌕𑌵𑌿𑌤𑍍𑌵 𑌵𑌿𑌧𑌾𑌯𑌕𑌮𑍍 ।
𑌬𑍁𑌦𑍍𑌧𑌿 𑌵𑌿𑌦𑍍𑌯𑌾 𑌸𑍍𑌮𑍃𑌤𑌿 𑌪𑍍𑌰𑌜𑍍𑌞𑌾 𑌮𑌤𑌿 𑌪𑍍𑌰𑍌𑌢𑌿𑌪𑍍𑌰𑌦𑌾𑌯𑌕𑌮𑍍 ॥ 32 ॥
𑌸𑌰𑍍𑌵𑌸𑌂𑌤𑍋𑌷𑌕𑌰𑌣𑌂 𑌸𑌰𑍍𑌵𑌦𑍁𑌃𑌖𑌨𑌿𑌵𑌾𑌰𑌣𑌮𑍍 ।
𑌶𑌤𑍍𑌰𑍁𑌸𑌂𑌹𑌾𑌰𑌕𑌂 𑌶𑍀𑌘𑍍𑌰𑌂 𑌯𑌶𑌃𑌕𑍀𑌰𑍍𑌤𑌿𑌵𑌿𑌵𑌰𑍍𑌧𑌨𑌮𑍍 ॥ 33 ॥
𑌅𑌷𑍍𑌟𑌸𑌂𑌖𑍍𑌯𑌾 𑌮𑌹𑌾𑌰𑍋𑌗𑌾𑌃 𑌸𑌨𑍍𑌨𑌿𑌪𑌾𑌤𑌾𑌸𑍍𑌤𑍍𑌰𑌯𑍋𑌦𑌶 ।
𑌷𑌣𑍍𑌣𑌵𑌤𑍍𑌯𑌕𑍍𑌷𑌿𑌰𑍋𑌗𑌾𑌶𑍍𑌚 𑌵𑌿𑌂𑌶𑌤𑌿𑌰𑍍𑌮𑍇𑌹𑌰𑍋𑌗𑌕𑌾𑌃 ॥ 34 ॥
𑌅𑌷𑍍𑌟𑌾𑌦𑌶𑌤𑍁 𑌕𑍁𑌷𑍍𑌠𑌾𑌨𑌿 𑌗𑍁𑌲𑍍𑌮𑌾𑌨𑍍𑌯𑌷𑍍𑌟𑌵𑌿𑌧𑌾𑌨𑍍𑌯𑌪𑌿 ।
𑌅𑌶𑍀𑌤𑌿𑌰𑍍𑌵𑌾𑌤𑌰𑍋𑌗𑌾𑌶𑍍𑌚 𑌚𑌤𑍍𑌵𑌾𑌰𑌿𑌂𑌶𑌤𑍍𑌤𑍁 𑌪𑍈𑌤𑍍𑌤𑌿𑌕𑌾𑌃 ॥ 35 ॥
𑌵𑌿𑌂𑌶𑌤𑌿𑌃 𑌶𑍍𑌲𑍇𑌷𑍍𑌮𑌰𑍋𑌗𑌾𑌶𑍍𑌚 𑌕𑍍𑌷𑌯𑌚𑌾𑌤𑍁𑌰𑍍𑌥𑌿𑌕𑌾𑌦𑌯𑌃 ।
𑌮𑌂𑌤𑍍𑌰𑌯𑌂𑌤𑍍𑌰𑌕𑍁𑌯𑍋𑌗𑌾𑌦𑍍𑌯𑌾𑌃 𑌕𑌲𑍍𑌪𑌤𑌂𑌤𑍍𑌰𑌾𑌦𑌿𑌨𑌿𑌰𑍍𑌮𑌿𑌤𑌾𑌃 ॥ 36 ॥
𑌬𑍍𑌰𑌹𑍍𑌮𑌰𑌾𑌕𑍍𑌷𑌸 𑌵𑍇𑌤𑌾𑌲𑌕𑍂𑌷𑍍𑌮𑌾𑌂𑌡𑌾𑌦𑌿 𑌗𑍍𑌰𑌹𑍋𑌦𑍍𑌭𑌵𑌾𑌃 ।
