ନମୋଽସ୍ତୁ ଦେଵୀ ଵାରାହୀ ଜୟୈକାରସ୍ଵରୂପିଣି ।
ଜପିତ୍ଵା ଭୂମିରୂପେଣ ନମୋ ଭଗଵତୀ ପ୍ରିୟେ ॥ 1 ॥

ଜୟ କ୍ରୋଡାସ୍ତୁ ଵାରାହୀ ଦେଵୀ ତ୍ଵଂ ଚ ନମାମ୍ୟହମ୍ ।
ଜୟ ଵାରାହି ଵିଶ୍ଵେଶୀ ମୁଖ୍ୟଵାରାହି ତେ ନମଃ ॥ 2 ॥

ମୁଖ୍ୟଵାରାହି ଵଂଦେ ତ୍ଵାଂ ଅଂଧେ ଅଂଧିନି ତେ ନମଃ ।
ସର୍ଵଦୁଷ୍ଟପ୍ରଦୁଷ୍ଟାନାଂ ଵାକ୍‍ସ୍ତଂଭନକରୀ ନମଃ ॥ 3 ॥

ନମଃ ସ୍ତଂଭିନି ସ୍ତଂଭେ ତ୍ଵାଂ ଜୃଂଭେ ଜୃଂଭିଣି ତେ ନମଃ ।
ରୁଂଧେ ରୁଂଧିନି ଵଂଦେ ତ୍ଵାଂ ନମୋ ଦେଵୀ ତୁ ମୋହିନୀ ॥ 4 ॥

ସ୍ଵଭକ୍ତାନାଂ ହି ସର୍ଵେଷାଂ ସର୍ଵକାମପ୍ରଦେ ନମଃ ।
ବାହ୍ଵୋଃ ସ୍ତଂଭକରୀ ଵଂଦେ ତ୍ଵାଂ ଜିହ୍ଵାସ୍ତଂଭକାରିଣୀ ॥ 5 ॥

ସ୍ତଂଭନଂ କୁରୁ ଶତ୍ରୂଣାଂ କୁରୁ ମେ ଶତ୍ରୁନାଶନମ୍ ।
ଶୀଘ୍ରଂ ଵଶ୍ୟଂ ଚ କୁରୁତେ ୟୋଽଗ୍ନୌ ଵାଚାତ୍ମିକେ ନମଃ ॥ 6 ॥

ଠଚତୁଷ୍ଟୟରୂପେ ତ୍ଵାଂ ଶରଣଂ ସର୍ଵଦା ଭଜେ ।
ହୋମାତ୍ମକେ ଫଡ୍ରୂପେଣ ଜୟ ଆଦ୍ୟାନନେ ଶିଵେ ॥ 7 ॥

ଦେହି ମେ ସକଲାନ୍ କାମାନ୍ ଵାରାହୀ ଜଗଦୀଶ୍ଵରୀ ।
ନମସ୍ତୁଭ୍ୟଂ ନମସ୍ତୁଭ୍ୟଂ ନମସ୍ତୁଭ୍ୟଂ ନମୋ ନମଃ ॥ 8 ॥

ଇଦମାଦ୍ୟାନନା ସ୍ତୋତ୍ରଂ ସର୍ଵପାପଵିନାଶନମ୍ ।
ପଠେଦ୍ୟଃ ସର୍ଵଦା ଭକ୍ତ୍ୟା ପାତକୈର୍ମୁଚ୍ୟତେ ତଥା ॥ 9 ॥

ଲଭଂତେ ଶତ୍ରଵୋ ନାଶଂ ଦୁଃଖରୋଗାପମୃତ୍ୟଵଃ ।
ମହଦାୟୁଷ୍ୟମାପ୍ନୋତି ଅଲକ୍ଷ୍ମୀର୍ନାଶମାପ୍ନୁୟାତ୍ ॥ 10 ॥

ଇତି ଶ୍ରୀ ଆଦିଵାରାହୀ ସ୍ତୋତ୍ରମ୍ ।