ಶೃಣು ನಾಮಾನಿ ರಾಹೋಶ್ಚ ಸೈಂಹಿಕೇಯೋ ವಿಧುನ್ತುದಃ ।
ಸುರಶತ್ರುಸ್ತಮಶ್ಚೈವ ಫಣೀ ಗಾರ್ಗ್ಯಾಯಣಸ್ತಥಾ ॥ 1 ॥

ಸುರಾಗುರ್ನೀಲಜೀಮೂತಸಙ್ಕಾಶಶ್ಚ ಚತುರ್ಭುಜಃ ।
ಖಡ್ಗಖೇಟಕಧಾರೀ ಚ ವರದಾಯಕಹಸ್ತಕಃ ॥ 2 ॥

ಶೂಲಾಯುಧೋ ಮೇಘವರ್ಣಃ ಕೃಷ್ಣಧ್ವಜಪತಾಕವಾನ್ ।
ದಕ್ಷಿಣಾಶಾಮುಖರತಃ ತೀಕ್ಷ್ಣದಂಷ್ಟ್ರಧರಾಯ ಚ ॥ 3 ॥

ಶೂರ್ಪಾಕಾರಾಸನಸ್ಥಶ್ಚ ಗೋಮೇದಾಭರಣಪ್ರಿಯಃ ।
ಮಾಷಪ್ರಿಯಃ ಕಶ್ಯಪರ್ಷಿನನ್ದನೋ ಭುಜಗೇಶ್ವರಃ ॥ 4 ॥

ಉಲ್ಕಾಪಾತಜನಿಃ ಶೂಲೀ ನಿಧಿಪಃ ಕೃಷ್ಣಸರ್ಪರಾಟ್ ।
ವಿಷಜ್ವಲಾವೃತಾಸ್ಯೋಽರ್ಧಶರೀರೋ ಜಾದ್ಯಸಮ್ಪ್ರದಃ ॥ 5 ॥

ರವೀನ್ದುಭೀಕರಶ್ಛಾಯಾಸ್ವರೂಪೀ ಕಠಿನಾಙ್ಗಕಃ ।
ದ್ವಿಷಚ್ಚಕ್ರಚ್ಛೇದಕೋಽಥ ಕರಾಳಾಸ್ಯೋ ಭಯಙ್ಕರಃ ॥ 6 ॥

ಕ್ರೂರಕರ್ಮಾ ತಮೋರೂಪಃ ಶ್ಯಾಮಾತ್ಮಾ ನೀಲಲೋಹಿತಃ ।
ಕಿರೀಟೀ ನೀಲವಸನಃ ಶನಿಸಾಮನ್ತವರ್ತ್ಮಗಃ ॥ 7 ॥

ಚಾಣ್ಡಾಲವರ್ಣೋಽಥಾಶ್ವ್ಯರ್ಕ್ಷಭವೋ ಮೇಷಭವಸ್ತಥಾ ।
ಶನಿವತ್ಫಲದಃ ಶೂರೋಽಪಸವ್ಯಗತಿರೇವ ಚ ॥ 8 ॥

ಉಪರಾಗಕರಃ ಸೂರ್ಯಹಿಮಾಂಶುಚ್ಛವಿಹಾರಕಃ ।
ನೀಲಪುಷ್ಪವಿಹಾರಶ್ಚ ಗ್ರಹಶ್ರೇಷ್ಠೋಽಷ್ಟಮಗ್ರಹಃ ॥ 9 ॥

ಕಬನ್ಧಮಾತ್ರದೇಹಶ್ಚ ಯಾತುಧಾನಕುಲೋದ್ಭವಃ ।
ಗೋವಿನ್ದವರಪಾತ್ರಂ ಚ ದೇವಜಾತಿಪ್ರವಿಷ್ಟಕಃ ॥ 10 ॥

ಕ್ರೂರೋ ಘೋರಃ ಶನೇರ್ಮಿತ್ರಂ ಶುಕ್ರಮಿತ್ರಮಗೋಚರಃ ।
ಮಾನೇಗಙ್ಗಾಸ್ನಾನದಾತಾ ಸ್ವಗೃಹೇಪ್ರಬಲಾಢ್ಯಕಃ ॥ 11 ॥

