ક્રિયાસિદ્ધિઃ સત્ત્વે ભવતિ મહતાન્નોપકરણે ।
સેવાદીક્ષિત ! ચિરપ્રતિજ્ઞ !
મા વિસ્મર ભો સૂક્તિમ્ ॥

ન ધનં ન બલં નાપિ સંપદા ન સ્યાજ્જનાનુકંપા
સિદ્ધા ન સ્યાત્ કાર્યભૂમિકા ન સ્યાદપિ પ્રોત્સાહઃ
આવૃણોતુ વા વિઘ્નવારિધિસ્ત્વં મા વિસ્મર સૂક્તિમ્ ॥ 1 ॥

આત્મબલં સ્મર બાહુબલં ધર પરમુખપ્રેક્ષી મા ભૂઃ
ક્વચિદપિ મા ભૂદાત્મવિસ્મૃતિઃ ન સ્યાલ્લક્ષ્યાચ્ચ્યવનમ્ ।
આસાદય જનમાનસપ્રીતિં સુચિરં સંસ્મર સૂક્તિમ્ ॥ 2 ॥

અરુણસારથિં વિકલસાધનં સૂર્યં સંસ્મર નિત્યં
શૂરપૂરુષાન્ દૃઢાનજેયાન્ પદાત્પદં સ્મર ગચ્છન્
સામાન્યેતરદૃગ્ભ્યસ્સોદર, સિધ્યતિ કાર્યમપૂર્વમ્ ॥ 3 ॥

રચન: શ્રી જનાર્દન હેગ્ડે