දේව්යුවාච ।
ශ්රීකංඨ කරුණාසිංධෝ දීනබංධෝ ජගත්පතේ ।
භූතිභූෂිතසර්වාංග පරාත්පරතර ප්රභෝ ॥ 1 ॥

කෘතාංජලිපුටා භූත්වා පෘච්ඡාම්යේකං දයානිධේ ।
ආද්යා යා චිත්ස්වරූපා යා නිර්විකාරා නිරංජනා ॥ 2 ॥

බෝධාතීතා ජ්ඤානගම්යා කූටස්ථානංදවිග්රහා ।
අග්රාහ්යාතීංද්රියා ශුද්ධා නිරීහා ස්වාවභාසිකා ॥ 3 ॥

ගුණාතීතා නිෂ්ප්රපංචා හ්යවාඞ්මනසගෝචරා ।
ප්රකෘතිර්ජගදුත්පත්තිස්ථිතිසංහාරකාරිණී ॥ 4 ॥

රක්ෂාර්ථං ජගතෝ දේවකාර්යාර්ථං වා සුරද්විෂාම් ।
නාශාය ධත්තේ සා දේහං තත්තත්කාර්යෛකසාධකම් ॥ 5 ॥

තත්ර භූධරණාර්ථාය යජ්ඤවිස්තාරහේතවේ ।
විද්යුත්කේශහිරණ්යාක්ෂබාලාකාදිවධාය ච ॥ 6 ॥

ආවිර්බභූව යා ශක්තිර්ඝෝරා භූදාරරූපිණී ।
වාරාහී විකටාකාරා දානවාසුරනාශිනී ॥ 7 ॥

සද්යඃ සිද්ධිකරී දේවී ඝෝරාද්ඝෝරතරා ශිවා ।
තස්යාඃ සහස්රනාමාඛ්යං ස්තෝත්රං මේ සමුදීරය ॥ 8 ॥

කෘපාලේශෝऽස්ති මයි චේද්භාග්යං මේ යදි වා භවේත් ।
අනුග්රාහ්යා යද්යහං ස්යාං තදා වද දයානිධේ ॥ 9 ॥

ඊශ්වර උවාච ।
සාධු සාධු වරාරෝහේ ධන්යා බහුමතාසි මේ ।
ශුශ්රූෂයා සමුත්පන්නා භක්තිඃ ශ්රද්ධාන්විතා තව ॥ 10 ॥

සහස්රනාම වාරාහ්යාඃ සර්වසිද්ධිවිධායි ච ।
තව චේන්න ප්රවක්ෂ්යාමි ප්රියේ කස්ය වදාම්යහම් ॥ 11 ॥

කිංතු ගෝප්යං ප්රයත්නේන සංරක්ෂ්යං ප්රාණතෝऽපි ච ।
විශේෂතඃ කලියුගේ න දේයං යස්ය කස්යචිත් ।
සර්වේऽන්යථා සිද්ධිභාජෝ භවිෂ්යංති වරානනේ ॥ 12 ॥

ඕං අස්ය ශ්රීවාරාහීසහස්රනාමස්තෝත්රස්ය මහාදේව ඍෂිඃ । අනුෂ්ටුප් ඡංදඃ । වාරාහී දේවතා । ඓං බීජම් । ක්රෝං ශක්තිඃ । හුං කීලකම් । මම සර්වාර්ථසිද්ධ්යර්ථේ ජපේ විනියෝගඃ ।

ඕං වාරාහී වාමනී වාමා බගළා වාසවී වසුඃ ।
වෛදේහී වීරසූර්බාලා වරදා විෂ්ණුවල්ලභා ॥ 13 ॥

වංදිතා වසුදා වශ්යා ව්යාත්තාස්යා වංචිනී බලා ।
වසුංධරා වීතිහෝත්රා වීතරාගා විහායසී ॥ 14 ॥

සර්වා ඛනිප්රියා කාම්යා කමලා කාංචනී රමා ।
ධූම්රා කපාලිනී වාමා කුරුකුල්ලා කලාවතී ॥ 15 ॥

යාම්යාऽऽග්නේයී ධරා ධන්යා ධර්මිණී ධ්යානිනී ධ්රුවා ।
ධෘතිර්ලක්ෂ්මීර්ජයා තුෂ්ටිඃ ශක්තිර්මේධා තපස්විනී ॥ 16 ॥

