ශිවයෝස්තනුජායාස්තු ශ්රිතමංදාරශාඛිනේ ।
ශිඛිවර්යතුරංගාය සුබ්රහ්මණ්යාය මංගළම් ॥ 1 ॥

භක්තාභීෂ්ටප්රදායාස්තු භවරෝගවිනාශිනේ ।
රාජරාජාදිවංද්යාය රණධීරාය මංගළම් ॥ 2 ॥

ශූරපද්මාදිදෛතේයතමිස්රකුලභානවේ ।
තාරකාසුරකාලාය බාලකායාස්තු මංගළම් ॥ 3 ॥

වල්ලීවදනරාජීව මධුපාය මහාත්මනේ ।
උල්ලසන්මණිකෝටීරභාසුරායාස්තු මංගළම් ॥ 4 ॥

කංදර්පකෝටිලාවණ්යනිධයේ කාමදායිනේ ।
කුලිශායුධහස්තාය කුමාරායාස්තු මංගළම් ॥ 5 ॥

මුක්තාහාරලසත්කංඨරාජයේ මුක්තිදායිනේ ।
දේවසේනාසමේතාය දෛවතායාස්තු මංගළම් ॥ 6 ॥

කනකාංබරසංශෝභිකටයේ කලිහාරිණේ ।
කමලාපතිවංද්යාය කාර්තිකේයාය මංගළම් ॥ 7 ॥

ශරකානනජාතාය ශූරාය ශුභදායිනේ ।
ශීතභානුසමාස්යාය ශරණ්යායාස්තු මංගළම් ॥ 8 ॥

මංගළාෂ්ටකමේතද්යේ මහාසේනස්ය මානවාඃ ।
පඨංතී ප්රත්යහං භක්ත්යා ප්රාප්නුයුස්තේ පරාං ශ්රියම් ॥ 9 ॥

ඉති ශ්රී සුබ්රහ්මණ්ය මංගළාෂ්ටකම් ।