𑌸𑌂𑌗𑌜𑌾 𑌦𑍇𑌶𑌕𑌾𑌲𑌸𑍍𑌥𑌾𑌸𑍍𑌤𑌾𑌪𑌤𑍍𑌰𑌯𑌸𑌮𑍁𑌤𑍍𑌥𑌿𑌤𑌾𑌃 ॥ 3 ॥
𑌨𑌵𑌗𑍍𑌰𑌹𑌸𑌮𑍁𑌦𑍍𑌭𑍂𑌤𑌾 𑌮𑌹𑌾𑌪𑌾𑌤𑌕 𑌸𑌂𑌭𑌵𑌾𑌃 ।
𑌸𑌰𑍍𑌵𑍇 𑌰𑍋𑌗𑌾𑌃 𑌪𑍍𑌰𑌣𑌶𑍍𑌯𑌂𑌤𑌿 𑌸𑌹𑌸𑍍𑌰𑌾𑌵𑌰𑍍𑌤𑌨𑌾𑌦𑍍 𑌧𑍍𑌰𑍁𑌵𑌮𑍍 ॥ 3 ॥
𑌅𑌯𑍁𑌤𑌾𑌵𑍃𑌤𑍍𑌤𑌿𑌮𑌾𑌤𑍍𑌰𑍇𑌣 𑌵𑌂𑌧𑍍𑌯𑌾 𑌪𑍁𑌤𑍍𑌰𑌵𑌤𑍀 𑌭𑌵𑍇𑌤𑍍 ।
𑌅𑌯𑍁𑌤𑌦𑍍𑌵𑌿𑌤𑌯𑌾𑌵𑍃𑌤𑍍𑌤𑍍𑌯𑌾 𑌹𑍍𑌯𑌪𑌮𑍃𑌤𑍍𑌯𑍁𑌜𑌯𑍋 𑌭𑌵𑍇𑌤𑍍 ॥ 3 ॥
𑌅𑌯𑍁𑌤𑌤𑍍𑌰𑌿𑌤𑌯𑌾𑌚𑍍𑌚𑍈𑌵 𑌖𑍇𑌚𑌰𑌤𑍍𑌵𑌂 𑌪𑍍𑌰𑌜𑌾𑌯𑌤𑍇 ।
𑌸𑌹𑌸𑍍𑌰𑌾𑌯𑍁𑌤𑌦𑌰𑍍𑌵𑌾𑌕𑍍 𑌸𑌰𑍍𑌵𑌕𑌾𑌰𑍍𑌯𑌾𑌣𑌿 𑌸𑌾𑌧𑌯𑍇𑌤𑍍 ॥ 40 ॥
𑌲𑌕𑍍𑌷𑌾𑌵𑍃𑌤𑍍𑌤𑍍𑌯𑌾 𑌸𑌰𑍍𑌵𑌸𑌿𑌦𑍍𑌧𑌿𑌰𑍍𑌭𑌵𑌤𑍍𑌯𑍇𑌵 𑌨 𑌸𑌂𑌶𑌯𑌃 ॥ 41 ॥
𑌵𑌿𑌷𑌵𑍃𑌕𑍍𑌷𑌸𑍍𑌯 𑌮𑍂𑌲𑍇𑌷𑍁 𑌤𑌿𑌷𑍍𑌠𑌨𑍍 𑌵𑍈 𑌦𑌕𑍍𑌷𑌿𑌣𑌾𑌮𑍁𑌖𑌃 ।
𑌕𑍁𑌰𑍁𑌤𑍇 𑌮𑌾𑌸𑌮𑌾𑌤𑍍𑌰𑍇𑌣 𑌵𑍈𑌰𑌿𑌣𑌂 𑌵𑌿𑌕𑌲𑍇𑌂𑌦𑍍𑌰𑌿𑌯𑌮𑍍 ॥ 42 ॥
𑌔𑌦𑍁𑌂𑌬𑌰𑌤𑌰𑍋𑌰𑍍𑌮𑍂𑌲𑍇 𑌵𑍃𑌦𑍍𑌧𑌿𑌕𑌾𑌮𑍇𑌨 𑌜𑌾𑌪𑍍𑌯𑌤𑍇 ।
