(1-50-1)
ಉದು॒ ತ್ಯ-ಞ್ಜಾ॒ತವೇ॑ದಸ-ನ್ದೇ॒ವಂ-ವಁ॑ಹನ್ತಿ ಕೇ॒ತವಃ॑ ।
ದೃ॒ಶೇ ವಿಶ್ವಾ॑ಯ॒ ಸೂರ್ಯ॑ಮ್ ॥ 1

ಅಪ॒ ತ್ಯೇ ತಾ॒ಯವೋ॑ ಯಥಾ॒ ನಖ್ಷ॑ತ್ರಾ ಯನ್ತ್ಯ॒ಕ್ತುಭಿಃ॑ ।
ಸೂರಾ॑ಯ ವಿ॒ಶ್ವಚ॑ಖ್ಷಸೇ ॥ 2

ಅದೃ॑ಶ್ರಮಸ್ಯ ಕೇ॒ತವೋ॒ ವಿ ರ॒ಶ್ಮಯೋ॒ ಜನಾ॒ಙ್ ಅನು॑ ।
ಭ್ರಾಜ॑ನ್ತೋ ಅ॒ಗ್ನಯೋ॑ ಯಥಾ ॥ 3

ತ॒ರಣಿ॑ರ್ವಿ॒ಶ್ವದ॑ರ್​ಶತೋ ಜ್ಯೋತಿ॒ಷ್ಕೃದ॑ಸಿ ಸೂರ್ಯ ।
ವಿಶ್ವ॒ಮಾ ಭಾ॑ಸಿ ರೋಚ॒ನಮ್ ॥ 4

ಪ್ರ॒ತ್ಯಙ್ ದೇ॒ವಾನಾಂ॒ ವಿಶಃ॑ ಪ್ರ॒ತ್ಯಙ್ಙುದೇ॑ಷಿ॒ ಮಾನು॑ಷಾನ್ ।
ಪ್ರ॒ತ್ಯಙ್ವಿಶ್ವಂ॒ ಸ್ವ॑ರ್ದೃ॒ಶೇ ॥ 5

ಯೇನಾ॑ ಪಾವಕ॒ ಚಖ್ಷ॑ಸಾ ಭುರ॒ಣ್ಯನ್ತಂ॒ ಜನಾ॒ಁ ಅನು॑ ।
ತ್ವಂ-ವಁ॑ರುಣ॒ ಪಶ್ಯ॑ಸಿ ॥ 6

ವಿ ದ್ಯಾಮೇ॑ಷಿ॒ ರಜ॑ಸ್ಪೃ॒ಥ್ವಹಾ॒ ಮಿಮಾ॑ನೋ ಅ॒ಕ್ತುಭಿಃ॑ ।
ಪಶ್ಯ॒ಞ್ಜನ್ಮಾ॑ನಿ ಸೂರ್ಯ ॥ 7

ಸ॒ಪ್ತ ತ್ವಾ॑ ಹ॒ರಿತೋ॒ ರಥೇ॒ ವಹ॑ನ್ತಿ ದೇವ ಸೂರ್ಯ ।
ಶೋ॒ಚಿಷ್ಕೇ॑ಶಂ-ವಿಁಚಖ್ಷಣ ॥ 8

ಅಯು॑ಕ್ತ ಸ॒ಪ್ತ ಶು॒ನ್ಧ್ಯುವ॒-ಸ್ಸೂರೋ॒ ರಥ॑ಸ್ಯ ನ॒ಪ್ತ್ಯಃ॑ ।
ತಾಭಿ॑ರ್ಯಾತಿ॒ ಸ್ವಯು॑ಕ್ತಿಭಿಃ ॥ 9

ಉದ್ವ॒ಯ-ನ್ತಮ॑ಸ॒ಸ್ಪರಿ॒ ಜ್ಯೋತಿ॒ಷ್ಪಶ್ಯ॑ನ್ತ॒ ಉತ್ತ॑ರಮ್ ।
ದೇ॒ವ-ನ್ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಮ್ ॥ 10

ಉ॒ದ್ಯನ್ನ॒ದ್ಯ ಮಿ॑ತ್ರಮಹ ಆ॒ರೋಹ॒ನ್ನುತ್ತ॑ರಾಂ॒ ದಿವ॑ಮ್ ।
ಹೃ॒ದ್ರೋ॒ಗ-ಮ್ಮಮ॑ ಸೂರ್ಯ ಹರಿ॒ಮಾಣಂ॑ ಚ ನಾಶಯ ॥ 11

ಶುಕೇ॑ಷು ಮೇ ಹರಿ॒ಮಾಣಂ॑ ರೋಪ॒ಣಾಕಾ॑ಸು ದಧ್ಮಸಿ ।
ಅಥೋ॑ ಹಾರಿದ್ರ॒ವೇಷು॑ ಮೇ ಹರಿ॒ಮಾಣಂ॒ ನಿ ದ॑ಧ್ಮಸಿ ॥ 12

