നമോഽസ്തു ദേവീ വാരാഹീ ജയൈകാരസ്വരൂപിണി ।
ജപിത്വാ ഭൂമിരൂപേണ നമോ ഭഗവതീ പ്രിയേ ॥ 1 ॥

ജയ ക്രോഡാസ്തു വാരാഹീ ദേവീ ത്വം ച നമാമ്യഹമ് ।
ജയ വാരാഹി വിശ്വേശീ മുഖ്യവാരാഹി തേ നമഃ ॥ 2 ॥

മുഖ്യവാരാഹി വംദേ ത്വാം അംധേ അംധിനി തേ നമഃ ।
സർവദുഷ്ടപ്രദുഷ്ടാനാം വാക്‍സ്തംഭനകരീ നമഃ ॥ 3 ॥

നമഃ സ്തംഭിനി സ്തംഭേ ത്വാം ജൃംഭേ ജൃംഭിണി തേ നമഃ ।
രുംധേ രുംധിനി വംദേ ത്വാം നമോ ദേവീ തു മോഹിനീ ॥ 4 ॥

സ്വഭക്താനാം ഹി സർവേഷാം സർവകാമപ്രദേ നമഃ ।
ബാഹ്വോഃ സ്തംഭകരീ വംദേ ത്വാം ജിഹ്വാസ്തംഭകാരിണീ ॥ 5 ॥

സ്തംഭനം കുരു ശത്രൂണാം കുരു മേ ശത്രുനാശനമ് ।
ശീഘ്രം വശ്യം ച കുരുതേ യോഽഗ്നൌ വാചാത്മികേ നമഃ ॥ 6 ॥

ഠചതുഷ്ടയരൂപേ ത്വാം ശരണം സർവദാ ഭജേ ।
ഹോമാത്മകേ ഫഡ്രൂപേണ ജയ ആദ്യാനനേ ശിവേ ॥ 7 ॥

ദേഹി മേ സകലാന് കാമാന് വാരാഹീ ജഗദീശ്വരീ ।
നമസ്തുഭ്യം നമസ്തുഭ്യം നമസ്തുഭ്യം നമോ നമഃ ॥ 8 ॥

ഇദമാദ്യാനനാ സ്തോത്രം സർവപാപവിനാശനമ് ।
പഠേദ്യഃ സർവദാ ഭക്ത്യാ പാതകൈര്മുച്യതേ തഥാ ॥ 9 ॥

ലഭംതേ ശത്രവോ നാശം ദുഃഖരോഗാപമൃത്യവഃ ।
മഹദായുഷ്യമാപ്നോതി അലക്ഷ്മീര്നാശമാപ്നുയാത് ॥ 10 ॥

ഇതി ശ്രീ ആദിവാരാഹീ സ്തോത്രമ് ।