મૃદપિ ચ ચંદનમસ્મિન્ દેશે ગ્રામો ગ્રામઃ સિદ્ધવનમ્ ।
યત્ર ચ બાલા દેવીસ્વરૂપા બાલાઃ સર્વે શ્રીરામાઃ ॥

હરિમંદિરમિદમખિલશરીરં
ધનશક્તી જનસેવાયૈ
યત્ર ચ ક્રીડાયૈ વનરાજઃ
ધેનુર્માતા પરમશિવા
નિત્યં પ્રાતઃ શિવગુણગાનં
દીપનુતિઃ ખલુ શત્રુપરા ॥ 1 ॥

ભાગ્યવિધાયિ નિજાર્જિતકર્મ
યત્ર શ્રમઃ શ્રિયમર્જયતિ
ત્યાગધનાનાં તપોનિધીનાં
ગાથાં ગાયતિ કવિવાણી
ગંગાજલમિવ નિત્યનિર્મલં
જ્ઞાનં શંસતિ યતિવાણી ॥ 2 ॥

યત્ર હિ નૈવ સ્વદેહવિમોહઃ
યુદ્ધરતાનાં વીરાણાં
યત્ર હિ કૃષકઃ કાર્યરતઃ સન્
પશ્યતિ જીવનસાફલ્યં
જીવનલક્ષ્યં ન હિ ધનપદવી
યત્ર ચ પરશિવપદસેવા ॥ 3 ॥

રચન: શ્રી જનાર્દન હેગ્ડે