ಉದ॑ಗಾದ॒ಯಮಾ॑ದಿ॒ತ್ಯೋ ವಿಶ್ವೇ॑ನ॒ ಸಹ॑ಸಾ ಸ॒ಹ ।
ದ್ವಿ॒ಷನ್ತಂ॒ ಮಹ್ಯಂ॑ ರ॒ನ್ಧಯ॒ನ್ಮೋ ಅ॒ಹ-ನ್ದ್ವಿ॑ಷ॒ತೇ ರ॑ಧಮ್ ॥ 13

(1-115-01)
ಚಿ॒ತ್ರ-ನ್ದೇ॒ವಾನಾ॒ಮುದ॑ಗಾ॒ದನೀ॑ಕಂ॒ ಚಖ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ ।
ಆಪ್ರಾ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಖ್ಷಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ॥ 14

ಸೂರ್ಯೋ॑ ದೇ॒ವೀಮು॒ಷಸಂ॒ ರೋಚ॑ಮಾನಾಂ॒ ಮರ್ಯೋ॒ ನ ಯೋಷಾ॑ಮ॒ಭ್ಯೇ॑ತಿ ಪ॒ಶ್ಚಾತ್ ।
ಯತ್ರಾ॒ ನರೋ॑ ದೇವ॒ಯನ್ತೋ॑ ಯು॒ಗಾನಿ॑ ವಿತನ್ವ॒ತೇ ಪ್ರತಿ॑ ಭ॒ದ್ರಾಯ॑ ಭ॒ದ್ರಮ್ ॥ 15

ಭ॒ದ್ರಾ ಅಶ್ವಾ॑ ಹ॒ರಿತ॒-ಸ್ಸೂರ್ಯ॑ಸ್ಯ ಚಿ॒ತ್ರಾ ಏತ॑ಗ್ವಾ ಅನು॒ಮಾದ್ಯಾ॑ಸಃ ।
ನ॒ಮ॒ಸ್ಯನ್ತೋ॑ ದಿ॒ವ ಆ ಪೃ॒ಷ್ಠಮ॑ಸ್ಥುಃ॒ ಪರಿ॒ ದ್ಯಾವಾ॑ಪೃಥಿ॒ವೀ ಯ॑ನ್ತಿ ಸ॒ದ್ಯಃ ॥ 16

ತತ್ಸೂರ್ಯ॑ಸ್ಯ ದೇವ॒ತ್ವ-ನ್ತನ್ಮ॑ಹಿ॒ತ್ವ-ಮ್ಮ॒ಧ್ಯಾ ಕರ್ತೋ॒ರ್ವಿತ॑ತಂ॒ ಸ-ಞ್ಜ॑ಭಾರ ।
ಯ॒ದೇದಯು॑ಕ್ತ ಹ॒ರಿತ॑-ಸ್ಸ॒ಧಸ್ಥಾ॒ದಾದ್ರಾತ್ರೀ॒ ವಾಸ॑ಸ್ತನುತೇ ಸಿ॒ಮಸ್ಮೈ॑ ॥ 17

ತನ್ಮಿ॒ತ್ರಸ್ಯ॒ ವರು॑ಣಸ್ಯಾಭಿ॒ಚಖ್ಷೇ॒ ಸೂರ್ಯೋ॑ ರೂ॒ಪ-ಙ್ಕೃ॑ಣುತೇ॒ ದ್ಯೋರು॒ಪಸ್ಥೇ॑ ।
ಅ॒ನ॒ನ್ತಮ॒ನ್ಯದ್ರುಶ॑ದಸ್ಯ॒ ಪಾಜಃ॑ ಕೃ॒ಷ್ಣಮ॒ನ್ಯದ್ಧ॒ರಿತ॒-ಸ್ಸ-ಮ್ಭ॑ರನ್ತಿ ॥ 18

ಅ॒ದ್ಯಾ ದೇ॑ವಾ॒ ಉದಿ॑ತಾ॒ ಸೂರ್ಯ॑ಸ್ಯ॒ ನಿರಂಹ॑ಸಃ ಪಿಪೃ॒ತಾ ನಿರ॑ವ॒ದ್ಯಾತ್ ।
ತನ್ನೋ॑ ಮಿ॒ತ್ರೋ ವರು॑ಣೋ ಮಾಮಹನ್ತಾ॒ಮದಿ॑ತಿ॒-ಸ್ಸಿನ್ಧುಃ॑ ಪೃಥಿ॒ವೀ ಉ॒ತ ದ್ಯೌಃ ॥ 19