වේධා ජයා කෘතිඃ කාංතිඃ ස්වාහා ශාංතිර්දමා රතිඃ ।
ලජ්ජා මතිඃ ස්මෘතිර්නිද්රා තංත්රා ගෞරී ශිවා ස්වධා ॥ 17 ॥

චංඩී දුර්ගාऽභයා භීමා භාෂා භාමා භයානකා ।
භූදාරා භයහා භීරුර්භෛරවී භංගරා භටී ॥ 18 ॥

ඝුර්ඝුරා ඝෝෂණා ඝෝරා ඝෝෂිණී ඝෝණසංයුතා ।
ඝනාඝනා ඝර්ඝරා ච ඝෝණයුක්තාऽඝනාශිනී ॥ 19 ॥

පූර්වාග්නේයී යාතු යාම්යා වායව්යුත්තරවාරුණී ।
ඓශාන්යූර්ධ්වාධඃස්ථිතා ච පෘෂ්ඨදක්ෂාග්රවාමගා ॥ 20 ॥

හෘන්නාභිබ්රහ්මරංධ්රාර්කස්වර්ගපාතාළභූමිගා ।
ඓං ශ්රීඃ හ්රීඃ ක්ලීං තීර්ථගතිඃ ප්රීතිර්ධීර්ගීඃ කලාऽව්යයා ॥ 21 ॥

ඍග්යජුඃ සාමරූපා ච පරා පෝත්රිණ්යුදුංබරා ।
ගදාසිශක්තිචාපේෂුශූලචක්රර්ෂ්ටිධාරිණී ॥ 22 ॥

ජරතී යුවතී බාලා චතුරංගබලෝත්කටා ।
සත්යාක්ෂරා නිධිර්නේත්රී ධාත්රී පෝත්රී පරා පටුඃ ॥ 23 ॥

ක්ෂේත්රජ්ඤා කංපිනී ජ්යේෂ්ඨා දුරාධර්ෂා ධුරංධරා ।
මාලිනී මානිනී මාතා මානනීයා මනස්විනී ॥ 24 ॥

මදෝත්කටා මන්යුකරී මනුරූපා මනෝජවා ।
මේදස්විනී මද්යරතා මධුපා මංගළාऽමරා ॥ 25 ॥

මායා මාතාऽऽමයහරී මෘඩානී මහිළා මෘතිඃ ।
මහාදේවී මෝහහරී මංජුර්මෘත්යුංජයාऽමලා ॥ 26 ॥

මාංසලා මානවා මූලා මහාරාත්රිර්මදාලසා ।
මෘගාංකා මේනකා මාන්යා මහිෂඝ්නී මදංතිකා ॥ 27 ॥

මූර්ඡාමෝහමෘෂාමෝඝාමදමෘත්යුමලාපහා ।
සිංහර්ක්ෂමහිෂව්යාඝ්රමෘගක්රෝඩානනා ධුනී ॥ 28 ॥

ධරිණී ධාරිණී ධේනුර්ධරිත්රී ධාවනී ධවා ।
ධර්මධ්වනා ධ්යානපරා ධනධාන්යධරාප්රදා ॥ 29 ॥

පාපදෝෂරිපුව්යාධිනාශිනී සිද්ධිදායිනී ।
කලාකාෂ්ඨාක්ෂමාපක්ෂාහස්ත්රුටිශ්වාසරූපිණී ॥ 30 ॥

සමෘද්ධා සුභුජා රෞද්රී රාධා රාගා රමාරණිඃ ।
රාමා රතිප්රියා රුෂ්ටා රක්ෂිණී රවිමධ්යගා ॥ 31 ॥

රජනී රමණී රේවා රංකිනී රංජිනී රමා ।
රෝෂා රෝෂවතී රූක්ෂා කරිරාජ්යප්රදා රතා ॥ 32 ॥

රූක්ෂා රූපවතී රාස්යා රුද්රාණී රණපංඩිතා ।
ගංගා ච යමුනා චෛව සරස්වතිස්වසූර්මධුඃ ॥ 33 ॥

