શિવયોસ્તનુજાયાસ્તુ શ્રિતમંદારશાખિને ।
શિખિવર્યતુરંગાય સુબ્રહ્મણ્યાય મંગળમ્ ॥ 1 ॥

ભક્તાભીષ્ટપ્રદાયાસ્તુ ભવરોગવિનાશિને ।
રાજરાજાદિવંદ્યાય રણધીરાય મંગળમ્ ॥ 2 ॥

શૂરપદ્માદિદૈતેયતમિસ્રકુલભાનવે ।
તારકાસુરકાલાય બાલકાયાસ્તુ મંગળમ્ ॥ 3 ॥

વલ્લીવદનરાજીવ મધુપાય મહાત્મને ।
ઉલ્લસન્મણિકોટીરભાસુરાયાસ્તુ મંગળમ્ ॥ 4 ॥

કંદર્પકોટિલાવણ્યનિધયે કામદાયિને ।
કુલિશાયુધહસ્તાય કુમારાયાસ્તુ મંગળમ્ ॥ 5 ॥

મુક્તાહારલસત્કંઠરાજયે મુક્તિદાયિને ।
દેવસેનાસમેતાય દૈવતાયાસ્તુ મંગળમ્ ॥ 6 ॥

કનકાંબરસંશોભિકટયે કલિહારિણે ।
કમલાપતિવંદ્યાય કાર્તિકેયાય મંગળમ્ ॥ 7 ॥

શરકાનનજાતાય શૂરાય શુભદાયિને ।
શીતભાનુસમાસ્યાય શરણ્યાયાસ્તુ મંગળમ્ ॥ 8 ॥

મંગળાષ્ટકમેતદ્યે મહાસેનસ્ય માનવાઃ ।
પઠંતી પ્રત્યહં ભક્ત્યા પ્રાપ્નુયુસ્તે પરાં શ્રિયમ્ ॥ 9 ॥

ઇતિ શ્રી સુબ્રહ્મણ્ય મંગળાષ્ટકમ્ ।