(1-164-46)
ಇನ್ದ್ರಂ॑ ಮಿ॒ತ್ರಂ-ವಁರು॑ಣಮ॒ಗ್ನಿಮಾ॑ಹು॒ರಥೋ॑ ದಿ॒ವ್ಯ-ಸ್ಸ ಸು॑ಪ॒ರ್ಣೋ ಗ॒ರುತ್ಮಾ॑ನ್ ।
ಏಕಂ॒ ಸದ್ವಿಪ್ರಾ॑ ಬಹು॒ಧಾ ವ॑ದನ್ತ್ಯ॒ಗ್ನಿಂ-ಯಁ॒ಮ-ಮ್ಮಾ॑ತ॒ರಿಶ್ವಾ॑ನಮಾಹುಃ ॥ 20

ಕೃ॒ಷ್ಣ-ನ್ನಿ॒ಯಾನಂ॒ ಹರ॑ಯ-ಸ್ಸುಪ॒ರ್ಣಾ ಅ॒ಪೋ ವಸಾ॑ನಾ॒ ದಿವ॒ಮುತ್ಪ॑ತನ್ತಿ ।
ತ ಆವ॑ವೃತ್ರ॒ನ್ತ್ಸದ॑ನಾದೃ॒ತಸ್ಯಾದಿದ್ಘೃ॒ತೇನ॑ ಪೃಥಿ॒ವೀ ವ್ಯು॑ದ್ಯತೇ ॥ 21

(4-040-05)
ಹಂ॒ಸ-ಶ್ಶು॑ಚಿ॒ಷದ್ವಸು॑ರನ್ತರಿಖ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ ।
ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಮ್ ॥ 22

(5-040-05)
ಯತ್ತ್ವಾ॑ ಸೂರ್ಯ॒ ಸ್ವ॑ರ್ಭಾನು॒ಸ್ತಮ॒ಸಾವಿ॑ಧ್ಯದಾಸು॒ರಃ ।
ಅಖ್ಷೇ॑ತ್ರವಿ॒ದ್ಯಥಾ॑ ಮು॒ಗ್ಧೋ ಭುವ॑ನಾನ್ಯದೀಧಯುಃ ॥ 23

(7-060-01)
ಯದ॒ದ್ಯ ಸೂ॑ರ್ಯ॒ ಬ್ರವೋ-ಽನಾ॑ಗಾ ಉ॒ದ್ಯನ್ಮಿ॒ತ್ರಾಯ॒ ವರು॑ಣಾಯ ಸ॒ತ್ಯಮ್ ।
ವ॒ಯ-ನ್ದೇ॑ವ॒ತ್ರಾದಿ॑ತೇ ಸ್ಯಾಮ॒ ತವ॑ ಪ್ರಿ॒ಯಾಸೋ॑ ಅರ್ಯಮನ್ಗೃ॒ಣನ್ತಃ॑ ॥ 24

(7-062-01)
ಉತ್ಸೂರ್ಯೋ॑ ಬೃ॒ಹದ॒ರ್ಚೀಂಷ್ಯ॑ಶ್ರೇತ್ಪು॒ರು ವಿಶ್ವಾ॒ ಜನಿ॑ಮ॒ ಮಾನು॑ಷಾಣಾಮ್ ।
ಸ॒ಮೋ ದಿ॒ವಾ ದ॑ದೃಶೇ॒ ರೋಚ॑ಮಾನಃ॒ ಕ್ರತ್ವಾ॑ ಕೃ॒ತ-ಸ್ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ ॥ 25

ಸ ಸೂ॑ರ್ಯ॒ ಪ್ರತಿ॑ ಪು॒ರೋ ನ॒ ಉದ್ಗಾ॑ ಏ॒ಭಿ-ಸ್ಸ್ತೋಮೇ॑ಭಿರೇತ॒ಶೇಭಿ॒ರೇವೈಃ॑ ।
ಪ್ರ ನೋ॑ ಮಿ॒ತ್ರಾಯ॒ ವರು॑ಣಾಯ ವೋ॒ಚೋ-ಽನಾ॑ಗಸೋ ಅರ್ಯ॒ಮ್ಣೇ ಅ॒ಗ್ನಯೇ॑ ಚ ॥ 26

ವಿ ನ॑-ಸ್ಸ॒ಹಸ್ರಂ॑ ಶು॒ರುಧೋ॑ ರದನ್ತ್ವೃ॒ತಾವಾ॑ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ ।
ಯಚ್ಛ॑ನ್ತು ಚ॒ನ್ದ್ರಾ ಉ॑ಪ॒ಮ-ನ್ನೋ॑ ಅ॒ರ್ಕಮಾ ನಃ॒ ಕಾಮಂ॑ ಪೂಪುರನ್ತು॒ ಸ್ತವಾ॑ನಾಃ ॥ 27