𑌶𑍍𑌰𑍀𑌵𑍃𑌕𑍍𑌷𑌮𑍂𑌲𑍇 𑌶𑍍𑌰𑍀𑌕𑌾𑌮𑍀 𑌤𑌿𑌂𑌤𑍍𑌰𑌿𑌣𑍀 𑌶𑌾𑌂𑌤𑌿𑌕𑌰𑍍𑌮𑌣𑌿 ॥ 43 ॥
𑌓𑌜𑌸𑍍𑌕𑌾𑌮𑍋𑌽𑌶𑍍𑌵𑌤𑍍𑌥𑌮𑍂𑌲𑍇 𑌸𑍍𑌤𑍍𑌰𑍀𑌕𑌾𑌮𑍈𑌃 𑌸𑌹𑌕𑌾𑌰𑌕𑍇 ।
𑌜𑍍𑌞𑌾𑌨𑌾𑌰𑍍𑌥𑍀 𑌤𑍁𑌲𑌸𑍀𑌮𑍂𑌲𑍇 𑌗𑌰𑍍𑌭𑌗𑍇𑌹𑍇 𑌸𑍁𑌤𑌾𑌰𑍍𑌥𑌿𑌭𑌿𑌃 ॥ 44 ॥
𑌧𑌨𑌾𑌰𑍍𑌥𑌿𑌭𑌿𑌸𑍍𑌤𑍁 𑌸𑍁𑌕𑍍𑌷𑍇𑌤𑍍𑌰𑍇 𑌪𑌶𑍁𑌕𑌾𑌮𑍈𑌸𑍍𑌤𑍁 𑌗𑍋𑌷𑍍𑌠𑌕𑍇 ।
𑌦𑍇𑌵𑌾𑌲𑌯𑍇 𑌸𑌰𑍍𑌵𑌕𑌾𑌮𑍈𑌸𑍍𑌤𑌤𑍍𑌕𑌾𑌲𑍇 𑌸𑌰𑍍𑌵𑌦𑌰𑍍𑌶𑌿𑌤𑌮𑍍 ॥ 45 ॥
𑌨𑌾𑌭𑌿𑌮𑌾𑌤𑍍𑌰𑌜𑌲𑍇 𑌸𑍍𑌥𑌿𑌤𑍍𑌵𑌾 𑌭𑌾𑌨𑍁𑌮𑌾𑌲𑍋𑌕𑍍𑌯 𑌯𑍋 𑌜𑌪𑍇𑌤𑍍 ।
𑌯𑍁𑌦𑍍𑌧𑍇 𑌵𑌾 𑌶𑌾𑌸𑍍𑌤𑍍𑌰𑌵𑌾𑌦𑍇 𑌵𑌾 𑌸𑌹𑌸𑍍𑌰𑍇𑌣 𑌜𑌯𑍋 𑌭𑌵𑍇𑌤𑍍 ॥ 46 ॥
𑌕𑌂𑌠𑌮𑌾𑌤𑍍𑌰𑍇 𑌜𑌲𑍇 𑌸𑍍𑌥𑌿𑌤𑍍𑌵𑌾 𑌯𑍋 𑌰𑌾𑌤𑍍𑌰𑍌 𑌕𑌵𑌚𑌂 𑌪𑌠𑍇𑌤𑍍 ।
𑌜𑍍𑌵𑌰𑌾𑌪𑌸𑍍𑌮𑌾𑌰𑌕𑍁𑌷𑍍𑌠𑌾𑌦𑌿 𑌤𑌾𑌪𑌜𑍍𑌵𑌰𑌨𑌿𑌵𑌾𑌰𑌣𑌮𑍍 ॥ 4 ॥
𑌯𑌤𑍍𑌰 𑌯𑌤𑍍 𑌸𑍍𑌯𑌾𑌤𑍍 𑌸𑍍𑌥𑌿𑌰𑌂 𑌯𑌦𑍍𑌯𑌤𑍍 𑌪𑍍𑌰𑌸𑌕𑍍𑌤𑌂 𑌤𑌨𑍍𑌨𑌿𑌵𑌰𑍍𑌤𑌤𑍇 ।
