પઠત સંસ્કૃતમ્, વદત સંસ્કૃતં
લસતુ સંસ્કૃતં ચિરં ગૃહે ગૃહે ચ પુનરપિ ॥ પઠત ॥

જ્ઞાનવૈભવં વેદવાઙ્મયં
લસતિ યત્ર ભવભયાપહારિ મુનિભિરાર્જિતમ્ ।
કીર્તિરાર્જિતા યસ્ય પ્રણયનાત્
વ્યાસ-ભાસ-કાલિદાસ-બાણ-મુખ્યકવિભિઃ ॥ 1॥

સ્થાનમૂર્જિતં યસ્ય મન્વતે
વાગ્વિચિંતકા હિ વાક્ષુ યસ્ય વીક્ષ્ય મધુરતામ્ ।
યદ્વિના જના નૈવ જાનતે
ભારતીયસંસ્કૃતિં સનાતનાભિધાં વરામ્ ॥ 2॥

જયતુ સંસ્કૃતમ્, સંસ્કૃતિસ્તથા
સંસ્કૃતસ્ય સંસ્કૃતેશ્ચ પ્રણયનાચ્ચ મનુકુલમ્ ।
જયતુ સંસ્કૃતમ્, જયતુ મનુકુલં
જયતુ જયતુ સંસ્કૃતમ્, જયતુ જયતુ મનુકુલમ્ ॥ 3॥

રચન: મંજુનાથશર્મા