(7-063-01)
ಉದ್ವೇ॑ತಿ ಸು॒ಭಗೋ॑ ವಿ॒ಶ್ವಚ॑ಖ್ಷಾ॒-ಸ್ಸಾಧಾ॑ರಣ॒-ಸ್ಸೂರ್ಯೋ॒ ಮಾನು॑ಷಾಣಾಮ್ ।
ಚಖ್ಷು॑ರ್ಮಿ॒ತ್ರಸ್ಯ॒ ವರು॑ಣಸ್ಯ ದೇ॒ವಶ್ಚರ್ಮೇ॑ವ॒ ಯ-ಸ್ಸ॒ಮವಿ॑ವ್ಯ॒ಕ್ತಮಾಂ॑ಸಿ ॥ 28

ಉದ್ವೇ॑ತಿ ಪ್ರಸವೀ॒ತಾ ಜನಾ॑ನಾ-ಮ್ಮ॒ಹಾನ್ಕೇ॒ತುರ॑ರ್ಣ॒ವ-ಸ್ಸೂರ್ಯ॑ಸ್ಯ ।
ಸ॒ಮಾ॒ನ-ಞ್ಚ॒ಕ್ರ-ಮ್ಪ॑ರ್ಯಾ॒ವಿವೃ॑ತ್ಸ॒ನ್ಯದೇ॑ತ॒ಶೋ ವಹ॑ತಿ ಧೂ॒ರ್​ಷು ಯು॒ಕ್ತಃ ॥ 29

ವಿ॒ಭ್ರಾಜ॑ಮಾನ ಉ॒ಷಸಾ॑ಮು॒ಪಸ್ಥಾ॑ದ್ರೇ॒ಭೈರುದೇ॑ತ್ಯನುಮ॒ದ್ಯಮಾ॑ನಃ ।
ಏ॒ಷ ಮೇ॑ ದೇ॒ವ-ಸ್ಸ॑ವಿ॒ತಾ ಚ॑ಚ್ಛನ್ದ॒ ಯ-ಸ್ಸ॑ಮಾ॒ನ-ನ್ನ ಪ್ರ॑ಮಿ॒ನಾತಿ॒ ಧಾಮ॑ ॥ 30

ದಿ॒ವೋ ರು॒ಕ್ಮ ಉ॑ರು॒ಚಖ್ಷಾ॒ ಉದೇ॑ತಿ ದೂ॒ರೇ ಅ॑ರ್ಥಸ್ತ॒ರಣಿ॒ರ್ಭ್ರಾಜ॑ಮಾನಃ ।
ನೂ॒ನ-ಞ್ಜನಾ॒-ಸ್ಸೂರ್ಯೇ॑ಣ॒ ಪ್ರಸೂ॑ತಾ॒ ಅಯ॒ನ್ನರ್ಥಾ॑ನಿ ಕೃ॒ಣವ॒ನ್ನಪಾಂ॑ಸಿ ॥ 31

ಯತ್ರಾ॑ ಚ॒ಕ್ರುರ॒ಮೃತಾ॑ ಗಾ॒ತುಮ॑ಸ್ಮೈ ಶ್ಯೇ॒ನೋ ನ ದೀಯ॒ನ್ನನ್ವೇ॑ತಿ॒ ಪಾಥಃ॑ ॥ 32

(7-066-14)
ಉದು॒ ತ್ಯದ್ದ॑ರ್​ಶ॒ತಂ-ವಁಪು॑ರ್ದಿ॒ವ ಏ॑ತಿ ಪ್ರತಿಹ್ವ॒ರೇ ।
ಯದೀ॑ಮಾ॒ಶುರ್ವಹ॑ತಿ ದೇ॒ವ ಏತ॑ಶೋ॒ ವಿಶ್ವ॑ಸ್ಮೈ॒ ಚಖ್ಷ॑ಸೇ॒ ಅರ॑ಮ್ ॥ 33

ಶೀ॒ರ್​ಷ್ಣ-ಶ್ಶೀ॑ರ್​ಷ್ಣೋ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ॑ ಸ॒ಮಯಾ॒ ವಿಶ್ವ॒ಮಾ ರಜಃ॑ ।
ಸ॒ಪ್ತ ಸ್ವಸಾ॑ರ-ಸ್ಸುವಿ॒ತಾಯ॒ ಸೂರ್ಯಂ॒ ವಹ॑ನ್ತಿ ಹ॒ರಿತೋ॒ ರಥೇ॑ ॥ 34

ತಚ್ಚಖ್ಷು॑ರ್ದೇ॒ವಹಿ॑ತಂ ಶು॒ಕ್ರಮು॒ಚ್ಚರ॑ತ್ ।
ಪಶ್ಯೇ॑ಮ ಶ॒ರದ॑-ಶ್ಶ॒ತ-ಞ್ಜೀವೇ॑ಮ ಶ॒ರದ॑-ಶ್ಶ॒ತಮ್ ॥ 35

(8-101-11)
ಬಣ್ಮ॒ಹಾಁ ಅ॑ಸಿ ಸೂರ್ಯ॒ ಬಳಾ॑ದಿತ್ಯ ಮ॒ಹಾಁ ಅ॑ಸಿ ।
ಮ॒ಹಸ್ತೇ॑ ಸ॒ತೋ ಮ॑ಹಿ॒ಮಾ ಪ॑ನಸ್ಯತೇ॒-ಽದ್ಧಾ ದೇ॑ವ ಮ॒ಹಾಁ ಅ॑ಸಿ ॥ 36

ಬಟ್ ಸೂ॑ರ್ಯ॒ ಶ್ರವ॑ಸಾ ಮ॒ಹಾಁ ಅ॑ಸಿ ಸ॒ತ್ರಾ ದೇ॑ವ ಮ॒ಹಾಁ ಅ॑ಸಿ ।
ಮ॒ಹ್ನಾ ದೇ॒ವಾನಾ॑ಮಸು॒ರ್ಯಃ॑ ಪು॒ರೋಹಿ॑ತೋ ವಿ॒ಭು ಜ್ಯೋತಿ॒ರದಾ॑ಭ್ಯಮ್ ॥ 37

(10-037-01)
ನಮೋ॑ ಮಿ॒ತ್ರಸ್ಯ॒ ವರು॑ಣಸ್ಯ॒ ಚಖ್ಷ॑ಸೇ ಮ॒ಹೋ ದೇ॒ವಾಯ॒ ತದೃ॒ತಂ ಸ॑ಪರ್ಯತ ।
ದೂ॒ರೇ॒ದೃಶೇ॑ ದೇ॒ವಜಾ॑ತಾಯ ಕೇ॒ತವೇ॑ ದಿ॒ವಸ್ಪು॒ತ್ರಾಯ॒ ಸೂರ್ಯಾ॑ಯ ಶಂಸತ ॥ 38

ಸಾ ಮಾ॑ ಸ॒ತ್ಯೋಕ್ತಿಃ॒ ಪರಿ॑ ಪಾತು ವಿ॒ಶ್ವತೋ॒ ದ್ಯಾವಾ॑ ಚ॒ ಯತ್ರ॑ ತ॒ತನ॒ನ್ನಹಾ॑ನಿ ಚ ।
ವಿಶ್ವ॑ಮ॒ನ್ಯನ್ನಿ ವಿ॑ಶತೇ॒ ಯದೇಜ॑ತಿ ವಿ॒ಶ್ವಾಹಾಪೋ॑ ವಿ॒ಶ್ವಾಹೋದೇ॑ತಿ॒ ಸೂರ್ಯಃ॑ ॥ 39

ನ ತೇ॒ ಅದೇ॑ವಃ ಪ್ರ॒ದಿವೋ॒ ನಿ ವಾ॑ಸತೇ॒ ಯದೇ॑ತ॒ಶೇಭಿಃ॑ ಪತ॒ರೈ ರ॑ಥ॒ರ್ಯಸಿ॑ ।
ಪ್ರಾ॒ಚೀನ॑ಮ॒ನ್ಯದನು॑ ವರ್ತತೇ॒ ರಜ॒ ಉದ॒ನ್ಯೇನ॒ ಜ್ಯೋತಿ॑ಷಾ ಯಾಸಿ ಸೂರ್ಯ ॥ 40

ಯೇನ॑ ಸೂರ್ಯ॒ ಜ್ಯೋತಿ॑ಷಾ॒ ಬಾಧ॑ಸೇ॒ ತಮೋ॒ ಜಗ॑ಚ್ಚ॒ ವಿಶ್ವ॑ಮುದಿ॒ಯರ್​ಷಿ॑ ಭಾ॒ನುನಾ॑ ।
ತೇನಾ॒ಸ್ಮದ್ವಿಶ್ವಾ॒ಮನಿ॑ರಾ॒ಮನಾ॑ಹುತಿ॒ಮಪಾಮೀ॑ವಾ॒ಮಪ॑ ದು॒ಷ್ವಪ್ನ್ಯಂ॑ ಸುವ ॥ 41