𑌤𑍇𑌨 𑌤𑌤𑍍𑌰 𑌹𑌿 𑌜𑌪𑍍𑌤𑌵𑍍𑌯𑌂 𑌤𑌤𑌃 𑌸𑌿𑌦𑍍𑌧𑌿𑌰𑍍𑌭𑌵𑍇𑌦𑍍𑌧𑍍𑌰𑍁𑌵𑌮𑍍 ॥ 4 ॥
𑌇𑌤𑍍𑌯𑍁𑌕𑍍𑌤𑌵𑌾𑌨𑍍 𑌶𑌿𑌵𑍋 𑌗𑍌𑌰𑍍𑌵𑍈 𑌰𑌹𑌸𑍍𑌯𑌂 𑌪𑌰𑌮𑌂 𑌶𑍁𑌭𑌮𑍍 ।
𑌯𑌃 𑌪𑌠𑍇𑌤𑍍 𑌵𑌜𑍍𑌰𑌕𑌵𑌚𑌂 𑌦𑌤𑍍𑌤𑌾𑌤𑍍𑌰𑍇𑌯 𑌸𑌮𑍋 𑌭𑌵𑍇𑌤𑍍 ॥ 4 ॥
𑌏𑌵𑌂 𑌶𑌿𑌵𑍇𑌨 𑌕𑌥𑌿𑌤𑌂 𑌹𑌿𑌮𑌵𑌤𑍍𑌸𑍁𑌤𑌾𑌯𑍈
𑌪𑍍𑌰𑍋𑌕𑍍𑌤𑌂 𑌦𑌲𑌾𑌦𑌮𑍁𑌨𑌯𑍇𑌽𑌤𑍍𑌰𑌿𑌸𑍁𑌤𑍇𑌨 𑌪𑍂𑌰𑍍𑌵𑌮𑍍 ।
𑌯𑌃 𑌕𑍋𑌽𑌪𑌿 𑌵𑌜𑍍𑌰𑌕𑌵𑌚𑌂 𑌪𑌠𑌤𑍀𑌹 𑌲𑍋𑌕𑍇
𑌦𑌤𑍍𑌤𑍋𑌪𑌮𑌶𑍍𑌚𑌰𑌤𑌿 𑌯𑍋𑌗𑌿𑌵𑌰𑌶𑍍𑌚𑌿𑌰𑌾𑌯𑍁𑌃 ॥ 50 ॥
𑌇𑌤𑌿 𑌶𑍍𑌰𑍀 𑌰𑍁𑌦𑍍𑌰𑌯𑌾𑌮𑌳𑍇 𑌹𑌿𑌮𑌵𑌤𑍍𑌖𑌂𑌡𑍇 𑌮𑌂𑌤𑍍𑌰𑌶𑌾𑌸𑍍𑌤𑍍𑌰𑍇 𑌉𑌮𑌾𑌮𑌹𑍇𑌶𑍍𑌵𑌰𑌸𑌂𑌵𑌾𑌦𑍇 𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌵𑌜𑍍𑌰𑌕𑌵𑌚𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥
