ગ્રામે નગરે સમસ્તરાષ્ટ્રે
રચયેમ સંસ્કૃતભવનં
ઇષ્ટિકાં વિના મૃત્તિકાં વિના
કેવલસંભાષણવિધયા
સંસ્કૃતસંભાષણકલયા ॥

શિશુબાલાનાં સ્મિતમૃદુવચને
યુવયુવતીનાં મંજુભાષણે
વૃદ્ધગુરૂણાં વત્સલહૃદયે
રચયેમ સંસ્કૃતભવનમ્ ॥ 1 ॥

અરુણોદયતઃ સુપ્રભાતં
શુભરાત્રિં નિશિ સંવદેમ
દિવાનિશં સંસ્કૃતવચનેન
રચયેમ સંસ્કૃતભવનમ્ ॥ 2 ॥

સોદર-સોદરી-ભાવ-બંધુરં
માતૃપ્રેમતો બહુજનરુચિરં
વચનલલિતં શ્રવણમધુરં
રચયેમ સંસ્કૃતભવનમ્ ॥ 3 ॥

મૂલશિલા સંભાષણમસ્ય
હિંદુજનૈક્યં શિખરમુન્નતં
સોપાનં શ્રવણાદિવિધાનં
રચયેમ સંસ્કૃતભવનમ્ ॥ 4 ॥

રચન: ગુ. ગણપય્યહોળ્ળઃ