ವಿಶ್ವ॑ಸ್ಯ॒ ಹಿ ಪ್ರೇಷಿ॑ತೋ॒ ರಖ್ಷ॑ಸಿ ವ್ರ॒ತಮಹೇ॑ಳಯನ್ನು॒ಚ್ಚರ॑ಸಿ ಸ್ವ॒ಧಾ ಅನು॑ ।
ಯದ॒ದ್ಯ ತ್ವಾ॑ ಸೂರ್ಯೋಪ॒ಬ್ರವಾ॑ಮಹೈ॒ ತ-ನ್ನೋ॑ ದೇ॒ವಾ ಅನು॑ ಮಂಸೀರತ॒ ಕ್ರತು॑ಮ್ ॥ 42

ತ-ನ್ನೋ॒ ದ್ಯಾವಾ॑ಪೃಥಿ॒ವೀ ತನ್ನ॒ ಆಪ॒ ಇನ್ದ್ರ॑-ಶ್ಶೃಣ್ವನ್ತು ಮ॒ರುತೋ॒ ಹವಂ॒ ವಚಃ॑ ।
ಮಾ ಶೂನೇ॑ ಭೂಮ॒ ಸೂರ್ಯ॑ಸ್ಯ ಸ॒ನ್ದೃಶಿ॑ ಭ॒ದ್ರ-ಞ್ಜೀವ॑ನ್ತೋ ಜರ॒ಣಾಮ॑ಶೀಮಹಿ ॥ 43

ವಿ॒ಶ್ವಾಹಾ॑ ತ್ವಾ ಸು॒ಮನ॑ಸ-ಸ್ಸು॒ಚಖ್ಷ॑ಸಃ ಪ್ರ॒ಜಾವ॑ನ್ತೋ ಅನಮೀ॒ವಾ ಅನಾ॑ಗಸಃ ।
ಉ॒ದ್ಯನ್ತಂ॑ ತ್ವಾ ಮಿತ್ರಮಹೋ ದಿ॒ವೇದಿ॑ವೇ॒ ಜ್ಯೋಗ್ಜೀ॒ವಾಃ ಪ್ರತಿ॑ ಪಶ್ಯೇಮ ಸೂರ್ಯ ॥ 44

ಮಹಿ॒ ಜ್ಯೋತಿ॒ರ್ಬಿಭ್ರ॑ತ-ನ್ತ್ವಾ ವಿಚಖ್ಷಣ॒ ಭಾಸ್ವ॑ನ್ತಂ॒ ಚಖ್ಷು॑ಷೇ ಚಖ್ಷುಷೇ॒ ಮಯಃ॑ ।
ಆ॒ರೋಹ॑ನ್ತ-ಮ್ಬೃಹ॒ತಃ ಪಾಜ॑ಸ॒ಸ್ಪರಿ॑ ವ॒ಯ-ಞ್ಜೀ॒ವಾಃ ಪ್ರತಿ॑ ಪಶ್ಯೇಮ ಸೂರ್ಯ ॥ 45

ಯಸ್ಯ॑ ತೇ॒ ವಿಶ್ವಾ॒ ಭುವ॑ನಾನಿ ಕೇ॒ತುನಾ॒ ಪ್ರ ಚೇರ॑ತೇ॒ ನಿ ಚ॑ ವಿ॒ಶನ್ತೇ॑ ಅ॒ಕ್ತುಭಿಃ॑ ।
ಅ॒ನಾ॒ಗಾ॒ಸ್ತ್ವೇನ॑ ಹರಿಕೇಶ ಸೂ॒ರ್ಯಾಹ್ನಾ॑ಹ್ನಾ ನೋ॒ ವಸ್ಯ॑ಸಾವಸ್ಯ॒ಸೋದಿ॑ಹಿ ॥ 46

ಶ-ನ್ನೋ॑ ಭವ॒ ಚಖ್ಷ॑ಸಾ॒ ಶ-ನ್ನೋ॒ ಅಹ್ನಾ॒ ಶ-ಮ್ಭಾ॒ನುನಾ॒ ಶಂ ಹಿ॒ಮಾ ಶ-ಙ್ಘೃ॒ಣೇನ॑ ।
ಯಥಾ॒ ಶಮಧ್ವ॒ಞ್ಛಮಸ॑ದ್ದುರೋ॒ಣೇ ತತ್ಸೂ॑ರ್ಯ॒ ದ್ರವಿ॑ಣ-ನ್ಧೇಹಿ ಚಿ॒ತ್ರಮ್ ॥ 47

ಅ॒ಸ್ಮಾಕಂ॑ ದೇವಾ ಉ॒ಭಯಾ॑ಯ॒ ಜನ್ಮ॑ನೇ॒ ಶರ್ಮ॑ ಯಚ್ಛತ ದ್ವಿ॒ಪದೇ॒ ಚತು॑ಷ್ಪದೇ ।
ಅ॒ದತ್ಪಿಬ॑ದೂ॒ರ್ಜಯ॑ಮಾನ॒ಮಾಶಿ॑ತಂ॒ ತದ॒ಸ್ಮೇ ಶಂ-ಯೋಁರ॑ರ॒ಪೋ ದ॑ಧಾತನ ॥ 48

