නමෝऽස්තු දේවී වාරාහී ජයෛකාරස්වරූපිණි ।
ජපිත්වා භූමිරූපේණ නමෝ භගවතී ප්රියේ ॥ 1 ॥

ජය ක්රෝඩාස්තු වාරාහී දේවී ත්වං ච නමාම්යහම් ।
ජය වාරාහි විශ්වේශී මුඛ්යවාරාහි තේ නමඃ ॥ 2 ॥

මුඛ්යවාරාහි වංදේ ත්වාං අංධේ අංධිනි තේ නමඃ ।
සර්වදුෂ්ටප්රදුෂ්ටානාං වාක්‍ස්තංභනකරී නමඃ ॥ 3 ॥

නමඃ ස්තංභිනි ස්තංභේ ත්වාං ජෘංභේ ජෘංභිණි තේ නමඃ ।
රුංධේ රුංධිනි වංදේ ත්වාං නමෝ දේවී තු මෝහිනී ॥ 4 ॥

ස්වභක්තානාං හි සර්වේෂාං සර්වකාමප්රදේ නමඃ ।
බාහ්වෝඃ ස්තංභකරී වංදේ ත්වාං ජිහ්වාස්තංභකාරිණී ॥ 5 ॥

ස්තංභනං කුරු ශත්රූණාං කුරු මේ ශත්රුනාශනම් ।
ශීඝ්රං වශ්යං ච කුරුතේ යෝऽග්නෞ වාචාත්මිකේ නමඃ ॥ 6 ॥

ඨචතුෂ්ටයරූපේ ත්වාං ශරණං සර්වදා භජේ ।
හෝමාත්මකේ ඵඩ්රූපේණ ජය ආද්යානනේ ශිවේ ॥ 7 ॥

දේහි මේ සකලාන් කාමාන් වාරාහී ජගදීශ්වරී ।
නමස්තුභ්යං නමස්තුභ්යං නමස්තුභ්යං නමෝ නමඃ ॥ 8 ॥

ඉදමාද්යානනා ස්තෝත්රං සර්වපාපවිනාශනම් ।
පඨේද්යඃ සර්වදා භක්ත්යා පාතකෛර්මුච්යතේ තථා ॥ 9 ॥

ලභංතේ ශත්රවෝ නාශං දුඃඛරෝගාපමෘත්යවඃ ।
මහදායුෂ්යමාප්නෝති අලක්ෂ්මීර්නාශමාප්නුයාත් ॥ 10 ॥

ඉති ශ්රී ආදිවාරාහී ස්තෝත්රම් ।