ගංඩකී තුංගභද්රා ච කාවේරී කෞශිකී පටුඃ ।
කට්වෝරගවතී චාරා සහස්රාක්ෂා ප්රතර්දනා ॥ 34 ॥

සර්වජ්ඤා ශාංකරී ශාස්ත්රී ජටාධාරිණ්යයෝරදා ।
යාවනී සෞරභී කුබ්ජා වක්රතුංඩා වධෝද්යතා ॥ 35 ॥

චංද්රාපීඩා වේදවේද්යා ශංඛිනී නීලලෝහිතා ।
ධ්යානාතීතාऽපරිච්ඡේද්යා මෘත්යුරූපා ත්රිවර්ගදා ॥ 36 ॥

අරූපා බහුරූපා ච නානාරූපා නතානනා ।
වෘෂාකපිර්වෘෂාරූඪා වෘෂේශී වෘෂවාහනා ॥ 37 ॥

වෘෂප්රියා වෘෂාවර්තා වෘෂපර්වා වෘෂාකෘතිඃ ।
කෝදංඩිනී නාගචූඩා චක්ෂුෂ්යා පරමාර්ථිකා ॥ 38 ॥

දුර්වාසා දුර්ගහා දේවී දුරාවාසා දුරාරිහා ।
දුර්ගා රාධා දුඃඛහංත්රී දුරාරාධ්යා දවීයසී ॥ 39 ॥

දුරාවාසා දුෂ්ප්රහස්තා දුෂ්ප්රකංපා දුරූහිණී ।
සුවේණී රමණී ශ්යාමා මෘගව්යාධාර්ඝතාපිනී ॥ 40 ॥

උග්රා තාර්ක්ෂී පාශුපතී කෞණපී කුණපාශනා । [දුර්ගා]
කපර්දිනී කාමකාමා කමනීයා කලෝජ්ජ්වලා ॥ 41 ॥

කාසාවහෘත්කාරකානී කංබුකංඨී කෘතාගමා ।
කර්කශා කාරණා කාංතා කල්පාऽකල්පා කටංකටා ॥ 42 ॥

ශ්මශානනිලයා භින්නා ගජාරුඪා ගජාපහා ।
තත්ප්රියා තත්පරා රායා ස්වර්භානුඃ කාලවංචිනී ॥ 43 ॥

ශාඛා විශාඛා ගෝශාඛා සුශාඛා ශේෂශාඛිනී ।
ව්යංගා ශුභාංගා වාමාංගා නීලාංගාऽනංගරූපිණී ॥ 44 ॥

සාංගෝපාංගා ච සාරංගා සුභාංගා රංගරූපිණී ।
භද්රා සුභද්රා භද්රාක්ෂී සිංහිකා විනතාऽදිතිඃ ॥ 45 ॥

හෘද්යාऽවද්යා සුපද්යා ච ගද්යපද්යප්රියා ප්රසූඃ ।
චර්චිකා භෝගවත්යංබා සාරසී ශබරී නටී ॥ 46 ॥

යෝගිනී පුෂ්කලාऽනංතා පරා සාංඛ්යා ශචී සතී ।
නිම්නගා නිම්නනාභිශ්ච සහිෂ්ණුර්ජාගෘතී ලිපිඃ ॥ 47 ॥

දමයංතී දමී දංඩෝද්දංඩිනී දාරදායිකා ।
දීපිනී දාවිනී ධාත්රී දක්ෂකන්යා දම්යා දරත් ॥ 48 ॥

දාහිනී ද්රවිණී දර්වී දංඩිනී දංඩනායිකා ।
දානප්රියා දෝෂහංත්රී දුඃඛදාරිද්ර්යනාශිනී ॥ 49 ॥

දෝෂදා දෝෂකෘද්දෝග්ධ්රී දෝහතී දේවිකාऽධනා ।
දර්වීකරී දුර්වලිතා දුර්යුගාऽද්වයවාදිනී ॥ 50 ॥

චරාචරාऽනංතවෘෂ්ටිරුන්මත්තා කමලාऽලසා ।
තාරිණී තාරකාංතාරා පරමාත්මාබ්ජලෝචනා ॥ 51 ॥

ඉංදුර්හිරණ්යකවචා ව්යවස්ථා ව්යවසායිකා ।
ඊශනංදා නදී නාගී යක්ෂිණී සර්පිණී වරී ॥ 52 ॥