ಯದ್ವೋ॑ ದೇವಾಶ್ಚಕೃ॒ಮ ಜಿ॒ಹ್ವಯಾ॑ ಗು॒ರು ಮನ॑ಸೋ ವಾ॒ ಪ್ರಯು॑ತೀ ದೇವ॒ಹೇಳ॑ನಮ್ ।
ಅರಾ॑ವಾ॒ ಯೋ ನೋ॑ ಅ॒ಭಿ ದು॑ಚ್ಛುನಾ॒ಯತೇ॒ ತಸ್ಮಿ॒ನ್ತದೇನೋ॑ ವಸವೋ॒ ನಿ ಧೇ॑ತನ ॥ 49

(10-158-01)
ಸೂರ್ಯೋ॑ ನೋ ದಿ॒ವಸ್ಪಾ॑ತು॒ ವಾತೋ॑ ಅ॒ನ್ತರಿ॑ಖ್ಷಾತ್ ।
ಅ॒ಗ್ನಿರ್ನಃ॒ ಪಾರ್ಥಿ॑ವೇಭ್ಯಃ ॥ 50

ಜೋಷಾ॑ ಸವಿತ॒ರ್ಯಸ್ಯ॑ ತೇ॒ ಹರ॑-ಶ್ಶ॒ತಂ ಸ॒ವಾಁ ಅರ್​ಹ॑ತಿ ।
ಪಾ॒ಹಿ ನೋ॑ ದಿ॒ದ್ಯುತಃ॒ ಪತ॑ನ್ತ್ಯಾಃ ॥ 51

ಚಖ್ಷು॑ರ್ನೋ ದೇ॒ವ-ಸ್ಸ॑ವಿ॒ತಾ ಚಖ್ಷು॑ರ್ನ ಉ॒ತ ಪರ್ವ॑ತಃ ।
ಚಖ್ಷು॑ರ್ಧಾ॒ತಾ ದ॑ಧಾತು ನಃ ॥ 52

ಚಖ್ಷು॑ರ್ನೋ ಧೇಹಿ॒ ಚಖ್ಷು॑ಷೇ॒ ಚಖ್ಷು॑ರ್ವಿ॒ಖ್ಯೈ ತ॒ನೂಭ್ಯಃ॑ ।
ಸ-ಞ್ಚೇ॒ದಂ-ವಿಁ ಚ॑ ಪಶ್ಯೇಮ ॥ 53

ಸು॒ಸ॒ನ್ದೃಶಂ॑ ತ್ವಾ ವ॒ಯ-ಮ್ಪ್ರತಿ॑ ಪಶ್ಯೇಮ ಸೂರ್ಯ ।
ವಿ ಪ॑ಶ್ಯೇಮ ನೃ॒ಚಖ್ಷ॑ಸಃ ॥ 54

(10-170-01)
ವಿ॒ಭ್ರಾಡ್ಬೃ॒ಹತ್ಪಿ॑ಬತು ಸೋ॒ಮ್ಯ-ಮ್ಮಧ್ವಾಯು॒ರ್ದಧ॑ದ್ಯ॒ಜ್ಞಪ॑ತಾ॒ವವಿ॑ಹ್ರುತಮ್ ।
ವಾತ॑ಜೂತೋ॒ ಯೋ ಅ॑ಭಿ॒ರಖ್ಷ॑ತಿ॒ ತ್ಮನಾ॑ ಪ್ರ॒ಜಾಃ ಪು॑ಪೋಷ ಪುರು॒ಧಾ ವಿ ರಾ॑ಜತಿ ॥ 55

ವಿ॒ಭ್ರಾಡ್ಬೃ॒ಹತ್ಸುಭೃ॑ತಂ-ವಾಁಜ॒ಸಾತ॑ಮಂ॒ ಧರ್ಮ॑ನ್ದಿ॒ವೋ ಧ॒ರುಣೇ॑ ಸ॒ತ್ಯಮರ್ಪಿ॑ತಮ್ ।
ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹನ್ತ॑ಮಂ॒ ಜ್ಯೋತಿ॑ರ್ಜಜ್ಞೇ ಅಸುರ॒ಹಾ ಸ॑ಪತ್ನ॒ಹಾ ॥ 56

