শিবযোস্তনুজাযাস্তু শ্রিতমংদারশাখিনে ।
শিখিবর্যতুরংগায সুব্রহ্মণ্যায মংগলম্ ॥ 1 ॥

ভক্তাভীষ্টপ্রদাযাস্তু ভবরোগবিনাশিনে ।
রাজরাজাদিবংদ্যায রণধীরায মংগলম্ ॥ 2 ॥

শূরপদ্মাদিদৈতেযতমিস্রকুলভানবে ।
তারকাসুরকালায বালকাযাস্তু মংগলম্ ॥ 3 ॥

বল্লীবদনরাজীব মধুপায মহাত্মনে ।
উল্লসন্মণিকোটীরভাসুরাযাস্তু মংগলম্ ॥ 4 ॥

কংদর্পকোটিলাবণ্যনিধযে কামদাযিনে ।
কুলিশাযুধহস্তায কুমারাযাস্তু মংগলম্ ॥ 5 ॥

মুক্তাহারলসত্কংঠরাজযে মুক্তিদাযিনে ।
দেবসেনাসমেতায দৈবতাযাস্তু মংগলম্ ॥ 6 ॥

কনকাংবরসংশোভিকটযে কলিহারিণে ।
কমলাপতিবংদ্যায কার্তিকেযায মংগলম্ ॥ 7 ॥

শরকাননজাতায শূরায শুভদাযিনে ।
শীতভানুসমাস্যায শরণ্যাযাস্তু মংগলম্ ॥ 8 ॥

মংগলাষ্টকমেতদ্যে মহাসেনস্য মানবাঃ ।
পঠংতী প্রত্যহং ভক্ত্যা প্রাপ্নুযুস্তে পরাং শ্রিযম্ ॥ 9 ॥

ইতি শ্রী সুব্রহ্মণ্য মংগলাষ্টকম্ ।