සුධා සුරා විශ්වසහා සුවර්ණාංගදධාරිණී ।
ජනනී ප්රීතිභාගේශී සාම්රාජ්ඤී සංවිදුත්තමා ॥ 53 ॥

අමේයාऽරිෂ්ටදමනී පිංගළා ලිංගධාරිණී ।
චාමුංඩා ප්ලාවිනී හාලා බෘහජ්ජ්යෝතිරුරුක්රමා ॥ 54 ॥

සුප්රතීකා ච සුග්රීවා හව්යවාහා ප්රලාපිනී ।
නභස්යා මාධවී ජ්යේෂ්ඨා ශිශිරා ජ්වාලිනී රුචිඃ ॥ 55 ॥

ශුක්ලා ශුක්රා ශුචා ශෝකා ශුකී භේකී පිකී බකී ।
පෘෂදශ්වා නභෝයෝනිඃ සුප්රතීකා විභාවරී ॥ 56 ॥

ගර්විතා ගුර්විණී ගණ්යා ගුරුර්ගුරුධරී ගයා ।
ගංධර්වී ගණිකා ගුංද්රා ගාරුඩී ගෝපිකාऽග්රගා ॥ 57 ॥

ගණේශී ගාමිනී ගංතා ගෝපතිර්ගංධිනී ගවී ।
ගර්ජිතා ගානනී ගෝනා ගෝරක්ෂා ගෝවිදාං ගතිඃ ॥ 58 ॥

ග්රාථිකී ග්රථිකෘද්ගෝෂ්ඨී ගර්භරූපා ගුණෛෂිණී ।
පාරස්කරී පාංචනදා බහුරූපා විරූපිකා ॥ 59 ॥

ඌහා ව්යූහා දුරූහා ච සම්මෝහා මෝහහාරිණී ।
යජ්ඤවිග්රහිණී යජ්ඤා යායජූකා යශස්විනී ॥ 60 ॥

අග්නිෂ්ටෝමාऽත්යග්නිෂ්ටෝමා වාජපේයශ්ච ෂෝඩශී ।
පුංඩරීකාऽශ්වමේධශ්ච රාජසූයශ්ච නාභසඃ ॥ 61 ॥

ස්විෂ්ටකෘද්බහුසෞවර්ණෝ ගෝසවශ්ච මහාව්රතඃ ।
විශ්වජිද්බ්රහ්මයජ්ඤශ්ච ප්රාජාපත්යඃ ශිලායවඃ ॥ 62 ॥

අශ්වක්රාංතා රථක්රාංතා විෂ්ණුක්රාංතා විභාවසුඃ ।
සූර්යක්රාංතා ගජක්රාංතා බලිභින්නාගයජ්ඤකඃ ॥ 63 ॥

සාවිත්රී චාර්ධසාවිත්රී සර්වතෝභද්රවාරුණා ।
ආදිත්යාමය ගෝදෝහ ගවාමය මෘගාමයා ॥ 64 ॥

සර්පමයඃ කාලපිංජඃ කෞංඩින්යෝපනාගාහලඃ ।
අග්නිවිද්ද්වාදශාහස්වෝපාංශුඃ සෝම විධෝ හනඃ ॥ 65 ॥

අශ්වප්රතිග්රහෝ බර්හිරථෝऽභ්යුදය ඍද්ධිරාට් ।
සර්වස්වදක්ෂිණෝ දීක්ෂා සෝමාඛ්යා සමිදාහ්වයඃ ॥ 66 ॥

කඨායනශ්ච ගෝදෝහඃ ස්වාහාකාරස්තනූනපාත් ।
දංඩා පුරුෂ මේධශ්ච ශ්යේනෝ වජ්ර ඉෂුර්යමඃ ॥ 67 ॥

අංගිරාඃ කංකභේරුංඩා චාංද්රායණපරායණා ।
ජ්යෝතිෂ්ටෝමඃ ගුදෝ දර්ශෝ නංද්යාඛ්යඃ පෞර්ණමාසිකඃ ॥ 68 ॥

ගජප්රතිග්රහෝ රාත්රිඃ සෞරභඃ ශාංකලායනඃ ।
සෞභාග්යකෘච්ච කාරීෂෝ බෛදලායනරාමඨෞ ॥ 69 ॥

ශෝචිෂ්කාරී නාචිකේතඃ ශාංතිකෘත්පුෂ්ටිකෘත්තථා ।
වෛනතේයෝච්චාටනෞ ච වශීකරණ මාරණේ ॥ 70 ॥

ත්රෛලෝක්යමෝහනෝ වීරඃ කංදර්පබලශාතනඃ ।
ශංඛචූඩෝ ගජච්ඡායෝ රෞද්රාඛ්යෝ විෂ්ණුවික්රමඃ ॥ 71 ॥

භෛරවඃ කවහාඛ්යශ්චාවභෘථෝऽෂ්ටකපාලකඃ ।
ශ්රෞෂට් වෞෂට් වෂට්කාරඃ පාකසංස්ථා පරිශ්රුතී ॥ 72 ॥

චයනෝ නරමේධශ්ච කාරීරී රත්නදානිකා ।
සෞත්රාමණී ච භාරුංදා බාර්හස්පත්යෝ බලංගමඃ ॥ 73 ॥

ප්රචේතාඃ සර්වසත්රශ්ච ගජමේධඃ කරංභකඃ ।
හවිඃසංස්ථා සෝමසංස්ථා පාකසංස්ථා ගරුත්මතී ॥ 74 ॥

සත්යසූර්යශ්චමසඃ ස්රුක් ස්රුවෝලූඛල මේක්ෂණී ।
චපලෝ මංථනී මේඪී යූපඃ ප්රාග්වංශකුංචිකා ॥ 75 ॥

රශ්මිරංශුශ්ච දෝභ්යශ්ච වාරුණෝදඃ පවිඃ කුථා ।
ආප්තෝර්යාමෝ ද්රෝණකලශෝ මෛත්රාවරුණ ආශ්විනඃ ॥ 76 ॥

පාත්නීවතශ්ච මංථී ච හාරියෝජන ඒව ච ।
ප්රතිප්රස්ථානශුක්රෞ ච සාමිධේනී සමිත්සමා ॥ 77 ॥

හෝතාऽධ්වර්යුස්තථෝද්ගාතා නේතා ත්වෂ්ටා ච යෝත්රිකා ।
ආග්නීධ්රෝऽච්ඡාවකාෂ්ටාවග්ග්රාවස්තුත්ප්රතර්දකඃ ॥ 78 ॥

සුබ්රහ්මණ්යෝ බ්රාහ්මණශ්ච මෛත්රාවරුණවාරුණෞ ।
ප්රස්තෝතා ප්රතිප්රස්ථාතා යජමානෝ ධ්රුවංත්රිකා ॥ 79 ॥

ආමික්ෂා පෘෂදාජ්යං ච හව්යං කව්යං චරුඃ පයඃ ।
ජුහුද්ඝ්රාවෝපභෘද්බ්රහ්මා ත්රයී ත්රේතා තරස්විනී ॥ 80 ॥

පුරෝඩාශඃ පශූකර්ෂඃ ප්රෝක්ෂණී බ්රහ්මයජ්ඤිනී ।
අග්නිජිහ්වා දර්භරෝමා බ්රහ්මශීර්ෂා මහෝදරී ॥ 81 ॥

අමෘතප්රාශිකා නාරායණී නග්නා දිගංබරා ।
ඕංකාරිණී චතුර්වේදරූපා ශ්රුතිරනුල්බණා ॥ 82 ॥

අෂ්ටාදශභුජා රංභා සත්යා ගගනචාරිණී ।
භීමවක්ත්රා මහාවක්ත්රා කීර්තිරාකෘෂ්ණපිංගළා ॥ 83 ॥

කෘෂ්ණමූර්ධා මහාමූර්ධා ඝෝරමූර්ධා භයානනා ।
ඝෝරානනා ඝෝරජිහ්වා ඝෝරරාවා මහාව්රතා ॥ 84 ॥

දීප්තාස්යා දීප්තනේත්රා ච චංඩප්රහරණා ජටී ।
සුරභී සෞලභී වීචී ඡායා සංධ්යා ච මාංසලා ॥ 85 ॥