ಸದ್ಗೃಹೇಽನ್ಯಬಲಧೃಚ್ಚತುರ್ಥೇ ಮಾತೃನಾಶಕಃ ।
ಚನ್ದ್ರಯುಕ್ತೇ ತು ಚಣ್ಡಾಲಜನ್ಮಸೂಚಕ ಏವ ತು ॥ 12 ॥

ಜನ್ಮಸಿಂಹೇ ರಾಜ್ಯದಾತಾ ಮಹಾಕಾಯಸ್ತಥೈವ ಚ ।
ಜನ್ಮಕರ್ತಾ ವಿಧುರಿಪು ಮತ್ತಕೋ ಜ್ಞಾನದಶ್ಚ ಸಃ ॥ 13 ॥

ಜನ್ಮಕನ್ಯಾರಾಜ್ಯದಾತಾ ಜನ್ಮಹಾನಿದ ಏವ ಚ ।
ನವಮೇ ಪಿತೃಹನ್ತಾ ಚ ಪಞ್ಚಮೇ ಶೋಕದಾಯಕಃ ॥ 14 ॥

ದ್ಯೂನೇ ಕಳತ್ರಹನ್ತಾ ಚ ಸಪ್ತಮೇ ಕಲಹಪ್ರದಃ ।
ಷಷ್ಠೇ ತು ವಿತ್ತದಾತಾ ಚ ಚತುರ್ಥೇ ವೈರದಾಯಕಃ ॥ 15 ॥

ನವಮೇ ಪಾಪದಾತಾ ಚ ದಶಮೇ ಶೋಕದಾಯಕಃ ।
ಆದೌ ಯಶಃ ಪ್ರದಾತಾ ಚ ಅನ್ತೇ ವೈರಪ್ರದಾಯಕಃ ॥ 16 ॥

ಕಾಲಾತ್ಮಾ ಗೋಚರಾಚಾರೋ ಧನೇ ಚಾಸ್ಯ ಕಕುತ್ಪ್ರದಃ ।
ಪಞ್ಚಮೇ ಧಿಷಣಾಶೃಙ್ಗದಃ ಸ್ವರ್ಭಾನುರ್ಬಲೀ ತಥಾ ॥ 17 ॥

ಮಹಾಸೌಖ್ಯಪ್ರದಾಯೀ ಚ ಚನ್ದ್ರವೈರೀ ಚ ಶಾಶ್ವತಃ ।
ಸುರಶತ್ರುಃ ಪಾಪಗ್ರಹಃ ಶಾಮ್ಭವಃ ಪೂಜ್ಯಕಸ್ತಥಾ ॥ 18 ॥

ಪಾಟೀರಪೂರಣಶ್ಚಾಥ ಪೈಠೀನಸಕುಲೋದ್ಭವಃ ।
ದೀರ್ಘಕೃಷ್ಣೋಽತನುರ್ವಿಷ್ಣುನೇತ್ರಾರಿರ್ದೇವದಾನವೌ ॥ 19 ॥

ಭಕ್ತರಕ್ಷೋ ರಾಹುಮೂರ್ತಿಃ ಸರ್ವಾಭೀಷ್ಟಫಲಪ್ರದಃ ।
ಏತದ್ರಾಹುಗ್ರಹಸ್ಯೋಕ್ತಂ ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥

ಶ್ರದ್ಧಯಾ ಯೋ ಜಪೇನ್ನಿತ್ಯಂ ಮುಚ್ಯತೇ ಸರ್ವಸಙ್ಕಟಾತ್ ।
ಸರ್ವಸಮ್ಪತ್ಕರಸ್ತಸ್ಯ ರಾಹುರಿಷ್ಟಪ್ರದಾಯಕಃ ॥ 21 ॥

ಇತಿ ಶ್ರೀ ರಾಹು ಅಷ್ಟೋತ್ತರಶತನಾಮ ಸ್ತೋತ್ರಮ್ ।