ජටාධරං පාංඩුරාංගං ශූලහස්තං කෘපානිධිම් ।
සර්වරෝගහරං දේවං දත්තාත්රේයමහං භජේ ॥ 1 ॥

අස්ය ශ්රීදත්තාත්රේයස්තෝත්රමංත්රස්ය භගවාන්නාරදෘෂිඃ । අනුෂ්ටුප් ඡංදඃ । ශ්රීදත්තඃ පරමාත්මා දේවතා । ශ්රීදත්තාත්රේය ප්රීත්යර්ථේ ජපේ විනියෝගඃ ॥

නාරද උවාච ।
ජගදුත්පත්තිකර්ත්රේ ච ස්ථිතිසංහාරහේතවේ ।
භවපාශවිමුක්තාය දත්තාත්රේය නමෝऽස්තු තේ ॥ 1 ॥

ජරාජන්මවිනාශාය දේහශුද්ධිකරාය ච ।
දිගංබර දයාමූර්තේ දත්තාත්රේය නමෝऽස්තු තේ ॥ 2 ॥

කර්පූරකාංතිදේහාය බ්රහ්මමූර්තිධරාය ච ।
වේදශාස්ත්රපරිජ්ඤාය දත්තාත්රේය නමෝऽස්තු තේ ॥ 3 ॥

හ්රස්වදීර්ඝකෘශස්ථූලනාමගෝත්රවිවර්ජිත ।
පංචභූතෛකදීප්තාය දත්තාත්රේය නමෝऽස්තු තේ ॥ 4 ॥

යජ්ඤභෝක්තේ ච යජ්ඤාය යජ්ඤරූපධරාය ච ।
යජ්ඤප්රියාය සිද්ධාය දත්තාත්රේය නමෝऽස්තු තේ ॥ 5 ॥

ආදෞ බ්රහ්මා හරිර්මධ්යේ හ්යංතේ දේවස්සදාශිවඃ ।
මූර්තිත්රයස්වරූපාය දත්තාත්රේය නමෝऽස්තු තේ ॥ 6 ॥

භෝගාලයාය භෝගාය යෝගයෝග්යාය ධාරිණේ ।
ජිතේංද්රිය ජිතජ්ඤාය දත්තාත්රේය නමෝऽස්තු තේ ॥ 7 ॥

දිගංබරාය දිව්යාය දිව්යරූපධරාය ච ।
සදෝදිතපරබ්රහ්ම දත්තාත්රේය නමෝऽස්තු තේ ॥ 8 ॥

ජංබූද්වීපේ මහාක්ෂේත්රේ මාතාපුරනිවාසිනේ ।
ජයමාන සතාං දේව දත්තාත්රේය නමෝऽස්තු තේ ॥ 9 ॥

භික්ෂාටනං ගෘහේ ග්රාමේ පාත්රං හේමමයං කරේ ।
නානාස්වාදමයී භික්ෂා දත්තාත්රේය නමෝऽස්තු තේ ॥ 10 ॥

බ්රහ්මජ්ඤානමයී මුද්රා වස්ත්රේ චාකාශභූතලේ ।
ප්රජ්ඤානඝනබෝධාය දත්තාත්රේය නමෝऽස්තු තේ ॥ 11 ॥

අවධූත සදානංද පරබ්රහ්මස්වරූපිණේ ।
විදේහදේහරූපාය දත්තාත්රේය නමෝऽස්තු තේ ॥ 12 ॥

සත්යරූප සදාචාර සත්යධර්මපරායණ ।
සත්යාශ්රයපරෝක්ෂාය දත්තාත්රේය නමෝऽස්තු තේ ॥ 13 ॥

ශූලහස්තගදාපාණේ වනමාලාසුකංධර ।
යජ්ඤසූත්රධර බ්රහ්මන් දත්තාත්රේය නමෝऽස්තු තේ ॥ 14 ॥

ක්ෂරාක්ෂරස්වරූපාය පරාත්පරතරාය ච ।
දත්තමුක්තිපරස්තෝත්ර දත්තාත්රේය නමෝऽස්තු තේ ॥ 15 ॥

දත්ත විද්යාඪ්ය ලක්ෂ්මීශ දත්ත ස්වාත්මස්වරූපිණේ ।
ගුණනිර්ගුණරූපාය දත්තාත්රේය නමෝऽස්තු තේ ॥ 16 ॥

ශත්රුනාශකරං ස්තෝත්රං ජ්ඤානවිජ්ඤානදායකම් ।
සර්වපාපං ශමං යාති දත්තාත්රේය නමෝऽස්තු තේ ॥ 17 ॥

ඉදං ස්තෝත්රං මහද්දිව්යං දත්තප්රත්යක්ෂකාරකම් ।
දත්තාත්රේයප්රසාදාච්ච නාරදේන ප්රකීර්තිතම් ॥ 18 ॥

ඉති ශ්රීනාරදපුරාණේ නාරදවිරචිතං ශ්රී දත්තාත්රේය ස්තෝත්රම් ।