කෘෂ්ණා කෘෂ්ණාංබරා කෘෂ්ණශාරංගිණී කෘෂ්ණවල්ලභා ।
ත්රාසිනී මෝහිනී ද්වේෂ්යා මෘත්යුරූපා භයාපහා ॥ 86 ॥

භීෂණා දානවේංද්රඝ්නී කල්පකර්තා ක්ෂයංකරී ।
අභයා පෘථිවී සාධ්වී කේශිනී ව්යාධිජන්මහා ॥ 87 ॥

අක්ෂෝභ්යාऽऽහ්ලාදිනී කන්යා පවිත්රා රෝපිණී ශුභා ।
කන්යාදේවී සුරාදේවී භීමාදේවී මදංතිකා ॥ 88 ॥

ශාකංභරී මහාශ්වේතා ධූම්රා ධූම්රේශ්වරීශ්වරී ।
වීරභද්රා මහාභද්රා මහාදේවී මහාසුරී ॥ 89 ॥

ශ්මශානවාසිනී දීප්තා චිතිසංස්ථා චිතිප්රියා ।
කපාලහස්තා ඛට්වාංගී ඛඩ්ගිනී ශූලිනී හලී ॥ 90 ॥

කාංතාරිණී මහායෝගී යෝගමාර්ගා යුගග්රහා ।
ධූම්රකේතුර්මහාස්යායුර්යුගානාං පරිවර්තිනී ॥ 91 ॥

අංගාරිණ්යංකුශකරා ඝංටාවර්ණා ච චක්රිණී ।
වේතාළී බ්රහ්මවේතාළී මහාවේතාළිකා තථා ॥ 92 ॥

විද්යාරාජ්ඤී මෝහරාජ්ඤී මහාරාජ්ඤී මහෝදරී ।
භූතං භව්යං භවිෂ්යං ච සාංඛ්යං යෝගස්තපෝ දමඃ ॥ 93 ॥

අධ්යාත්මං චාධිදෛවං චාධිභූතාංශ ඒව ච ।
ඝංටාරවා විරූපාක්ෂී ශිඛිවිච්ඡ්රීචයප්රියා ॥ 94 ॥

ඛඩ්ගශූලගදාහස්තා මහිෂාසුරමර්දිනී ।
මාතංගී මත්තමාතංගී කෞශිකී බ්රහ්මවාදිනී ॥ 95 ॥

උග්රතේජා සිද්ධසේනා ජෘංභිණී මෝහිනී තථා ।
ජයා ච විජයා චෛව විනතා කද්රුරේව ච ॥ 96 ॥

ධාත්රී විධාත්රී වික්රාංතා ධ්වස්තා මූර්ඡා ච මූර්ඡනී ।
දමනී ධර්මිණී දම්යා ඡේදිනී තාපිනී තපී ॥ 97 ॥

බංධිනී බාධිනී බංධා බෝධාතීතා බුධප්රියා ।
හරිණී හාරිණී හංත්රී ධරිණී ධාරිණී ධරා ॥ 98 ॥

විසාධිනී සාධිනී ච සංධ්යා සංගෝපනී ප්රියා ।
රේවතී කාලකර්ණී ච සිද්ධිර්ලක්ෂ්මීරරුංධතී ॥ 99 ॥

ධර්මප්රියා ධර්මරතිඃ ධර්මිෂ්ඨා ධර්මචාරිණී ।
ව්යුෂ්ටිඃ ඛ්යාතිඃ සිනීවාලී කුහූඃ ඍතුමතී මෘතිඃ ॥ 100 ॥

ත්වාෂ්ට්රී වෛරෝචනී මෛත්රී නීරජා කෛටභේශ්වරී ।
භ්රමණී භ්රාමණී භ්රාමා භ්රමරී භ්රාමරී භ්රමා ॥ 101 ॥

නිෂ්කළා කලහා නීතා කෞලාකාරා කළේබරා ।
විද්යුජ්ජිහ්වා වර්ෂිණී ච හිරණ්යාක්ෂනිපාතිනී ॥ 102 ॥

ජිතකාමා කාමෘගයා කෝලා කල්පාංගිනී කලා । [කාමගමා]
ප්රධානා තාරකා තාරා හිතාත්මා හිතභේදිනී ॥ 103 ॥

