அஸ்ய ஶ்ரீப்³ருஹஸ்பதி கவசமஹா மந்த்ரஸ்ய, ஈஶ்வர ருஷி:,
அனுஷ்டுப் ச²ந்த:³, ப்³ருஹஸ்பதிர்தே³வதா,
க³ம் பீ³ஜம், ஶ்ரீம் ஶக்தி:, க்லீம் கீலகம்,
ப்³ருஹஸ்பதி ப்ரஸாத³ ஸித்³த்⁴யர்தே² ஜபே வினியோக:³ ॥

த்⁴யானம்
அபீ⁴ஷ்டப²லத³ம் வந்தே³ ஸர்வஜ்ஞம் ஸுரபூஜிதம் ।
அக்ஷமாலாத⁴ரம் ஶாந்தம் ப்ரணமாமி ப்³ருஹஸ்பதிம் ॥

அத² ப்³ருஹஸ்பதி கவசம்
ப்³ருஹஸ்பதி: ஶிர: பாது லலாடம் பாது மே கு³ரு: ।
கர்ணௌ ஸுரகு³ரு: பாது நேத்ரே மேபீ⁴ஷ்டதா³யக: ॥ 1 ॥

ஜிஹ்வாம் பாது ஸுராசார்ய: நாஸம் மே வேத³பாரக:³ ।
முக²ம் மே பாது ஸர்வஜ்ஞ: கண்ட²ம் மே தே³வதாகு³ரு: ॥ 2 ॥

பு⁴ஜா வங்கீ³ரஸ: பாது கரௌ பாது ஶுப⁴ப்ரத:³ ।
ஸ்தனௌ மே பாது வாகீ³ஶ: குக்ஷிம் மே ஶுப⁴லக்ஷண: ॥ 3 ॥

நாபி⁴ம் தே³வகு³ரு: பாது மத்⁴யம் பாது ஸுக²ப்ரத:³ ।
கடிம் பாது ஜக³த்³வந்த்³ய: ஊரூ மே பாது வாக்பதி: ॥ 4 ॥

ஜானுஜங்கே⁴ ஸுராசார்ய: பாதௌ³ விஶ்வாத்மக: ஸதா³ ।
அன்யானி யானி சாங்கா³னி ரக்ஷேன்மே ஸர்வதோ கு³ரு: ॥ 5 ॥

ப²லஶ்ருதி:
இத்யேதத்கவசம் தி³வ்யம் த்ரிஸந்த்⁴யம் ய: படே²ன்னர: ।
ஸர்வான் காமானவாப்னோதி ஸர்வத்ர விஜயீ ப⁴வேத் ॥

॥ இதி ஶ்ரீ ப்³ருஹஸ்பதி கவசம் ॥