ಇ॒ದಂ ಶ್ರೇಷ್ಠಂ॒ ಜ್ಯೋತಿ॑ಷಾಂ॒ ಜ್ಯೋತಿ॑ರುತ್ತ॒ಮಂ-ವಿಁ॑ಶ್ವ॒ಜಿದ್ಧ॑ನ॒ಜಿದು॑ಚ್ಯತೇ ಬೃ॒ಹತ್ ।
ವಿ॒ಶ್ವ॒ಭ್ರಾಡ್ಭ್ರಾ॒ಜೋ ಮಹಿ॒ ಸೂರ್ಯೋ॑ ದೃ॒ಶ ಉ॒ರು ಪ॑ಪ್ರಥೇ॒ ಸಹ॒ ಓಜೋ॒ ಅಚ್ಯು॑ತಮ್ ॥ 57

ವಿ॒ಭ್ರಾಜ॒ಞ್ಜ್ಯೋತಿ॑ಷಾ॒ ಸ್ವ॒1॑ರಗ॑ಚ್ಛೋ ರೋಚ॒ನ-ನ್ದಿ॒ವಃ ।
ಯೇನೇ॒ಮಾ ವಿಶ್ವಾ॒ ಭುವ॑ನಾ॒ನ್ಯಾಭೃ॑ತಾ ವಿ॒ಶ್ವಕ॑ರ್ಮಣಾ ವಿ॒ಶ್ವದೇ॑ವ್ಯಾವತಾ ॥ 58

(10-189-02)
ಆಯ-ಙ್ಗೌಃ ಪೃಶ್ನಿ॑ರಕ್ರಮೀ॒ದಸ॑ದನ್ಮಾ॒ತರಂ॑ ಪು॒ರಃ ।
ಪಿ॒ತರಂ॑ ಚ ಪ್ರ॒ಯನ್ತ್ಸ್ವಃ॑ ॥ 59

ಅ॒ನ್ತಶ್ಚ॑ರತಿ ರೋಚ॒ನಾಸ್ಯ ಪ್ರಾ॒ಣಾದ॑ಪಾನ॒ತೀ ।
ವ್ಯ॑ಖ್ಯನ್ಮಹಿ॒ಷೋ ದಿವ॑ಮ್ ॥ 60

ತ್ರಿಂ॒ಶದ್ಧಾಮ॒ ವಿ ರಾ॑ಜತಿ॒ ವಾಕ್ಪ॑ತ॒ಙ್ಗಾಯ॑ ಧೀಯತೇ ।
ಪ್ರತಿ॒ ವಸ್ತೋ॒ರಹ॒ ದ್ಯುಭಿಃ॑ ॥ 61

(10-190-01)
ಋ॒ತ-ಞ್ಚ॑ ಸ॒ತ್ಯ-ಞ್ಚಾ॒ಭೀ॑ದ್ಧಾ॒ತ್ತಪ॒ಸೋ-ಽಧ್ಯ॑ಜಾಯತ ।
ತತೋ॒ ರಾತ್ರ್ಯ॑ಜಾಯತ॒ ತತ॑-ಸ್ಸಮು॒ದ್ರೋ ಅ॑ರ್ಣ॒ವಃ ॥ 62

ಸ॒ಮು॒ದ್ರಾದ॑ರ್ಣ॒ವಾದಧಿ॑ ಸಂ​ವಁತ್ಸ॒ರೋ ಅ॑ಜಾಯತ ।
ಅ॒ಹೋ॒ರಾ॒ತ್ರಾಣಿ॑ ವಿ॒ದಧ॒ದ್ವಿಶ್ವ॑ಸ್ಯ ಮಿಷ॒ತೋ ವ॒ಶೀ ॥ 63

ಸೂ॒ರ್ಯಾ॒ಚ॒ನ್ದ್ರ॒ಮಸೌ॑ ಧಾ॒ತಾ ಯ॑ಥಾಪೂ॒ರ್ವಮ॑ಕಲ್ಪಯತ್ ।
ದಿವಂ॑ ಚ ಪೃಥಿ॒ವೀ-ಞ್ಚಾ॒ನ್ತರಿ॑ಖ್ಷ॒ಮಥೋ॒ ಸ್ವಃ॑ ॥ 64

(10-036-14)
ಸ॒ವಿ॒ತಾ ಪ॒ಶ್ಚಾತಾ॑ತ್ಸವಿ॒ತಾ ಪು॒ರಸ್ತಾ॑ತ್ಸವಿ॒ತೋತ್ತ॒ರಾತ್ತಾ॑ತ್ಸವಿ॒ತಾಧ॒ರಾತ್ತಾ॑ತ್ ।
ಸ॒ವಿ॒ತಾ ನ॑-ಸ್ಸುವತು ಸ॒ರ್ವತಾ॑ತಿಂ ಸವಿ॒ತಾ ನೋ॑ ರಾಸತಾ-ನ್ದೀ॒ರ್ಘಮಾಯುಃ॑ ॥ 65

ಇತಿ ಮಹಾಸೌರಮನ್ತ್ರಃ ।