දුරක්ෂරා පරබ්රහ්ම මහාදානා මහාහවා ।
වාරුණී ව්යරුණී වාණී වීණා වේණී විහංගමා ॥ 104 ॥

මෝදප්රියා මෝදකිනී ප්ලවනී ප්ලාවිනී ප්ලුතිඃ ।
අජරා ලෝහිතා ලාක්ෂා ප්රතප්තා විශ්වභෝජිනී ॥ 105 ॥

මනෝ බුද්ධිරහංකාරඃ ක්ෂේත්රජ්ඤා ක්ෂේත්රපාලිකා ।
චතුර්වේදා චතුර්භාරා චතුරංතා චරුප්රියා ॥ 106 ॥

චර්විණී චෝරිණී චාරී ශාංකරී චර්මභෛරවී ।
නිර්ලේපා නිෂ්ප්රපංචා ච ප්රශාංතා නිත්යවිග්රහා ॥ 107 ॥

ස්තව්යා ස්තවප්රියා ව්යාළා ගුරුරාශ්රිතවත්සලා ।
නිෂ්කළංකා නිරාලංබා නිර්ද්වංද්වා නිෂ්පරිග්රහා ॥ 108 ॥

නිර්ගුණා නිර්මලා නිත්යා නිරීහා නිරඝා නවා ।
නිරිංද්රියා නිරාභාසා නිර්මෝහා නීතිනායිකා ॥ 109 ॥

නිරිංධනා නිෂ්කළා ච ලීලාකාරා නිරාමයා ।
මුංඩා විරූපා විකෘතා පිංගළාක්ෂී ගුණෝත්තරා ॥ 110 ॥

පද්මගර්භා මහාගර්භා විශ්වගර්භා විලක්ෂණා ।
පරමාත්මා පරේශානී පරා පාරා පරංතපා ॥ 111 ॥

සංසාරසේතුඃ ක්රූරාක්ෂී මූර්ඡාමුක්තා මනුප්රියා । [මග්නා]
විස්මයා දුර්ජයා දක්ෂා දනුහංත්රී දයාලයා ॥ 112 ॥

පරබ්රහ්මාऽऽනංදරූපා සර්වසිද්ධිවිධායිනී । ඕම් ।
ඒවමුඩ්ඩාමරාතංත්රාන්මයෝද්ධෘත්ය ප්රකාශිතම් ॥ 113 ॥

ගෝපනීයං ප්රයත්නේන නාඛ්යේයං යස්ය කස්යචිත් ।
යදීච්ඡසි ද්රුතං සිද්ධිමෛශ්වර්යං චිරජීවිතාම් ॥ 114 ॥

ආරෝග්යං නෘපසම්මානං දානාන්යස්ය තු කීර්තයේත් ।
නාම්නාං සහස්රං වාරාහ්යාඃ මයා තේ සමුදීරිතම් ॥ 115 ॥

යඃ පඨේච්ඡෘණුයාද්වාපි සර්වපාපෛඃ ප්රමුච්යතේ ।
අශ්වමේධසහස්රස්ය වාජපේයශතස්ය ච ॥ 116 ॥

පුංඩරීකායුතස්යාපි ඵලං පාඨාත් ප්රජායතේ ।
පඨතඃ සර්වභාවේන සර්වා ස්යුඃ සිද්ධයඃ කරේ ॥ 117 ॥

ජායතේ මහදෛශ්වර්යං සර්වේෂාං දයිතෝ භවේත් ।
ඝනසාරායතේ වහ්නිරගාධෝබ්ධිඃ කණායතේ ॥ 118 ॥

සිද්ධයශ්ච තෘණායංතේ විෂමප්යමෘතායතේ ।
හාරායංතේ මහාසර්පාඃ සිංහඃ ක්රීඩාමෘගායතේ ॥ 119 ॥

දාසායංතේ මහීපාලා ජගන්මිත්රායතේऽඛිලම් ।
තස්මාන්නාම්නාං සහස්රේණ ස්තුතා සා ජගදංබිකා ।
ප්රයච්ඡත්යඛිලාන් කාමාන් දේහාංතේ පරමාං ගතිම් ॥ 120 ॥

ඉති උඩ්ඩාමරතංත්රේ ශ්රී ආදිවාරාහී සහස්රනාම ස්තෝත්රම් ॥